ព័ត៌មានជាតិ
កម្ពុជាបំពាក់មេដាយជូនដល់ក្រុមអ្នកជំនាញវេជ្ជសាស្រ្តចិន ដែលបានចូលរួមទប់ស្កាត់ជំងឺកូវីដ-១៩
លោកស្រី ខែក កែមាលី ស៊ីសូដា ឯកអគ្គរាជទូតព្រះរាជាណាចក្រកម្ពុជា ប្រចាំសាធារណរដ្ឋប្រជាមានិតចិន បានតំណាងឱ្យរាជរដ្ឋាភិបាលកម្ពុជា បានបំពាក់មេដាយសហមេត្រីថ្នាក់ធិបឌិន្ទ ជូនដល់លោក Ai Xiang និងក្រុមអ្នកជំនាញវេជ្ជសាស្រ្តចិនផ្សេងទៀតសរុប៧រូប ដែលអញ្ជើញមកពីតំបន់ស្វយ័ត Guangxi ដែលពួកគាត់បានរួមចំណែកយ៉ាងសកម្មក្នុងកិច្ចទប់ស្កាត់លើជំងឺវីរុសកូវីដ-១៩ នៅក្នុងប្រទេសកម្ពុជា ហើយពិធីនេះ ធ្វើឡើងនៅរដ្ឋធានីប៉េកាំង ប្រទេសចិន។
យោងតាមខ្លឹមសារ នៃពិធីបំពាក់មេដាយដែលទើបតែទទួលបាននៅ ព្រឹកថ្ងៃទី១៦ ខែមិថុនា នេះ លោកស្រី ខែក កែមាលី ស៊ីសូដា បានលើកឡើងថា ចាប់តាំងពីមាន ការផ្ទុះឡើងនូវជំងឺវីរុសកូវីដ-១៩មក រដ្ឋាភិបាល និងប្រជាជនចិនតែងបោះជំហានឆ្ពោះទៅមុខឥតឈប់ឈរ ហើយអ្នកជំនាញជាច្រើនបានផ្តល់ជាយោបល់ណែនាំ ក៏ដូចជាជំនួយជាសម្ភារៈជូនដល់ភាគីកម្ពុជា ហើយបានចាត់ទុកកម្ពុជា ជាទិសដៅអាទិភាពនៃជំនួយវ៉ាក់សាំងកូវីដ។
បើតាមលោកស្រី ខែក កែមាលី ស៊ីសូដា ចំពោះមេដាយ ដែលបានបំពាក់នាពេលនេះ ក្នុងបំណងកោតសរសើរដល់ការខិតខំប្រឹងប្រែង និងរួមចំណែកយ៉ាងលេចធ្លោរបស់ពួកគាត់ ក្នុងការជួយកម្ពុជាប្រយុទ្ធប្រឆាំងលើជំងឺវីរុស។ លោកស្រីបន្តថា កម្ពុជា និងចិនបន្ត ជួយគ្នាទៅវិញ ទៅមក ហើយប្រជាជនកម្ពុជា នឹងបន្តឈរជាមួយប្រជាជនចិនជានិច្ច។
គួរបញ្ជាក់ថា កាលពីខែមីនា ឆ្នាំ២០២០ ក្រុមអ្នកជំនាញវេជ្ជសាស្ត្រចិនខាងលើដែលអញ្ជើញមកពីតំបន់ស្វយ័ត Guangxi ចំនួន៧រូប ទទួលបានភារកិច្ចជាបន្ទាន់ធ្វើដំណើរមកកាន់ប្រទេសកម្ពុជាដោយពាំនាំជាមួយអំណោយជាសម្ភារៈទប់ស្កាត់ជំងឺវីរុសកូវីដ១៩ ដែលមានតម្លៃសរុបជាង៤លានយ័ន ដែលជាជំនួយរបស់ភាគីចិនជូនចំពោះភាគីកម្ពុជា។ ពួកគាត់គឺជាក្រុមអ្នកជំនាញវេជ្ជសាស្រ្តដែលភាគីចិនបានចាត់បញ្ជូនទៅកាន់ក្រៅប្រទេសមុនគេបង្អស់៕
អត្ថបទ ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត