ព័ត៌មានជាតិ
មន្រ្តីជាន់ខ្ពស់សុខាភិបាល បង្ហើបស្ថានភាពឆ្លងកូវីដ ១៩នៅរាជធានីភ្នំពេញ នៅប៉ុន្មានសប្តាហ៍ចុងក្រោយ
ភ្នំពេញ៖ មន្ត្រីជំនាញបានអះអាងថា ស្ថានភាពជំងឺកូវីដ ១៩នៅរាជធានីភ្នំពេញក្នុងរយៈពេលប៉ុន្មានសប្តាហ៍កន្លងមកនេះ ហាក់មានសភាពធូរស្រាលជាងមុនច្រើន ដោយមានអ្នកឆ្លងត្រឹមក្រោម២០០នាក់ប៉ុណ្ណោះក្នុង១ថ្ងៃៗ។
លោក វេជ្ជបណ្ឌិត ងី ម៉េងហេង ប្រធានមន្ទីរសុខាភិបាលរាជធានីភ្នំពេញបានមានប្រសាសន៍នៅព្រឹកថ្ងៃទី២៣មិថុនានេះថា បច្ចុប្បន្ននេះអត្រាឆ្លងជំងឺកូវីដ ១៩នៅរាជធានីភ្នំពេញ មានការធ្លាក់ចុះជាបន្តបន្ទាប់ដោយមានអ្នកឆ្លងពីជាង១០០នាក់ឬក្រោម២០០នាក់ទៅតាមថ្ងៃនីមួយៗ ខណៈខែមុនៗមានការឆ្លងខ្ពស់រហូតដល់ទៅ៤០០ ទៅ ៥០០នាក់ឯណោះក្នុង១ថ្ងៃ។
លោកវេជ្ជបណ្ឌិត បានបញ្ជាក់ថា មូលហេតុដែលនាំឱ្យរាជធានីភ្នំពេញមានអត្រាឆ្លងជំងឺកូវីដ១៩ធ្លាក់ចុះនេះគឺដោយសារតែការចាក់វ៉ាក់សាំងបង្ការជំងឺកូវីដ១៩គ្របដណ្តប់បានស្ទើរ១០០ភាគរយ និងការអនុវត្តវិធានការ៣ការពាររួមមាន ពាក់ម៉ាស លាងសំអាតដៃនិងរក្សាគម្លាតសុវត្តិភាពនិង ៣កុំរួមមានកុំទៅកន្លែងដែលមានមនុស្សអ៊ូរអរកកកុញច្រើន កុំទៅកន្លែងដែលបិទជិតគ្មានខ្យល់អាកាសចេញចូលនិងកុំចាប់ដៃគ្នា ប៉ះគ្នាឬអោបគ្នា។
លោក វេជ្ជបណ្ឌិត បាន បន្តទៀតថា ជំងឺកូវីដ១៩មិនអាចលប់បំបាត់បាន១០០ភាគរយទេ សំខាន់យើងត្រូវកាត់បន្ថយកុំឱ្យស្ថានភាពជំងឺនេះកាន់តែធ្ងន់ធ្ងរៗប៉ុណ្ណោះ។
លោក វេជ្ជបណ្ឌិត បានបន្ថែមទៀតថា ប្រសិនបើខេត្តនៅជុំវិញរាជធានីភ្នំពេញរួមមានខេត្តកំពង់ស្ពឺ ខេត្តកំពង់ឆ្នាំងនិងខេត្តកណ្តាល ចាក់ថ្នាំបង្ការជំងឺកូវីដ១៩ជួនពលរដ្ឋរួចរាល់នោះ រាជធានីភ្នំពេញនឹងលែងសូវប្រឈមនឹងការឆ្លងជំងឺកូវីដ១៩ទៀតហើយ។
យ៉ាងណាក៏ដោយ បើទោះបីជានៅរាជធានីភ្នំពេញមានសភាពធូរស្រាលក៏ពិតមែន តែនៅតាមបណ្តាខេត្តនានាហាក់ដូចមានការឆ្លងរាលដាលកាន់តែធ្ងន់ធ្ងរដូចជាខេត្តកោះកុង ខេត្តរតនគីរី កំពង់ចាម តាកែវ កំពត ស្វាយរៀង ខេត្តកែបជានិងខេត្តជាប់ព្រំដែនកម្ពុជាថៃជាដើម៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ