ទុរេនស្រុកសំឡូតឆ្នាំនេះហុចផលល្អ តែទុំយឺតជាងឆ្នាំមុនៗ លក់់មិនទាន់អ្នកបញ្ជាទិញ
Connect with us
Helistar Cambodia - Helicopter Charter Services

ព័ត៌មានជាតិ

ទុរេនស្រុកសំឡូតឆ្នាំនេះហុចផលល្អ តែទុំយឺតជាងឆ្នាំមុនៗ លក់់មិនទាន់អ្នកបញ្ជាទិញ

បានផុស

នៅ

ខេត្តបាត់ដំបង៖ ចម្ការទុរេន១កន្លែងដ៏ធំល្វឹងល្វើយស្ថិតនៅចំណុចភ្នំព្រះនៃភូមិសាស្ត្រ ភូមិ និងឃុំស៊ុង ស្រុកសំឡូត ខេត្តបាត់ដំបងឆ្នាំនេះបានហុចផលច្រើនគួរសម ខណៈអតិថិជនបញ្ជាទិញច្រើន និងមានអតិថិជនខ្លះទៅទិញដល់ចម្ការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភួ វាសនា ជាម្ចាស់ចម្ការ “ទុរេនតាស្នា” បានប្រាប់ឱ្យដឹងថា លោកមានក្តីរំភើបជាខ្លាំងដែលទទួលបានការកោតសរសើរ និងបានគាំទ្រពីអតិថិជន ក៏ដូចជាមហាជនទៅលើគុណភាព និងរសជាតិផ្លែទុរេនរបស់លោកដែលជាផលិតផលខ្មែរពិតៗចេញពីស្រុកសំឡូតដោយគ្មានប្រើសារធាតុគីមី។

លោកបន្តថា តាមរយៈការកោតសសើរពីអតិថិជនទាំងក្នុង និងក្រៅខេត្តនេះហើយបានជំរុញទឹកចិត្តលោកកាន់តែបន្តអាជីពមុខរបរនេះឱ្យកាន់តែទូលំទូលាយដើម្បីប្រកួតប្រជែងទាំងគុណភាពទាំងរសជាតិជាមួយប្រទេសជិតខាង។

ម្ចាស់ចម្ការរូបនេះបានបញ្ជាក់ឱ្យដឹងថា ផលទុរេនដែលបានដាំដុះលើផ្ទៃដីចំនួន០៤ហិកតា មានជាង៧០០ដើមបានផ្តល់ផលក្នុងរយៈពេល០៣ឆ្នាំជាប់គ្នា។ ហើយនៅឆ្នាំ២០២១នេះដើមទុរេនដែលបានផ្តល់ផលគឺមានចំនួនជាង៤០០ដើម ដោយក្នុងមួយដើមៗផ្តល់ផលជាផ្លែមិនតិចជាង១០០គីឡូក្រាមទេ។

លោកបានបន្តឱ្យដឹងថា ទើបតែឆ្នាំនេះទេដែលផលដំណាំផ្លែទុរេនទទួលបានហុចផលបានល្អបង្គួរ និងមិនមានការខូចខាតជ្រុះផ្លែដោយសារតែខ្យល់ព្យុះ និងខ្យល់កន្ត្រាក់ដូចឆ្នាំមុនៗ។ រីឯតម្លៃក៏មានតម្លៃសមរម្យផងដែរក្នុង១គីឡូក្រាម តម្លៃ២២,០០០រៀល ជាតម្លៃដែលអតិថិជនទៅទិញដល់ចម្ការ។

ម្ចាស់ចម្ការរូបនេះបានបន្តថា អ្វីដែលជាកង្វល់នោះគឺផ្លែទុរេនឆ្នាំនេះទុំយឺតយ៉ាវជាងឆ្នាំមុនៗ ដោយទុរេនក្នុងចម្ការទុំនៅពាក់កណ្តាលខែមិថុនាដែលបង្កឱ្យការបញ្ជាទិញផ្លែទុរេនរបស់អតិជនតាមខេត្តនានាមិនមានផ្លែទុំទាន់តាមការកក់ទុកបានទាន់ពេលនោះទេ។

លោក ភួ វាសនា ជាម្ចាស់ចម្ការទុរេនតាស្នា ដែលគេស្គាល់ថាជាឧកញ៉ាវ័យក្មេងម្នាក់ បានបញ្ជាក់បន្តថា រាល់អតិថិជនដែលបានធ្វើការកក់ និងបញ្ជាទិញផ្លែទុរេនពីចម្ការលោក ក្រុមហ៊ុនរបស់លោកនឹងធ្វើការវេចខ្ចប់ដាក់ក្នុងកេសប្រកបដោយសោភ័ណភាពអនាម័យត្រឹមត្រូវ និងជាលើកដំបូងហើយដែលក្រុមហ៊ុនលោកបានសម្រិតសម្រាំងធ្វើការវេចខ្ចប់ដោយបង្ហាញពីមោទនភាពជាតិខ្មែរពិតៗតាមរយៈនៃស្លាកសញ្ញា “ទុរេនតាស្នា” ដើម្បីផ្ញើទៅកាន់អតិថិជនបណ្តាខេត្តឆ្ងាយៗចៀសវាងពីការក្លែងបន្លំ និងដើម្បីផ្តល់នូវទំនុកចិត្តជូនដល់អតិថិជន៕

អត្ថទប៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥៧ នាទី មុន

Capitan ប្រាប់​ថា​វ៉ៃ​មិនទាន់​ល្អ​ទេ​ទោះ​ការពារ​ខ្សែក្រវាត់​បានសម្រេច​ក្ដី

នយោបាយ៦០ នាទី មុន

លោក ចាប ញ៉ាលីវុធ ចេញលិខិតបដិសេធ អំពីការបញ្ចប់​សមា​ជិកភាព មន្ត្រីជាន់ខ្ពស់ហ្វ៊ុនស៊ិនប៉ិច ៣រូប

ព័ត៌មានជាតិ១ ម៉ោង មុន

លោក​មេឃុំ​ពង្រ យក​បដិមា​ធ្វើ​អំពី​លោហៈ​ប្រគល់​ជូន​មន្ទីរ​វប្បធម៌​និង​វិចិត្រសិល្បៈ​ខេត្តកំពង់ឆ្នាំង

ព័ត៌មានជាតិ១ ម៉ោង មុន

ក្រុមហ៊ុនស្រាបៀរកម្ពុជា ខេមប្រ៊ូវ ឧបត្ថម្ភភេសជ្ជៈ ២ម៉ឺនកេស ដើម្បីចូលរួមយុទ្ធនាការទប់ស្កាត់ការរីករាលដាលនៃកូវីដ១៩

ព័ត៌មានជាតិ១ ម៉ោង មុន

ខេត្ត​ឧ​ត្ត​រ​មានជ័យ​ប្រកាស​ស្វែងរក​អ្នកជំងឺ​កូ​វីដ​-១៩ម្នាក់ លួច​រត់​ចេញពី​មណ្ឌល​ព្យាបាល

Sokha Hotels

ព័ត៌មានពេញនិយម

Helistar Cambodia - Helicopter Charter Services