ព័ត៌មានជាតិ
គម្រោងកែលំអគ្រប់គ្រងបរិស្ថានក្រុងបាត់ដំបង អាចសម្អាតទឹកកខ្វក់៨០០០ម៉ែត្រត្រីគុណក្នុងមួយថ្ងៃ និងកាត់បន្ថយការប៉ះពាល់បរិស្ថាន
គម្រោងកែលំអគ្រប់គ្រងបរិស្ថានប៉ែកខាងកើតក្រុងបាត់ដំបង ក្រោយបញ្ចប់គម្រោងសាងសង់ ត្រូវបានមន្ត្រីជំនាញអះអាងថា មានសមត្ថភាពសម្អាតទឹកកខ្វក់៨០០០ម៉ែត្រត្រីគុណ ក្នុងមួយថ្ងៃផ្តល់ឲ្យកសិករប្រើប្រាស់ស្រោចស្រព ពិសេសកាត់បន្ថយការប៉ះពាល់បរិស្ថានបានយ៉ាងល្អប្រសើរជាងមុន។
លោកស្រី កឹម សុគន្ធារី អនុប្រធានមន្ទីរសាធារណការនិងដឹកជញ្ជូនខេត្តបាត់ដំបង ទទួលបន្ទុករៀបចំប្រព័ន្ធលូនិងជាប្រធានអង្គភាពអនុវត្តគម្រោង(PIU)បានបញ្ជាក់ឲ្យដឹង នៅល្ងាចថ្ងៃទី១៧ ខែមិថុនា ឆ្នាំ២០២១នេះថា គម្រោងសាងសង់ប្រព័ន្ធលូនិងស្ថានីយប្រព្រឹត្តកម្មទឹកកខ្វក់ ដែលកំពុងតែដំណើរការនេះ លើផ្ទៃដីជិត១០ហិកតា ឋិតនៅត្រើយខាងកើតស្ទឹងសង្កែ ក្រុងបាត់ដំបង ចាប់ផ្តើមការសាងសង់បានប្រមាណជាង៥%ហើយ ចាប់តាំងពីអំឡុងខែធ្នូឆ្នាំ២០២០មក។
លោកស្រី កឹម សុគន្ធារី បានឲ្យដឹងបន្ថែមថា គម្រោងដូចគ្នានេះដែរ ក្នុងភូមិសាស្ត្រខេត្តបាត់ដំបង ក៏ទទួលបានស្ថានីយប្រព្រឹត្តកម្មទឹកកខ្វក់មួយគម្រោងទៀតខ្ពស់ ជាគម្រោងកែលំអគ្រប់គ្រងបរិស្ថានប៉ែកខាងលិចស្ទឹងសង្កែបន្ថែមថ្មីមួយទៀត ដែលមានសមត្ថភាពចម្រោះទឹកកខ្វក់បានរហូតជាង១២០០០ម៉ែត្រត្រីគុណក្នុងមួយថ្ងៃ ដែលគម្រោងនេះនឹងចាប់ផ្តើមអនុវត្ត ក្នុងអំឡុងឆ្នាំ២០២១នេះផងដែរ។
ប្រភពដដែលបញ្ជាក់ថា ស្ថានីយប្រព្រឹត្តកម្មទឹកកខ្វក់នេះ បានផ្តល់អត្ថប្រយោជន៍យ៉ាងសំខាន់តាមផែនការ ដែលគ្រោងទុកវាមានសមត្ថភាពសំអាតទឹកកខ្វក់ជាង៨០០០ម៉ែត្រត្រីគុណ ក្នុងមួយថ្ងៃលើទឹកកខ្វក់នៅប៉ែកខាងកើតស្ទឹងសង្កែ ក្នុងក្រុងបាត់ដំបង។ ក្រោយការសម្អាតរួចទឹកកខ្វក់នេះ និងប្រែក្លាយជាទឹកស្អាតអាចយកទៅប្រើប្រាស់លើការស្រោចស្រពដំណាំបានយ៉ាងប្រសើរ។ ជាងនេះទៅទៀត វាបានបំប្លែងពីទឹកមិនស្អាតទៅជាទឹកស្អាតល្អជួយកាត់បន្ថយការប៉ះពាល់បរិស្ថានយ៉ាងសំខាន់ថែមទៀតផង៕
អត្ថបទ៖ សៅ សារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត