មន្ត្រីធនធានទឹក និងឧតុនិយមប្រាប់ស្ថានភាពអាកាសធាតុ និងកម្ពស់ទឹកទន្លេ
Connect with us
Helistar Cambodia - Helicopter Charter Services

ព័ត៌មានជាតិ

មន្ត្រីធនធានទឹក និងឧតុនិយមប្រាប់ស្ថានភាពអាកាសធាតុ និងកម្ពស់ទឹកទន្លេ

បានផុស

នៅ

ស្ថានភាពអាកាសធាតុធ្លាក់ភ្លៀង និងកម្ពស់ទឹកទន្លេនៅកម្ពុជា មិនទាន់ជាការព្រួយបារម្ភធ្ងន់ធ្ងរ​នោះ​ទេ ខណៈដែលទឹកទន្លេបន្តស្រកចុះជារៀងរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយម បានប្រាប់​កម្ពុជា​ថ្មី នៅរសៀលថ្ងៃនេះថា (ថ្ងៃសុក្រ) ស្ថានភាពអាកាសធាតុនៅកម្ពុជា មានភាពប្រក្រតី​ជា​មធ្យម​ច្រើនឆ្នាំ ដែលលោកសំដៅទៅលើទឹកភ្លៀង​ដែលបាន​ធ្លាក់រ៉ាយប៉ាយ។

អ្នកនាំពាក្យរូបនេះ បន្តថា ចំពោះស្ថានភាពទឹកទន្លេ ក៏មិនទាន់មានអ្វីគួឱ្យព្រួយបារម្ភនោះដែរ ដោយ​សារ​តែទឹក​នឹងបន្តស្រក​ចុះ​បន្ថែមទៀត ខណៈដែលកម្ពស់ទឹកនៅទាបនៅឡើយពោលគឺទើបតែ​ឃើញ​ងើបឡើង​បន្តិចដោយសារ​តែព្យុះ​នាពេលកន្លងទៅ ប៉ុន្តែឥឡូវនេះ គឺចាប់ផ្ដើម​ស្រកចុះវិញ​ហើយ ដូច្នេះមិនមានអ្វីជាបញ្ហាចោទនោះទេចំពោះស្ថានភាពទឹកទន្លេ។

លោក ចាន់ យុត្ថា ឱ្យដឹងទៀតថា នៅក្នុងសប្តាហ៍នេះ ភ្លៀងនឹងបន្តធ្លាក់រ៉ាយប៉ាយដោយសារតែ កម្ពុជា​ទទួល​រងនូវឥទ្ធិ​ពល​ខ្យល់មូសុងនៅក្នុងកម្រិតបង្គួរ។ លោកថា តំបន់មួយចំនួន អាចមាន​ការ​ប្រឈម នៅក្នុងរយៈពេលខ្លី ដូចជាខេត្តព្រះសីហនុកន្លងមក មានជំនន់នៅតំបន់ទំនាបមួយចំនួន ប៉ុន្តែដោយសារតែ ហេដ្ឋារចនាសម្ព័ន្ធដកទឹករបស់ខេត្តមានការរៀបចំបានច្រើន ដូច្នេះមិនមាន​ការជន់​លិច ដូចឆ្នាំកន្លងមកនោះទេ។

លោក ចាន់ យុត្ថា បានបញ្ជាក់ទៀតថា “ដោយសារឥឡូវនេះ វាមិនមានអ្វីជាជោគជាំធ្ងន់ធ្ងរនោះទេ ខណៈដែលពេលនេះ គឺនៅ​ដើមរដូវវស្សានៅឡើយ ហើយប្រសិនបើភ្លៀងនៅតែបន្តធ្លាក់ វាជា​ស្ថាន​ភាព​មួយ​អំណោយផលដល់ដំណាំស្រូវនារដូវវស្សារបស់ប្រជាកសិករ ហើយចំពោះការព្រួយ​​បារម្ភ​មិន​មានអ្វីធ្ងន់ធ្ងរនោះទេ”។

បើតាមអ្នកនាំពាក្យរូបនេះ នៅក្នុងរយៈពេលប៉ុន្មានថ្ងៃកន្លងមកនេះ នៅតំបន់ផ្ទៃរងទឹកភ្លៀងរបស់ទន្លេមេគង្គ ទាំងក្នុងប្រទេសថៃ និងឡាវ និងផ្នែកខ្លះនៃប្រទេសវៀតណាម មិនមានភ្លៀងធ្លាក់ច្រើននោះទេ ពោលគឺទឹកបន្តស្រកចុះ។

ក្រសួងធនធានទឹក និងឧតុនិយម នៅថ្ងៃទី២២ មិថុនា បានប្រកាសថា ចាប់ពីថ្ងៃ២៣-២៩ មិថុនា កម្ពុជា នឹងរងឥទ្ធិពល​ពីជ្រលងសម្ពាធទាបនៃប្រទេសចិន និងខ្យល់មូសុងនិរតីក្នុងល្បឿនបង្គួរ ធ្វើ​ឱ្យបណ្តាខេត្តមួយចំនួនធ្លាក់ភ្លៀងក្នុងកម្រិតតិចទៅមធ្យម៕ ដោយ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

បន្ទាន់! បាត់​ខ្លួន​មេធាវី​មួយ​រូប​តាំង​ពី​ម៉ោង៤ល្ងាច ​បន្ទាប់​ពី​ចុះ​ងូត​ទឹក​នៅ​ឆ្នេរ​អូត្រេះ​

កូវីដ-១៩៥ ម៉ោង មុន

អាជីវករ​ផ្សារ​ដើម​គ​ជាង​៣០០​នាក់​ ដែល​ក្រុម​គ្រូពេទ្យ ពិនិត្យ​យក​សំណាក​មិនមាន​វិជ្ជាមាន​កូ​វីដ​-១៩​ទាំងអស់ ប៉ុន្តែ​ផ្សារ​ត្រូវ​បិទ​៣​ថ្ងៃ

ជីវិតកម្សាន្ដ៥ ម៉ោង មុន

មក​ស្គាល់​ស្នាដៃ​និង​ចម្រៀង​ល្បីៗ​ជាច្រើន​របស់​កវី​ដ៏​ឆ្នើម ហ៊ុយ ពុធ នៅក្នុង​វិស័យ​សិល្បៈខ្មែរ

ជីវិតកម្សាន្ដ៦ ម៉ោង មុន

ចេតិយ​ដែល​ជា​បំណង​ចុងក្រោយ​ព្រឹទ្ធាចារ្យ គង់ ណៃ សម្រេចការ​សាងសង់​រួចរាល់​ជា​ស្ថាពរ

ព័ត៌មានជាតិ៦ ម៉ោង មុន

គ្រឿងចក្រ​របស់​ក្រុមហ៊ុន​កំពត​ផត ​កំពុង​ឈូស​ឆាយ​លើ​ដី​របស់​ប្រជាពលរដ្ឋ​តាម​អំពើ​ចិត្ត

Sokha Hotels

ព័ត៌មានពេញនិយម

Helistar Cambodia - Helicopter Charter Services