អាវុធហត្ថ ចេញ​ប្រតិបត្តិការ​ទាំង​យប់​ទាំង​ថ្ងៃ ដើម្បី​រួមគ្នា​បញ្ចប់​ព្រឹត្តិការណ៍ ២០ កុម្ភៈ

មិនថាយប់ ថ្ងៃ ភ្លៀង ខ្យល់នោះឡើយ គឺកម្លាំងកងរាជអាវុធហត្ថរាជធានីភ្នំពេញ បានសហការជាមួយសមត្ថកិច្ចពាក់ព័ន្ធបន្តចូលរួមអនុវត្តយ៉ាងមុឺងម៉ាត់តែទន់ភ្លន់បំផុតតាមសេចក្តីសម្រេច របស់រាជរដ្ឋាភិបាល ស្តីពីការបិទខ្ទប់ ភូមិសាស្ត្ររាជធានីភ្នំពេញ និងក្រុងតាខ្មៅ ព្រមទាំងស្រុកមួយចំនួន នៃខេត្តកណ្ដាល តាមរយៈការចូលរួមត្រួតពិនិត្យ តាមគោល​ដៅបិទខ្ទប់ ការការពារ ត្រួតពិនិត្យ និងត្រៀមអន្តរាគមន៍ នៅតាមទីតាំងដាក់ឱ្យធ្វើចត្តាឡីស័ក និងសម្រាកព្យាបាលអ្នកជំងឺឆ្លងកូវីដ-១៩ (COVID-19) និង ល្បាតត្រួតពិនិត្យការធ្វើដំណើរលើដងផ្លូវ ក្នុងភូមិសាស្ត្ររាជធានីភ្នំពេញ សំដៅពង្រឹងការអនុវត្តបញ្ចប់ព្រឹត្តិការណ៍២០គុម្ភៈឲ្យបានជោគជ័យដោយប្រកាន់ភ្ជាប់ជានិច្ចនូវវិធានច (៣កុំ៣ការពារ)​ជាគោលការណ៍សំខាន់បំផុត។

មន្ត្រីអាវុធហត្ថរាជធានីបានបញ្ចាក់មុននេះថា ការងារចំពោះមុខគឺរក្សាការពារសន្តិសុខសុវត្ងិភាពនៃការធ្វើដំណើររបស់បងប្អូនប្រជាពលរដ្ឋនៅលើដងផ្លូវ និង តាមលំនៅដ្ឋានមិនថាយប់ឬថ្ងៃភ្លៀងខ្យល់នោះឡើយ។ រូមជាមួយនេះ​ដែរកម្លាំងអាវុធហត្ថបន្តផ្សព្វផ្សាយវិធានការណ៍របស់រាជរដ្ឋាភិបាលឲ្យមហាជនចូលរួមទប់ស្កាត់ការរីករាលដាលនៃជំងឺ​កូវីដ-១៩ទាំងអស់គ្នា តាមរយៈវិធានការ ៣ការពារ ៣កុំជាប្រចាំដើម្បីបញ្ចប់ព្រឹត្តិការណ៍២០គុម្ភៈឲ្យបានជាស្ថាពរ។ ជាក់ស្ដែងនៅយប់ថ្ងៃទី២៤និងព្រឹកទី២៥ មិថុនា នេះកម្លាំងអាវុធហត្ថរាជធានីបានចុះទៅតំបន់បិទខ្ទប់ភូមិត្រពាំងថ្លឹង១ និង ភូមិត្រពាំងថ្លឹង២ នៃសង្កាត់ចោមចៅទី១ ចោមចៅទី២ខណ្ឌពោធិ៍សែនជ័យ ដើម្បីពង្រឹងការអនុវត្តវិធានការរដ្ឋបាលរបស់សាលារាជធានីភ្នំពេញដោយសូមឲ្យរួមគ្នាប្រយុទ្ធប្រឆាំង ការរីករាលដាលនៃជំងឺកូវីដ-១៩ ដើម្បីសុវត្ថិភាពសហគមន៍តែម្ដង៕

អត្ថបទ ៖ វិមាន