ព័ត៌មានជាតិ
ការចាក់វ៉ាក់សាំងដូសទី២នៅខណ្ឌ៣ចុងក្រោយក្នុងក្រុងភ្នំពេញ ចាប់ផ្ដើមពីថ្ងៃទី២៥ មិថុនានេះតទៅ
ភ្នំពេញ៖ក្រុមការងារចាក់វ៉ាក់សាំងបង្ការជំងឺកូវីដ‑១៩នៅរាជធានីភ្នំពេញបានចាប់ផ្តើមដំណើរការចាក់ដូសទី២ជូនពលរដ្ឋនៅខណ្ឌដូនពេញ ខណ្ឌជ្រោយចង្វារនិងខណ្ឌព្រែកព្នៅដែលជាខណ្ឌចុងក្រោយចាប់ពីថ្ងៃទី២៥មិថុនានេះតទៅរហូតដល់ថ្ងៃទី៨ខែកក្កដាឆ្នាំ២០២១ខាងមុខ។
លោក វេជ្ជបណ្ឌិត ងី ម៉េងហេង ប្រធានមន្ទីរសុខាភិបាលរាជធានីភ្នំពេញបានណែនាំដល់បងប្អូនប្រជាពលរដ្ឋរស់នៅក្នុងខណ្ឌដូនពេញ ខណ្ឌជ្រោយចង្វារនិងខណ្ឌព្រែកព្នៅនេះអញ្ជើញរួសរាន់មកចាក់វ៉ាក់សាំងដូសទី២ចាប់ពីថ្ងៃទី២៥ ខែមិថុនាដល់ថ្ងៃទី៨ខែកក្កដាឆ្នាំ២០២១ខាងមុខខណៈចាក់ដូសទី១បានចាប់ផ្តើមកាលពីថ្ងៃទី១០ខែមិថុនារហូតដល់ថ្ងៃទី២៣មិថុនា ។
លោក វេជ្ជបណ្ឌិត បានបន្តទៀតថារាជធានីភ្នំពេញនឹងបិទបញ្ចប់យុទ្ធនាការចាក់វ៉ាក់សាំងបង្ការជំងឺកូវីដ១៩នៅដើមសប្តាហ៍ខែក្រោយនេះហើយខណៈមកដល់ពេលនេះមានពលរដ្ឋរស់នៅនិងនិងស្នាក់នៅក្នុងរាជធានីភ្នំពេញប្រមាណជិត១លាន៥សែននាក់បានទទួលការចាក់វ៉ាក់សាំងដូសទី២។
លោកប្រធានមន្ទីរសុខាភិបាលរាជធានីភ្នំពេញបានស្នើឱ្យអាជ្ញាធរខណ្ឌនីមួយៗពិសេសខណ្ឌដែលបានចាក់វ៉ាក់សាំងរួចហើយត្រូវស្រង់ស្ថិតិអ្នកដែលមិនទាន់បានចាក់វ៉ាក់សាំងបង្ការជំងឺកូវីដ‑១៩ដើម្បីឱ្យពួកគេទទួលបានចាក់គ្រប់ៗគ្នា។
លោក វេជ្ជបណ្ឌិត បានបន្តទៀតថា ការទទួលបានវ៉ាក់សាំងគ្រប់ៗគ្នានេះនឹងជួយកាត់បន្ថយការចម្លងជំងឺពីធ្ងន់ធ្ងរទៅស្រាលព្រោះថាយើងមិនអាចលប់បំបាត់ជំងឺកូវីដ១៩បាន១០០ភាគរយបានទេតែ យើងអាចកាត់បន្ថយមិនឱ្យជំងឺនេះវិលទៅរកស្ថានភាពកាន់តែធ្ងន់ ធ្ងរបាន។
លោកវេជ្ជបណ្ឌិត បានបញ្ជាក់ថាការធ្លាក់ចុះជំងឺកូវីដ១៩នៅរាជធានីភ្នំពេញនេះគឺដោយសារតែការចាក់វ៉ាក់សាំងបង្ការជំងឺកូវីដ១៩គ្របដណ្តប់បានស្ទើរ១០០ភាគរយនិងការអនុវត្តវិធានការ៣ការពាររួមមាន ពាក់ម៉ាសលាងសំអាតដៃនិងរក្សាគម្លាតសុវត្តិភាពនិង៣កុំរួមមានកុំទៅកន្លែងដែលមានមនុស្សអ៊ូរអរកកកុញច្រើនកុំទៅកន្លែងដែលបិទជិតគ្មានខ្យល់អាកាសចេញចូលនិងកុំចាប់ដៃគ្នា ប៉ះគ្នាឬអោបគ្នា។
គួរបញ្ជាក់ថាចាប់ពីថ្ងៃទី១០ខែម្ភៈឆ្នាំ២០២១រហូតមកដល់ថ្ងៃទី២៤ខែមិថុនាឆ្នាំ២០២១នេះកម្ពុជាបានចាក់វ៉ាក់សាំងបង្ការជំងឺកូវីដ១៩ចំនួន៣៧១៥៧៥១នាក់ស្មើនឹង៣៧.១៦ភាគរយក្នុងនោះមានអ្នកចាក់ដូសទី២បានចំនួន២៧៦២៧៧៧នាក់នៃផែនការសរុប១០លាននាក់៕
សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?