ព័ត៌មានជាតិ
អាជ្ញាធរកំពុងតាមដាន បទល្មើសលួចឈូសឆាយដីក្នុងដែនជម្រកសត្វព្រៃជាង ២០ ហិកតា
ដីព្រៃឈើតាមជើងភ្នំក្នុងដែនជម្រកសត្វព្រៃភ្នំឱរ៉ាល់ ប្រមាណជាង ២០ ហិកតា នៅក្នុងភូមិខ្វិតទួលឃ្លាំង ឃុំក្បាល ទឹកស្រុកទឹកផុស ខេត្តកំពង់ឆ្នាំង ត្រូវបានជនល្មើសលួចឈូសឆាយទន្ទ្រានហ៊ុមព័ទ្ធរបងធ្វើជាកម្មសិទ្ធិក្នុងពេលថ្មីៗ នេះ។
ទីតាំងបទល្មើសខាងលើនេះមាន២កន្លែង ដែលក្នុង១កន្លែងៗត្រូវគេឈូសអស់ជាង ១០ ហិកតា សរុបទាំង២កន្លែងប្រមាណជាង ២០ ហិកតា។
លោក ណុប សុភ័ក្ត មន្ត្រីការពារដែនជម្រកសត្វព្រៃភ្នំឱរ៉ាល់បានបញ្ជាក់តាមទូរស័ព្ទនៅព្រឹកថ្ងៃទី ២០ ខែ មិថុនា ឆ្នាំ២០២១ នេះថាកាលពី ៣ ថ្ងៃមុនលោកក៏បានចុះទៅចុចនិយាមការលើទីតាំងបទល្មើសខាងលើនេះរួចហើយ និងក៏បានធ្វើរបាយការណ៍ដាក់ជូនទៅលោកអនុប្រធានមន្ទីរទទួលបន្ទុកដែនជម្រកសត្វព្រៃភ្នំឱរ៉ាល់រួចហើយផងដែរ ដើម្បីមានវិធាការតាមច្បាប់។
លោក ឡេង សំអេត អនុប្រធានមន្ទីរបរិស្ថានខេត្តកំពង់ឆ្នាំងទទួលបន្ទុកដែនជម្រកសត្វព្រៃភ្នំឱរ៉ាល់ បានបញ្ជាក់តាមទូរស័ព្ទនៅព្រឹក ថ្ងៃទី២០ ខែមិថុនានេះថា បទល្មើសក្នុងដែនខាងលើនេះលោកទទួលបានរបាយការណ៍ពីមន្ត្រីលោករួចហើយ និងក៏បានកំណត់មុខសញ្ញាជនសង្ស័យរួចហើយផងដែរ គឺត្រូវចំណាត់ការតាមនិតិវិធីច្បាប់នៅក្នុងសប្តាហ៍ក្រោយនេះដោយ មិនលើកលែងនោះឡើយ។
ពាក់ព័ន្ធនឹងបញ្ហានេះលោក សូត្រ សង់ អភិបាលស្រុកទឹកផុស ខេត្តកំពង់ឆ្នាំង បានបញ្ជាក់ថា កាលណាធ្វើខុសពីដីមានប័ណ្ណគឺខុសច្បាប់ហើយ បើលើដីដែនដែនជម្រកសត្វព្រៃនោះ គឺពិតជាមិនយោគយល់ឡើយ ទាំងជំនាញ និងអាជ្ញាធរត្រូវតែចាត់វិធានការហើយ៕ អត្ថបទ៖ ឈៀងថារិទ្ធ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ