ព័ត៌មានជាតិ
បាក់រលំស្លាកប៉ាណូមួយផ្ទាំងនៅផ្លូវជាតិលេខ៣៣ កំពត-កែប
គ្រោះធម្មជាតិភ្លៀងមួយមេលាយឡំខ្យល់កន្ទ្រាក់ផង បក់បោកយ៉ាងខ្លាំងបណ្តាលឲ្យបាក់រលំស្លាកប៉ាណូរបស់ក្រុមហ៊ុនមួយ ដែលដាក់តាំងនៅតាមបណ្តោយផ្លូវជាតិលេខ៣៣ កំពត-កែប ស្ថិតក្នុងភូមិកំពង់កណ្តាល ឃុំជុំគ្រៀល ស្រុកទឹកឈូខេត្តកំពត បណ្តាលឲ្យអ្នកដំណើរតាមយានយន្ត ត្រូវអាក់ខានធ្វើចរាចរណ៍រាប់ម៉ោង។
ហេតុការណ៍គ្រោះធម្មជាតិរលំបាក់ផ្ទាំងប៉ាណូខាងលើ បានកើតឡើងកាលពីវេលាម៉ោង៦និង១៥ព្រឹក ថ្ងៃទី២១ ខែមិថុនា ឆ្នាំ២០២១ នៅចំណុចភូមិ-ឃុំ ខាងលើ។
លោក ពុធ សឺង នាយការិយាល័យចរាចរផ្លូវគោកនៃស្នងការដ្ឋាននគរបាលខេត្តកំពត បានឲ្យដឹងថា ការបាក់រលំប៉ាណូខាងលើបានធ្វើឲ្យរលំប៉ះរថយន្តម៉ាកអូឌី មួយគ្រឿងខូចខាតធ្ងន់ និងប៉ះផ្ទះមួយកំណាត់ខាងមុខ ប៉ុន្តែមិនបានរងគ្រោះដល់មនុស្សនៅក្នុងលំនៅដ្ឋាននោះទេ។
លោកបានបន្តថា ការបាក់រលំស្លាកប៉ាណូនេះ ក៏ពុំបានធ្វើឲ្យមានការស្ទះចរាចរលើផ្លូវជាតិខាងលើនោះយូរអង្វែងឡើយ ដោយភ្លាមៗនោះ បន្ទាប់ពីមានហេតុការកើតឡើងគឺ លោក ជាវ តាយ អភិបាលខេត្តកំពត បានដឹកនាំមន្ត្រីជំនាញចុះទៅដល់កន្លែងកើតហេតុ ដើម្បីឲ្យកម្លាំងជំនាញយកគ្រឿងចក្រអូស និងយកជាងផ្សារដែកផ្លុំផ្តាច់ដើម្បីយកចេញពីផ្លូវដើម្បីកុំឲ្យស្ទះចរាចរនាពេលនោះផងដែរ។
សូមបញ្ជាក់ដែរថា ការបាក់រលំស្លាកកប៉ាណូខាងលើបណ្តាលឲ្យស្ទះចរាចរអស់ជាង៣ម៉ោងឯណោះ ទើបដំណើរការចរាចរវិញបាន នៅព្រឹកថ្ងៃដដែលនេះ៕
អត្ថបទ ៖ សេង ណារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ