Connect with us

ព័ត៌មានជាតិ

ប្រភព​ផ្ទៃក្នុង​ ទម្លាយ​ពី​ការ​សន្ទនា​គ្នាបន្ថែម ​រវាងរដ្ឋមន្រ្តី​ក្រសួងអប់រំ និង​តំណាង​អប់រំ​វិស័យ​ឯកជន

បានផុស

នៅ

ភ្នំពេញ៖ ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាចង់ឱ្យសាលាឯកជនទាំងអស់ បើកដំណើរឡើងវិញ តាមរយៈពីររូបភាពគឺការសិក្សាតាមបែបចម្រុះ និងសិក្សាតាមបែបបណ្តុំដើម្បីបញ្ចៀសការឆ្លងជំងឺកូវីដ‑១៩ ជាលក្ខណៈ​ទ្រង់ទ្រាយធំនៅតាមសាលារៀន។

បើយោងតាមប្រភពពីអ្នកចូលរួមប្រជុំតាមអនឡាញរវាងរដ្ឋមន្ត្រីក្រសួងអប់រំ និងវិស័យឯកជនកាលពីរសៀលថ្ងៃ​ទី២៣មិថុនា បានឱ្យដឹងថា នៅក្នុងកិច្ចប្រជុំនោះ លោករដ្ឋមន្ត្រីបានផ្តល់ជាគំនិតយោបល់ទៅលើការបើកដំណើរការសាលារៀនឡើងវិញទី១ បើកតាមបែបចម្រុះគឺការសិក្សាតាមអនឡាញនិងការយកសន្លឹកកិច្ចការពីសាលាមកធ្វើនៅផ្ទះនិងទី២ ការសិក្សាតាមបែបបណ្តុំគឺតម្រូវឱ្យសាលានីមួយៗអាចដាក់សិស្សបានត្រឹម១០នាក់ប៉ុណ្ណោះក្នុង១ថ្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានបន្តទៀតថា ការកម្រិតសិស្សក្នុង១ថ្នាក់ត្រឹម១០នាក់នេះ ងាយស្រួលក្នុងការគ្រប់គ្រងបាន ប្រសិនមានករណីផ្ទុះជំងឺកូវីដ‑១៩ ធ្វើយ៉ាងណាកុំឱ្យមានបញ្ហាដូចទីតាំងផ្សារនិងតាមរោងចក្រដែលមានផ្ទុះជំងឺ​កូវីដ‑១៩​ធ្ងន់ធ្ងរ។

ប្រភពខាងលើបានបន្ថែមទៀតថា ចំពោះវិស័យឯកជនវិញស្នើសុំតាមអនឡាញឆ្លាស់​ដូចមុនរៀនក្នុងថ្នាក់ផងនិងរៀនក្រៅថ្នាក់ផង គឺប្តូរគ្នាទៅវិញទៅមក៣ថ្ងៃក្នុងសាលា ៣ថ្ងៃនៅផ្ទះនិងឱ្យសាកលវិទ្យាធិការឬនាយកសាលានីមួយៗមានការទទួលខុសត្រូវខ្ពស់ជាងមុន និងបំបែក​សិស្សឱ្យរៀនតាមក្រុមតូចៗតាមថ្នាក់រៀននីមួយៗ។ ប៉ុន្តែ បើរៀនតាមបណ្តុំត្រូវស្នើសុំច្បាប់ឡើងវិញទៀត វាធ្វើឱ្យពិបាកដល់វិស័យឯកជន។ ដូច្នេះហើយបានជាលោករដ្ឋមន្ត្រីបានយកលទ្ធផលនៃកិច្ចប្រជុំផ្ញើជូន​ទៅលោកអូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈប្រចាំការ នៃគណ:កម្មការជាតិប្រយុទ្ធនឹងជំងឺកូវីដ-១៩ និងសម្តេចអគ្គមហាសេនាបតីតេជោហ៊ុនសែនដើម្បីពិនិត្យនិងសម្រេចផងដែរ។

បើ​យោងតាម​សេចក្តីសម្រេច​របស់​ក្រសួងអប់រំយុវជននិងកីឡាក្រោយ​ប្រជុំរួច​កាល​ពី​ម្សិលមិញ​នេហ នៅតែរក្សាជំហរបន្តផ្អាកគ្រឹះស្ថានសិក្សាសាធារណៈ និងឯកជននៅទូទាំងប្រទេសដដែល រហូតដល់មានការជូនដំណឹងជាថ្មី។

បើ​តាម​លោក រស់ សុវាចា អ្នកនាំពាក្យ​ឲ្យ​ក្រសួងអប់រំ យុវជននិងកីឡា គ្រឹះស្ថានសិក្សាសាធារណៈ និងឯកជនត្រូវបន្តការបង្រៀន និងរៀនពីចម្ងាយ និងតាមអនឡាញ ស្របនឹងគន្លងជីវិតថ្មីនៃវិស័យអប់រំ។

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ

សន្តិសុខសង្គម៧ នាទី មុន

ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម

ព័ត៌មានជាតិ១១ នាទី មុន

ត្រឹមមួយថ្ងៃ នគរបាលក្រសួងមហាផ្ទៃបង្ក្រាបបទល្មើសគ្រឿងញៀន ២១ករណី ឃាត់ខ្លួនមនុស្ស ៥៣នាក់

ជីវិតកម្សាន្ដ៣៨ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ៣៨ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

Sokha Hotels

ព័ត៌មានពេញនិយម