ព័ត៌មានជាតិ
បង្ហើបតម្លៃជិះផ្លូវល្បឿនលឿនទៅក្រុងព្រះសីហនុ មួយគីឡូម៉ែត្រគិតថ្លៃពី ១០ សេនទៅ ១៥ សេន
ផ្លូវល្បឿនលឿនដែលបានសម្រេចការសាងសង់បានជាង ៥០% គ្រោងបញ្ចប់នៅដើមឆ្នាំ២០២៣។ ផ្លូវល្បឿនលឿងទីមួយរបស់ប្រទេសកម្ពុជា វិនិយោគដោយក្រុមហ៊ុនចិន ជាផ្លូវបង់ថ្លៃសេវាប្រើប្រាស់ដែលអាចរត់បានល្បឿន ១០០ គីឡូម៉ែត្រក្នុងមួយម៉ោង។
តម្លៃលើការបើកបរផ្លូវល្បឿនលឿននេះចន្លោះពី ១០ សេន ទៅ ១៥ សេនក្នុងមួយគីឡូម៉ែត្រ។
ក្នុងពេលចុះត្រួតពិនិត្យការដ្ឋានសាងសង់ផ្លូវល្បឿនលឿនកាលពីម្សិលមិញនេះ រដ្ឋមន្ត្រីក្រសួងសាធារណការនិងដឹកជញ្ជូន ស្នើឲ្យមានការបញ្ចុះតម្លៃសម្រាប់ការប្រើប្រាស់ផ្លូវល្បឿនលឿននេះ។
ឯកឧត្តមស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនបានថ្លែងថា លទ្ធភាពពលរដ្ឋពេលនេះមិនទាន់អាចចំណាយលើការបង់ថ្លៃសេវាបើកបរលើផ្លូវល្បឿននេះទេ បើកំណត់តម្លៃស្តង់ដាតាមប្រទេសមួយចំនួននោះ។
តម្លៃស្តង់ដារផ្លូវល្បឿនលឿនតាមប្រទេសផ្សេងៗចន្លោះពី ១០ សេន ទៅ ១៥ សេនក្នុងមួយគីឡូម៉ែត្រ អីចឹងបើធ្វើដំណើរពីភ្នំពេញទៅក្រុងព្រះសីហនុ ត្រូវចំណាយយ៉ាងហោចណាស់ក៏២០ដុល្លារដែរ លើប្រវែងផ្លូវជាង ១៩០ គីឡូម៉ែត្រនេះ។
លោករដ្ឋមន្រ្តីបានស្នើឲ្យក្រុមហ៊ុនបញ្ចុះថ្លៃ ដើម្បីផ្តល់លទ្ធភាពអាចឲ្យពលរដ្ឋប្រើប្រាស់ផ្លូវល្បឿនលឿននេះបាន។
“ខ្ញុំបានស្នើឲ្យក្រុមហ៊ុនបញ្ចុះតម្លៃសិន ចាំ ៥ ឬ១០ឆ្នាំទៀត ចាំកំណត់តម្លៃជាថ្មី ពេលសេដ្ឋកិច្ចកម្ពុជារីកចម្រើន ជីវភាពប្រជាជនល្អប្រសើរ”។
ឯកឧត្ដមរដ្ឋមន្ត្រីក៏សំណូមពរដល់ក្រុមហ៊ុន អនុញ្ញាតឲ្យប្រជាពលរដ្ឋអាចធ្វើដំណើរសាកល្បងមួយរយៈ ពេលដាក់ឲ្យដំណើរការ ដើម្បីបានដឹងពីស្ថានភាពការប្រើប្រាស់ផ្លូវល្បឿនលឿនដំបូងនេះ។
គួរបញ្ជាក់ថា ផ្លូវល្បឿនលឿនភ្នំពេញ-ខេត្តព្រះសីហនុ វិនិយោគក្នុងកញ្ចប់ទឹកប្រាក់ជាង ២ ពាន់លានដុល្លារ ហើយជាផ្លូវរបៀងយុទ្ធសាស្ត្រសំខាន់បំផុត តភ្ជាប់ទៅផែសមុទ្រក្រុងព្រះសីហនុ ដែលការធ្វើដំណើរចំណាយពេលត្រឹមតែពីរម៉ោងប៉ុណ្ណោះ។
គម្រោងស្ថាបនាផ្លូវនេះ ផ្តល់គុណប្រយោជន៍ដល់តម្លៃសេដ្ឋកិច្ចជាតិ ដែលកាត់បន្ថយពេលនៃការធ្វើដំណើរពី ៥ម៉ោងមកនៅត្រឹម ២ ម៉ោង សម្រួលការដឹកជញ្ជូនកាន់តែឆាប់រហ័ស៕
អត្ថបទ៖ ប៊ុណ្ណារ៉ា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល