ព័ត៌មានជាតិ
អង្គការAHFអំពាវនាវដល់មេដឹកនាំពិភពលោកជួយបង្កើនការផលិតវ៉ាក់សាំងកូវីដ១៩ជួយដល់ប្រទេសក្រីក្រ
លោកស្រីវេជ្ជ ហួយ ស៊ីខេង ប្រធានគ្រប់គ្រងកម្មវិធីអង្គការមូលនិធិថែទាំសុខភាពអ្នកជំងឺអេដស៍ AHF ប្រចាំប្រទេសកម្ពុជា បានអំពាវនាវដល់បណ្តាប្រទេសធំៗដែលអាចមានលទ្ធភាពផលិតវ៉ាក់សាំងការងារជំងឺកូវីដ-១៩ សូមជួយបង្កើនការផលិតវ៉ាក់សាំង និងចែករំលែកចំណេះដឹងដល់ប្រទេសផ្សេងៗ ដើម្បីបានផលិតវ៉ាក់សាំងចាក់ជូនប្រជាពលរដ្ឋការពារពីជំងឺកូវីដ-១៩។
អង្គការមូលនិធិថែទាំសុខភាព អ្នកជំងឺអេដស៍កម្ពុជា (AHF) ក្នុងអំឡុងខែមិថុនា ឆ្នាំ២០២១នេះ បានជំរុញឱ្យមេដឹកនាំពិភពលោក ជួយពិចារណាពីជីវិតមនុស្សលោកជាចម្បងជាងរកប្រាក់ចំណេញ និងផ្តល់សិទ្ធិដល់ពិភពលោកក្នុងការទទួលបានកម្មសិទ្ធិបញ្ញា និងបច្ចេកវិទ្យាសម្រាប់វ៉ាក់សាំងកូវីដ-១៩ តាមរយៈការគាំទ្រការ ទទួលបានប៉ាតង់ទូលំទូលាយក្នុងការផលិតវ៉ាក់សាំង។
លោកស្រីវេជ្ជ ហួយ ស៊ីខេង បានឱ្យដឹងថា ខណៈឧស្សាហកម្មឱសថបានបង្ហាញថាវាអាចឆ្លើយតបជាមួយនឹងការ ច្នៃប្រឌិតថ្មីដើម្បីឆ្លើយតបទៅនឹងតម្រូវការបន្ទាន់សម្រាប់វ៉ាក់សាំងកូវីដ-១៩, AHFសូមឱ្យក្រុមហ៊ុនផលិតវ៉ាក់សាំងជាច្រើន កុំដើម្បីតែទទួលបាន ប្រាក់ចំណេញពីការលក់វ៉ាក់សាំង ជាពិសេសការស្រាវជ្រាវបានជំរុញការអភិវឌ្ឍន៍។
លោកស្រីបន្ថែមថា សម្រាប់ការវិនិយោគតែមួយមុខនេះពិភពលោកគួរតែទទួលបាននូវបច្ចេកវិទ្យា និងព័ត៌មានដែលខ្លួនត្រូវការដើម្បីពង្រីកផលិតកម្មវ៉ាក់សាំង ទូទាំងពិភពលោកមិនថាតែហេដ្ឋារចនាសម្ព័ន្ធមានស្រាប់ ឬត្រូវបានបង្កើតថ្មីនោះទេ។
ចំណែក លោកវេជ្ជបណ្ឌិតឈឹម សារ៉ាត់ នាយកការិយាល័យប្រចាំតំបន់អាស៊ីAHF បានឱ្យដឹងដែរថា«កំហុសដដែលនោះមិនត្រូវបានបង្កើតឡើងដោយវ៉ាក់សាំងទេ ប៉ុន្តែយើង កំពុងដើរលើផ្លូវនោះដោយព្រួយបារម្ភប្រសិនបើក្រុមហ៊ុនផលិតវ៉ាក់សាំង និងមេដឹកនាំពិភពលោក មិនធ្វើអ្វីគ្រប់យ៉ាងដែលចាំបាច់ ដើម្បីចាក់វ៉ាក់សាំងការពារពិភពលោករបស់យើង»។
អង្គការមូលនិធិថែទាំសុខភាពអ្នកជំងឺអេដស៍ដែលជាអង្គការផ្តល់សេវាថែទាំនិងព្យាបាលជំងឺអេដស៍ធំជាងគេបំផុតនៅលើពិភពលោកដល់អតិថិជនជាង ១,៥ លាននាក់នៅក្នុង៤៥ប្រទេសបានចាប់ផ្តើមការប្រយុទ្ធប្រឆាំងនឹងជំងឺអេដស៍មុនគេអស់រយៈពេលជាង ៣០ ឆ្នាំមកហើយបានប្រយុទ្ធតាំងពីដំណាក់កាលដំបូងនៃជំងឺរាតត្បាតនៅពេលដែលមិនមានការព្យាបាលសម្រាប់មេរោគអេដស៍ទេ។ ចាប់តាំងពីការបង្កើតការព្យាបាលដោយប្រើថ្នាំប្រឆាំងនឹងមេរោគអេដស៍ បានតស៊ូមតិដើម្បីទទួលបានការព្យាបាលជាលក្ខណៈសកលឬឥតគិតថ្លៃ។
អង្គការមូលនិធិថែទាំសុខភាពអ្នកជំងឺអេដស៍ (AHF)ជាអង្គការប្រយុទ្ធនឹងជំងឺអេដស៍ធំជាងគេបំផុតនៅលើពិភពលោក ដោយបច្ចុប្បន្នអង្គការកំពុងផ្តល់ការថែទាំ បែបវេជ្ជសាស្ត្រ និងសេវាកម្មដល់មនុស្សជាង១លាន៥សែននាក់ នៅក្នុង៤៥ប្រទេសទូទាំងពិភពលោក ដូចជានៅសហរដ្ឋអាមេរិក អាហ្វ្រិកអាមេរិកឡាទីន ការ៉ាបៀន តំបន់អាស៊ីប៉ាស៊ីហ្វិក និងអឺរ៉ុបខាងកើត៕
អត្ថបទ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត