ព័ត៌មានជាតិ

មកដល់ថ្ងៃទី១១មិថុនានេះ សំណង់មិនរៀបរយលើផ្ទៃទឹក នៅខណ្ឌព្រែកព្នៅ បានរុះរើចេញប្រមាណជា២០ភាគរយ

បានផុស

៣ years មុន

នៅ

ថ្ងៃសុក្រ ១១ មិថុនា ២០២១

ដោយ

ភ្នំពេញ ៖ បន្ទាប់ពីសាលាខណ្ឌព្រែកព្នៅបានចុះត្រួតពិនិត្យ និងផ្សព្វផ្សាយជូនដំណឹងដល់ប្រជាពលរដ្ឋដែលមានផ្ទះបណ្តែតទឹក បែចិញ្ចឹមត្រី ផ្ទះទូកតូចៗ និងសំណង់មិនរៀបរយនៅលើផ្ទៃទន្លេសាប នៅក្នុងមូលដ្ឋានខណ្ឌព្រែកព្នៅ តាមលិខិតលេខ ០៣៨/២១ សជណ.ច ចុះថ្ងៃទី០២ ខែមិថុនា ឆ្នាំ២០២១ របស់រដ្ឋបាលរាជធានីភ្នំពេញ ឲ្យរុះរើមក មកដល់ពេលនេះបែចិញ្ចឹមត្រី ផ្ទះបណ្ដែតទឹក ផ្ទះទូកតូចៗ និងសំណង់មិនរៀបរយលើផ្ទៃទឹក នៅភូមិសាស្ត្រខណ្ឌព្រែកព្នៅ បានរុះរើយកចេញប្រមាណជា២០ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងខណៈចុះត្រួតពិនិត្យ និងផ្សព្វផ្សាយនៅតាមទន្លេដែលមាន ផ្ទះបណ្តែតទឹក បែចិញ្ចឹមត្រី ផ្ទះទូកតូចៗ និងសំណង់មិនរៀបរយនៅលើផ្ទៃទន្លេសាប នៅក្នុងមូលដ្ឋានខណ្ឌព្រែកព្នៅ នាថ្ងៃទី១១ ខែមិថុនា ឆ្នាំ២០២២១នេះ លោកជា ខេមា អភិបាលខណ្ឌព្រែកព្នៅ បាបប្រាប់ឲ្យដឹងថា យើងចុះទៅជូនដំណឹង និងផ្សព្វផ្សាយបន្ថែមដើម្បីជំរុញឲ្យពួកគាត់រុះរើតាមសេចក្តីជូនដំណឹងនេះ ជាក់ស្តែងប្រជាពលរដ្ឋដែលបែចិញ្ចឹមត្រី ផ្ទះបណ្ដែតទឹក ផ្ទះទូកតូចៗ និងសំណង់មិនរៀបរយលើផ្ទៃទឹក នៅភូមិសាស្ត្រខណ្ឌព្រែកព្នៅ បានរុះរើយកចេញប្រមាណជា២០ភាគរយប៉ុណ្ណោះ ហើយថ្ងៃស្អែកយើងនិងចុះជាទ្រង់ទ្រាយធំ ដើម្បីឲ្យពួកគាត់រុះរើចេញឲ្យអស់។

គួរបញ្ជាក់ថា តាមការស្រង់ស្ថិតិរបស់រដ្ឋបាលខណ្ឌព្រែកព្នៅ បានឲ្យដឹងថា ប្រជាពលរដ្ឋដែលរស់នៅលើផ្ទះបណ្តែតទឹក បែចិញ្ចឹមត្រី ផ្ទះទូកតូចៗ និងសំណង់មិនរៀបរយលើផ្ទៃទន្លេនេះភាគច្រើនជាជនជាតិវៀតណាម មានចំនួន២៩២ខ្នងផ្ទះ និងមានចំនួន៣០៨គ្រួសារ នៅក្នុងភូមិគ្រួសនៃសង្កាត់សំរោង និងក្នុងភូមិឌួង ភូមិពោធិមង្គល ភូមិផ្សារលិច និងភូមិកណ្តាល នៃសង្កាត់ព្រែកព្នៅ ដែលបានមកសង់ផ្ទះ បែចិញ្ចឹមត្រីរស់នៅយ៉ាងអនាធិបតេយ្យនៅតាមដងទន្លេ ស្ថិតក្នុងសង្កាត់ព្រែកព្នៅ និងសង្កាត់សំរោង ខណ្ឌព្រែកព្នៅ រាជធានីភ្នំពេញ៕

ដោយ ៖ ឧត្តរ៉ា