ព័ត៌មានជាតិ
អាណិតណាស់ ខំជិះម៉ូតូរត់មុខរថយន្តសង្រ្គោះក្នុងបំណងបើកផ្លូវតែជួបគ្រោះថ្នាក់ចរាចរណ៍ដល់ស្លាប់
យុវជនម្នាក់ដែលគេស្គាល់ថាជាក្រុមយុវជនស្មក្រ័ចិត្តហើយតែងតែជិះម៉ូតូសុំបើកផ្លូវឲ្យរថយន្តសង្រ្គោះបន្ទាន់បានបើកបរឲ្យឆាប់ដល់មន្ទីរពេទ្យបានជួបគ្រោះថ្នាក់ចរាចរណ៍បណ្តាលឲ្យស្លាប់ពេលបញ្ជូនទៅដល់មន្ទីរពេទ្យបង្អែកខណ្ឌច្បារអំពៅ។
យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅបានឲ្យដឹង កាលពីវេលាម៉ោង១៧និង០០នាទីរសៀលថ្ងៃទី១៦ ខែវិច្ឆិកាមានករណីគ្រោះថ្នាក់ចរាចរណ៍មួយបណ្តាលឲ្យយុវជនម្នាក់បានស្លាប់ពេលបញ្ជូនដល់មន្ទីរពេទ្យបង្អែកខណ្ឌច្បារអំពៅ។ លោកអធិការរងបានរៀបរាប់ពីហេតុការណ៍នេះថានៅម៉ោងកើតហេតុយុវជនម្នាក់បានបើកម៉ូតូសេ១២៥ពណ័ខ្មៅពាក់ស្លាកលេខភ្នំពេញ១IM ៥៣ ៩៥ បានបើកបរពីមុខរថយន្តសង្រ្គោះរបស់មន្ទីរពេទ្យបង្អែកខេត្តព្រៃវែង ដែលដឹកអ្នកជំងឺឆ្ពោះទៅមន្ទីរពេទ្យក្នុងទិសដៅពីកើតទៅលិច។
លុះបើកទៅដល់ផ្លូវចូលដេប៉ូខ្សាច់ក្នុងភូមិទួលតាចាន់សង្កាត់ព្រែកឯងខណ្ឌច្បារអំពៅក៏ជ្រុលទៅបុកគូទរថយន្តម៉ាកហៃឡិនឌឺពណ័ខ្មៅពាក់ស្លាកលេខកណ្តាល២A ៨៩ ៦៦ បណ្តាលឲ្យដួលបោកក្បាលទៅនឹងថ្នល់សន្លប់បាត់មាត់បាត់កហើយត្រូវបានដឹកយកទៅធ្វើការសង្រ្គោះនៅមន្ទីរពេទ្យបង្អែកច្បារអំពៅ តែដោយរបួសធ្ងន់ធ្ងរពេកបានដាច់ខ្យល់ស្លាប់ទៅ។
លោកអធិការរងបន្តថា ចំពោះសពជនរងគ្រោះឈ្មោះ ចក់ ទី ភេទប្រុសអាយុ២១ឆ្នាំមានទីលំនៅផ្ទះលេខ៣៨៨ ផ្លូវម៉ៅ សេទុងសង្កាត់បឹងសាឡាងខណ្ឌទួលគោករាជធានីភ្នំពេញ ជាយុវជនស្មក្រ័ចិត្ត ដែលតែងតែជិះម៉ូតូសម្រួលចរាចរណ៍មុខរថយន្តសង្រ្គោះមកពីតាមបណ្តាខេត្តចូលមករាជធានីភ្នំពេញ។ ដោយឡែកអ្នកបើកបររថយន្តម៉ាកហៃឡេនឌឺត្រូវបានបញ្ជូនទៅការិយាល័យនគរបាលចរាចរណ៍ផ្លូវគោករាជធានីភ្នំពេញ ដែលត្រូវបានគេស្គាល់ឈ្មោះនួន សុភក្រ័ ភេទប្រុសអាយុ៣១ឆ្នាំមុខរបរបុគ្គលិកក្រុមហ៊ុនស្នាក់នៅផ្ទះលេខ៤១៦ផ្លូវជាតិលេខ១ភូមិគគីរឃុំគគីរស្រុកកៀនស្វាយខេត្តកណ្តាល។ លោកអធិការបញ្ជាក់ថាករណីគ្រោះថ្នាក់នេះគឺដោយសារម៉ូតូរបស់យុវជនស្មក្រ័ចិត្តបើកទៅបុកគូទរថយន្តគេពីក្រោយ៕
នរា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)