ព័ត៌មានជាតិ
សមត្ថកិច្ចបញ្ជូនជនសង្ស័យ២នាក់ទៅតុលាការករណីនាំមនុស្សឆ្លងដែនខុសច្បាប់ទៅប្រទេសថៃ
នគរបាលការិយាល័យប្រឆាំងការជួញដូរមនុស្ស និងការពារអនីតិជន នៅថ្ងៃទី១៤ ខែមិថុនា ឆ្នាំ២០២១ បានបញ្ជូនមេខ្យល់ចំនួន២នាក់ ដែលពាក់ព័ន្ធក្នុងករណីនាំមនុស្សឆ្លងដែនទៅប្រទេសថៃ ដោយខុសច្បាប់ទៅសាលាដំបូងខេត្ត ចាត់ការតាមច្បាប់។
លោកវរសេនីយ៍ឯក ឡាយ គឹមលួន នាយការិយាល័យ ប្រឆាំងការជួញដូរមនុស្ស និងការពារ អនីតិជនបានឱ្យដឹងថា នៅវេលាម៉ោង៥៖៣០នាទីល្ងាចថ្ងៃទី១២ខែមិថុនា ឆ្នាំ២០២១ កម្លាំងការិយាល័យនគរបាលប្រឆាំងការជួញដូរមនុស្ស និងការពារអនីតិជន បានធ្វើការឃាត់រថយន្តសាំងយ៉ុង១គ្រឿង តៃកុងឈ្មោះ ម៉ាន គន្ធា អាយុ៤២ឆ្នាំ រស់នៅក្រុងប៉ោយប៉ែត ដឹកមនុស្សប្រុស ស្រី ចំនួន១៥នាក់ នៅលើផ្លូវជាតិលេខ៦ ចំណុចស្ពានទី១ ភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
ក្រោយពីធ្វើការសួរនាំមនុស្សទាំង១៥នាក់និងអ្នកបើករថយន្តរួចមកដោយមានបទបញ្ជាពីលោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យ ព្រមទាំងមានការសម្របសម្រួលពីលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ កម្លាំងនគរបាលជំនាញបានធ្វើការឃាត់ខ្លួនតៃកុងរថយន្តខាងលើបញ្ជូនទៅសាលាដំបូងខេត្តបន្ទាយមានជ័យ ពីបទពាក់ព័ន្ធករណីនាំមនុស្សឆ្លងដែនដោយខុសច្បាប់ទៅប្រទេសថៃ។
ដោយឡែកបុរសម្នាក់ទៀត ឈ្មោះ សេង ហ៊ុយ អាយុ ៣១ ឆ្នាំ រស់នៅ ភូមិភ្នំជញ្ជាំង ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ ត្រូវបានកម្លាំងសម្ថកិច្ចចម្រុះ នៅចំណុចភូមិតេជោភ្នំឆ័ត្រ ដើរល្បាតប្រទះឃើញនិងធ្វើការឃាត់ខ្លួន ខាងជើងភូមិតេជោភ្នំឆ័ត្រចម្ងាយប្រហែល៥០ម៉ែត្រ ក្នុងភូមិសាស្ត្រភូមិតាជោភ្នំឆ័ត្រ ឃុំស្វាយចេក ស្រុកស្វាយចេក នៅវេលាម៉ោង៤និង៣០នាទីល្ងាចថ្ងៃទី១២ខែមិថុនា ឆ្នាំ២០២១ ដែលពាក់ព័ន្ធនាំមនុស្សឆ្លងដែនដោយខុសច្បាប់ ចំនួន១០នាក់។
នាយការិយាល័យ ប្រឆាំងការជួញដូរមនុស្សនិងការពារអនីតិជន លោកវរសេនីយ៍ឯក ឡាយ គឹមលួន បានបញ្ជាក់ថាតាមចម្លើយសារភាពរបស់ជនពាក់ព័ន្ធទាំង២នាក់ ១ឈ្មោះម៉ាន គន្ធាហៅសុធា បានសារភាពេបានដឹកពលករខ្មែរទាំង១៥នាក់មកពីខេត្តព្រៃវេងនិងខេត្តកំពង់ចាម បានតម្លៃម្នាក់៣០.០០០រៀល យកមកសាងនៅខេត្តបន្ទាយមានជ័យនិងឈ្មោះសេង ហ៊ុយ បានសារភាពថាគេដឹកពលករទាំង១០នាក់ ពីខេត្តបន្ទាយមានជ័យទៅចំណុចខាងជើងភូមិតេជោភ្នំឆ័ត្រ ឃុំស្វាយចេកតម្លៃម្នាក់៥០.០០០រៀល៕ អត្ថបទ៖ វ៉ាន់ ណាង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?