ព័ត៌មានជាតិ
អ្នកជំងឺកូវីដជាសះស្បើយនៅកម្ពុជាកើនឡើងដល់ជាង៣ម៉ឺននាក់ហើយ
រហូតមកដល់ពេលនេះ មានអ្នកជំងឺកូវីដ-១៩ បានព្យាបាលជាសះស្បើយមានជាង៣ម៉ឺននាក់ហើយខណៈអ្នកស្លាប់កើនឡើងដល់ជាង៣០០នាក់ ក្នុងចំណោមអ្នកជំងឺសរុបជិត៣ម៉ឺន៨ពាន់នាក់ នៅទូទាំងប្រទេស។
បើតាមក្រសួងសុខាភិបាលបានឱ្យដឹងថា នៅថ្ងៃនេះក្រសួងបានរកឃើញអ្នកឆ្លងថ្មីចំនួន៦៣៨នាក់ទៀត ក្នុងនោះមានករណីឆ្លងសហគមន៍ចំនួន៥៩៤នាក់ និងអ្នកដំណើរមកពីបរទេសចំនួន៤៤នាក់អ្នកជាសះស្បើយចំនួន៦០៥នាក់ និងស្លាប់០៩នាក់។
បើតាមលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអះអាងថា មូលហេតុដែលមានអ្នកជំងឺកូវីដ១៩ជាសះស្បើយច្រើន ដោយសារការចាក់វ៉ាក់សាំងការពារជំងឺកូវីដ១៩គួបផ្សំនឹងការប្រើប្រាស់ឱសថបុរាណចិនLianhuaQingwenទើបធ្វើឲ្យមានអ្នកជាសះស្បើយច្រើនក្នុង១ថ្ងៃៗ។
លោករដ្ឋមន្ត្រីបានបន្តថា «ឥឡូវនេះយើងឃើញថា អ្នកជំងឺស្រាលៗបានជាសះស្បើយមានច្រើនដោយសារតែម្យ៉ាងយើងបានចាក់ថ្នាំបង្ការគួបផ្សំនឹងថ្នាំបុរាណចិនកំពុងប្រើប្រាស់សម្រាប់ព្យាបាលអ្នកជំងឺដែលមានរោគសញ្ញាស្រាលៗ ដូចជាអ្នកជំងឺមានហៀសំបោរ ក្អក និងក្តៅខ្លួនពេលលេបទៅវាមានប្រសិទ្ធភាព។ អីចឹងទើបឃើញអ្នកជំងឺខាងក្រៅដែលនៅក្នុងមណ្ឌលព្យាបាលមានជាសះ ស្បើយច្រើន»។
លោករដ្ឋមន្ត្រីបានបន្តទៀតថា អ្នកជំងឺដែលបានទទួលបានចាក់វ៉ាក់សាំង និងប្រើថ្នាំបុរាណចិន មិនមានការវិវត្តន៍ជំងឺទៅជាធ្ងន់ដែរ បើមានធ្ងន់ក៏មានចំនួនតិចតួចដែរ ពោលគឺមានតែ២ទៅ៣នាក់ប៉ុណ្ណោះ។
គួរបញ្ជាក់ថា គិតត្រឹមព្រឹកថ្ងៃទី១២ ខែមិថុនា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩សរុបចំនួន៣៧៩៥៩នាក់ អ្នកជាសះស្បើយចំនួន៣១២២២នាក់ អ្នកសម្រាកពេទ្យចំនួន៦៧៣៧នាក់និងអ្នកស្លាប់ចំនួន៣២០នាក់៕
អត្ថបទ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល