យកសំណាកលើអ្នកពាក់ព័ន្ធចំនួន១,២៥៩នាក់ រកឃើញវិជ្ជមានកូវីដ៤០នាក់

រដ្ឋបាលខេត្តកំពង់ចាម នៅថ្ងៃទី១៥ ខែមិថុនា ឆ្នាំ២០២១ នេះ​ បានប្រកាសរកឃើញអ្នកវិជ្ជមានជំងឺ​កូវីដ-១៩ ថ្មីចំនួន៤០នាក់ ក្នុងចំណោម​អ្នក​សង្ស័យ១,២៥៩នាក់ ក្នុងស្រុកចំនួន៧ នៃខេត្តកំពង់ចាម ហើយនៅថ្ងៃនេះផងដែរ ក៏មានអ្នកជំងឺកូវីដ-១៩ ចំនួន៥០នាក់បានជាសះស្បើយផងដែរ។

ស្រុកដែលរកឃើញមានអ្នកឆ្លងជំងឺកូវីដទាំងនេះមាន ស្រុកកោះសូទិនចំនួន៦នាក់​ ស្រុកស្រីសន្ធរ​ចំនួន៨នាក់ ស្រុកបាធាយចំនួន១២នាក់ ស្រុកចំការលើ១នាក់ ស្រុកព្រៃឈរ ចំនួន៨នាក់ ស្រុក​កងមាស ចំនួន៣នាក់​ និងស្រុកជើងព្រៃ ចំនួន២នាក់។

ក្នុងសេចក្ដីជូនដំណឹងបានបញ្ជាក់ថា មន្ទីរសុខាភិបាលខេត្តបានបញ្ជូនអ្នកជំងឺទាំង៤០​នាក់ទៅ​សម្រាក​ព្យា​បាល​នៅមន្ទីរពេទ្យមេគង្គកំពង់ចាម និងកបន្លែងព្យាបាលកម្រិតស្រាលនៅវិទ្យាល័យ ព្រះសីហនុ និងបន្តស្រាវជ្រាវរកអ្នកពាក់ព័ន្ធដោយផ្ទាល់ ឬដោយប្រយោលជាមួយ​អ្នជំងឺបន្ថែម​ទៀត៕

អត្ថបទ ៖ សុខុម