ព័ត៌មានជាតិ
ស្ថាបនិកសាលាដូង គិរីរម្យបង្ហាញ វិធីងាយៗដើម្បីកាត់បន្ថយសំរាម
ទន្ទឹមពេលមានកំណើតចូលទៅទស្សនាកម្សាន្តរបស់មហាជននៅចុងសប្ដាហ៍ ឬថ្ងៃឈប់សម្រាកទៅកាន់ទីរមណីដ្ឋាននានា ពិសេសតំបន់ព្រៃភ្នំធម្មជាតិនោះ រហូតមិនអាចគ្រប់គ្រងសំរាមទាន់ពេល ប្រសិនជាមិនចូលរួមទាំងអស់គ្នានោះ លោក អ៊ុក វណ្ណដេ ស្ថាបនិកសាលាដូង នៅលើភ្នំគិរីរម្យ និងជាអ្នកកែច្នៃសំរាមមកប្រើប្រាស់ឡើងវិញ បានផ្ដាំតាម កម្ពុជាថ្មី ទៅកាន់មហាជនទូទៅអំពីវិធីសាស្ត្រងាយៗដើម្បីភ្ញៀវគ្រប់គ្រងអនាម័យ ឬសំរាម និងបន្ថយការប្រើប្លាស្ទិក៖
ទី១ ភ្ញៀវទេសចរផ្ទាល់ មុនចាកចេញពីផ្ទះ ត្រូវមានគំនិតថា ខ្លួនចង់ទៅកម្សាន្តតំបន់ធម្មជាតិស្អាត ដូចនេះកន្លែងធម្មជាតិដែលខ្លួនបានទៅដល់ និងចាកចេញមកវិញ ក៏នៅតែស្អាត។ លោកបញ្ជាក់ថា គំនិតនេះត្រូវផ្ដើចចេញពីខ្លួនឯង ដូចជាកាត់បន្ថយការវេចខ្ចប់ ពិសេសគ្រឿងប្លាស្ទិកច្រើន អាចយកចានស្លាបព្រាពីផ្ទះ និងមិនបោះចោលសំរាមផ្ដេសផ្ដាស ឬក្រៅធុងសំរាម។
ទី២ ភ្ញៀវទេសចរ ចាំបាច់គិតថា បញ្ហាសំរាម គឺប៉ះពាល់សុខទុក្ខយើងទាំងអស់គ្នា ហើយត្រូវធ្វើខ្លួនជាសកម្មជនចូលរួមសំអាតបរិស្ថាន និងកុំឱ្យមានកំណើនសំរាម។ លោកបានបញ្ជាក់បន្ថែមថា ភ្ញៀវទេសចរកុំគិតថាខ្លួនបានបង់ថ្លៃចូលទស្សនា ឬថ្លៃអនាម័យរួចហើយ អាចចោលសំរាមបានតាមចិត្ត។
ទី៣ ចំពោះក្រុមហ៊ុនគ្រប់គ្រងសំរាម និងអនាម័យ គួរជម្រាប ឬសរសេរប៉ាន់ណូស្នើដល់ភ្ញៀវទេសចរវេចខ្ចប់នាំយកសំរាមរបស់ខ្លួនមកចោលនៅកន្លែងដាក់សំរាមឯជើងភ្នំវិញ និងដើម្បីក្រុមហ៊ុនងាយស្រួលប្រមូល គ្រប់គ្រង បែងចែក បំប្លែងសំរាមប្រើឡើងវិញ ឬបំផ្លាញចោល។
អ្នកច្នៃសំរាមរូបនេះ បានសំណូមពរមហាជន ជជែករកដំណោះស្រាយ រកឫសគល់នៃបញ្ហា កុំឆាប់បន្ទោស និងកុំទម្លាក់បន្ទុកទៅខាងណា និងកុំស្វែងរកអ្នកទទួលខុសត្រូវ តែត្រូវគិតថាបញ្ហាទាំងនោះជាការទទួលខុសត្រូវរបស់ខ្លួនឯងដែរ៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ