ព័ត៌មានជាតិ
អាជ្ញាធរស្រុកបរិបូណ៌ ចុះរុះរើបែចិញ្ចឹមត្រី របស់ពលរដ្ឋវៀតណាមចំនួន ២៧
ក្រុមការងារចម្រុះ ស្រុកបរិបូណ៌ នៅព្រឹកថ្ងៃទី២២ ខែមិថុនា ឆ្នាំ២០២១ បានចុះរុះរើដំបូលបែចិញ្ចឹមត្រី របស់ប្រជាជនវៀតណាម ចំនួន ២៧បែ នៅក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌បន្ទាប់ពីពួកគេបានលួចធ្វើជញ្ជាំងនិងដំបូលបែចិញ្ចឹមត្រីឡើងវិញក្រោយពីផែនការបន្លាស់ទីផ្ទះបណ្ដែតទឹកបានបញ្ចប់នៅក្នុងឆ្នាំ ២០២០។
លោក ផល សុភាព អភិបាលរង ស្រុកបរិបូណ៌ជាអ្នកដឹកនាំកម្លាំងក្រុមការងារចម្រុះខាងលើនេះនៅព្រឹកថ្ងៃទី២២ ខែ មិថុនានេះ បាននិយាយឱ្យដឹងថា ដោយអនុវត្តតាមផែនការ ៥ ឆ្នាំ របស់គណៈបញ្ជាការឯកភាពរដ្ឋបាលខេត្តកំពង់ឆ្នាំង នៅព្រឹកនេះក្រុមការងារចម្រុះស្រុកបរិបូណ៌ បានសហការគ្នាចុះដឹកនាំឱ្យម្ចាស់បែដោយផ្ទាល់ រុះរើជញ្ជាំងនិងដំបូលបែរចំនួន ២៧ បែឱ្យអស់ឡើងវិញ ដែលពួកគេបានលួចធ្វើដំបូលនិងជញ្ជាំងឡើងវិញប៉ុន្មានខែថ្មីៗនេះ។
ដោយឡែកនៅថ្ងៃទី ២២ នេះ ជញ្ជាំងនិងដំបូលបែ ប្រមាណ ៧០ ភាគរយនឹងត្រូវរុះរើអស់ និងនៅសល់៣០ភាគយទៀតបន្តរុះរើឱ្យអស់ត្រឹមថ្ងៃស្អែក ឬថ្ងៃបន្ទាប់។
លោក សាំង គឹមស៊ន មេឃុំឆ្នុកទ្រូក៏បានឲ្យដឹងដែរថា ឃុំឆ្នុកទ្រូមាន៣ ភូមិ និងមានប្រជា ពលរដ្ឋសរុបចំនួន ២១៦៩ គ្រួសារ ក្នុងនោះក៏មានជនជាតិរៀតណាមចំនួន ៧៨០ គ្រួសារផងដែរ។
ផ្ទះប្រជាពលរដ្ឋសរុប ចំនួន ១១៥២ ខ្នងផ្ទះ តែភាគច្រើនជាផ្ទះបណ្ដែតលើទឹក។ ជាមួយគ្នានោះបែរក៏មានចិញ្ចឹមត្រីជាង ១០០ បែរផងដែរ។ ក្នុងនោះបែរចិញ្ចឹមត្រីនៅក្នុងភូមិឆ្នុកទ្រូ សរុបមាន ចំនួន ៥៩ បែរដែលភាគច្រើនជារបស់ជនជាតិវៀតណាម។
លោកមេឃុំឆ្នុកទ្រូបានបញ្ជាក់ថា រយះពេល ៣ ទៅ៤ ខែនេះដោ យសារជំងឺកូវីដ១៩ ឆ្លងចូលសហ គមន៍ អាជ្ញាធរឃុំមិនសូវបានចុះពិនិត្យតាមដង ទន្លេនោះទេ ជាហេតុធ្វើឱ្យជនជាតិវៀតណាមបានលួចធ្វើដំបូលនិងជញ្ជាំងបែចំនួន ២៧ ឡើងវិញនៅក្នុងភូមិឆ្នុកទ្រូ។
ចំណែកប្រជាពលរដ្ឋខ្មែរបាននាំគ្នាចិញ្ចឹមត្រីនៅតាមស្រះលើគោកអស់ហើ យ។ ដូច្នេះពេលនេះក្រុមការងារចំរុះរបស់ស្រុកបានចុះមកដឹកនាំឲ្យម្ចា ស់បែររុះរើជញ្ជាំង និងដំបូលបែរចិ ញ្ចឹមត្រីអោយអស់ឡើងវិញ ដោយមិនអនុញ្ញាតឱ្យបែរចិញ្ចឹមត្រីមានជញ្ជាំងនិងដំបូលនោះឡើយ។
ព្រោះថាបើបែរចិញ្ចឹមត្រីមានជញ្ជាំង និងដំបូលពិត ជាមានមនុស្សស្នាក់ នៅច្រើន ហើយពិតជាមានបង្គន់បត់ជើងចូលក្នុងទឹទន្លេទៀត ដែលធ្វើឱ្យប៉ះពាល់យ៉ាងធ្ងន់ធ្ងរដល់បរិស្ថានទឹកទន្លេ៕ អត្ថបទ៖ឈៀងថារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?