ព័ត៌មានជាតិ

រដ្ឋមន្ត្រីការបរទេសអង់គ្លេស សោកស្ដាយចំពោះរឿងរ៉ាវអតីតកាល ដែលបានកើតឡើងមកលើប្រជាជនកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ២៤ មិថុនា ២០២១

ដោយ

ការសោកស្តាយចំពោះរឿងរាវ ដែលបានកើតឡើងលើប្រជាជនកម្ពុជាពីអតីតកាលនោះត្រូវបានលោក Dominic Raab រដ្ឋមន្ត្រីការបរទេស និងអភិវឌ្ឍន៍នៃចក្រភពអង់គ្លេស បានធ្វើឡើង ខណៈលោកអញ្ជើញទស្សនាសារមន្ទីរឧក្រិដ្ឋកម្មប្រល័យពូជសាសន៍ទួលស្លែង កាលពីរសៀលថ្ងៃពុធ ទី២៣ ខែមិថុនា ឆ្នាំ២០២១ ក្នុងដំណើរទស្សនកិច្ចរយៈពេលមួយថ្ងៃនៅប្រទេសកម្ពុជា នេះបើតាមប្រភពព័ត៌មានពីក្រសួងវប្បធម៌ និងវិចិត្រសិល្បៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងវប្បធម៌ ការអញ្ជើញទស្សនាសារមន្ទីរឧក្រិដ្ឋកម្មប្រល័យពូជសាសន៍ទួលស្លែង របស់លោក Dominic Raab MP នេះ អមដំណើរដោយលោកស្រី Tina S Redshaw ឯកអគ្គរាជទូតអង់គ្លេសប្រចាំកម្ពុជា ហើយក៏មានការទទួលស្វាគមន៍ពីសំណាក់លោក ឆាយ វិសុទ្ធ ប្រធាននាយកដ្ឋានសារមន្ទីរ និងជាតំណាងក្រសួងវប្បធម៌ និងវិចិត្រសិល្បៈ និងលោក ហង្ស និស្ស័យ ប្រធានសារមន្ទីរឧក្រិដ្ឋកម្មប្រល័យពូជសាសន៍ទួលស្លែងផងដែរ។

ក្នុងដំណើរទស្សនកិច្ចនេះដែរ លោកស្រី ស៊ុន រតនា អភិបាលរងខណ្ឌបឹងកេងកង បានដឹកនាំកម្លាំងសមត្ថកិច្ចខណ្ឌចុះរៀបចំសណ្ដាប់ធ្នាប់ និងការពារសុវត្ថិភាពរបស់គណប្រតិភូ។

ក្រសួងវប្បធម៌ និងវិចិត្រសិល្បៈ បញ្ជាក់ថា ការអញ្ជើញទស្សនាសារមន្ទីរឧក្រិដ្ឋកម្មប្រល័យពូជសាសន៍ទួលស្លែង របស់លោក Dominic Raab MP នេះ បានបញ្ចប់ដោយរលូន ដោយលោក Dominic Raab បានសម្ដែងការគោរព និងសោកស្ដាយចំពោះរឿងរ៉ាវអតីតកាល ដែលបានកើតឡើងមកលើប្រជាជនកម្ពុជា៕

ដោយ ៖ កោះកែវ