ព័ត៌មានជាតិ
ប្រជុំក្រើនរំលឹក បើចាប់មនុស្សត្រូវរាយការណ៍ជូនតុលាការ ជៀសវាងធ្វើខុសនីតិវិធី
ខេត្តបន្ទាយមានជ័យ៖ ក្នុងកិច្ចប្រជុំ ជាមួយនគរបាលយុត្តិធម៌ លោក កើត វណ្ណរ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ បានធ្វើការក្រើនរំលឹកដល់មន្ត្រីនគរបាលយុត្តិធម៌ បើចាប់មនុស្សបានហើយ ត្រូវរាយកាណ៍ជូនតុលាការជាបន្ទាន់ជៀសវាងធ្វើខុសនិតិវីធីច្បាប់។
លោកមានប្រសាសន៍នេះក្នុងកិច្ចប្រជុំសំណេះសំណាល រវាងអយ្យការអមសាលាដំបូងខេត្តបន្ទាយមានជ័យ ជាមួយមន្ត្រីនគរបាលយុត្តិធម៌ ដើម្បីពង្រឹងកិច្ចសហប្រតិបត្តិការអនុវត្តន៍ច្បាប់ នៅស្នងការដ្ឋាននគរបាលខេត្តបន្ទាយមានជ័យ នៅថ្ងៃទី២៣ ខែមិថុនា ឆ្នាំ២០២១។
លោក កើត វណ្ណរ៉េត បានជំរុញដល់មន្ត្រីនគរបាលយុត្តិធម៌ទាំងអស់ត្រូវគោរពច្បាប់ បំពេញការងារតាមតួនាទី ភារកិច្ចឱ្យបានល្អ ពិសេសត្រូវពន្លឿនការអនុវត្តន៍ដីការឱ្យបានទាន់ពេលវេលា ជៀសវាងមានការកកស្ទះសំណុំរឿង ហើយនគរបាលយុត្តិធម៌ត្រូវតែស្គាល់ពីបេសកកម្មរបស់ខ្លួនឱ្យបានច្បាស់។
ក្នុងកិច្ចប្រជុំនេះឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានធ្វើសេចក្តីរាយការណ៍ ស្តីពី ការងារកន្លងមក និងបានលើកពីបញ្ហាប្រឈមនានា និងនីតិវិធី ដាក់ជាសំណួរ និងសំណូមពរ ដល់ស្ថាប័នតុលាការ និងតំណាងអយ្យការជួយសម្រួល និងដោះស្រាយ ដើម្បីបង្កលក្ខណៈងាយស្រួលទាំងអស់គ្នាក្នុងការអនុវត្តន៍ច្បាប់។
លោក ងួន ណារ៉ា ប្រធានសាលាដំបូងខេត្តបន្ទាយមានជ័យ បានកោតសរសើរចំពោះអង្គភាពនគរបាលខេត្ត បន្ទាយមានជ័យ ដែលតែងតែមានកាសហការល្អ ជាមួយស្ថាប័នពាក់ព័ន្ធ និងស្ថាប័នតុលាការ ហើយបានបង្ក្រាបរាល់បទល្មើសខុសច្បាប់តូចធំបានជាបន្តបន្ទាប់ ពិសេសបទល្មើសព្រហ្មទណ្ឌ និងបទល្មើសគ្រឿងញៀន។ ក្រៅពីនេះនគរបាល ក៏បានដើរតួនាទីយ៉ាងសំខាន់ ក្នុងការចុះជួយសង្រ្គោះពលរដ្ឋពេលជួបគ្រោះធម្មជាតិ ទឹកជំនន់ ខ្យល់កន្ត្រាក់ និងរួមចំណែកប្រយុទ្ធប្រឆាំងជំងឺកូវីដ-១៩ជាដើម៕
អត្ថបទ៖ វ៉ាន់ ណាង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល