ព័ត៌មានជាតិ

ដំណាំកញ្ឆា៨ទីតាំងបន្ថែមទៀត នៅឃុំព្រះបាទជាន់ជុំ ត្រូវបានកាប់បំផ្លាញ

បានផុស

៣ years មុន

នៅ

ថ្ងៃសុក្រ ២៥ មិថុនា ២០២១

ដោយ

កម្លាំងជំនាញនៃអធិការដ្ឋាននគរបាលស្រុកគិរីវង់ នៅថ្ងៃទី២៤ ខែមិថុនា ឆ្នាំ២០២១ សហការជាមួយកម្លាំងប៉ុស្តិ៍នគរបាលរដ្ឋបាលឃុំទាំង១២ បានឡើងរុករកកាប់និងដុតបំផ្លាញដំណាំកញ្ឆាខុសច្បាប់ដែលជនខិលខូចលួចដាំបានចំនួន៨ទីតាំង និងអាងស្តុកទឹក៧ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការចុះបង្ក្រាបកាប់និងដុតបំផ្លាញដំណាំកញ្ឆាខុសច្បាប់នេះ គឺធ្វើឡើងនៅចំណុចដុបថ្មចង្ក្រាន ស្ថិតនៅភូមិសាស្ត្រឃុំព្រះបាទជាន់ជុំ ស្រុកគិរីវង់ ខេត្តតាកែវ ដែលមានផ្ទៃដីប្រមាណ២,២១៨ម៉ែត្រក្រឡា និងបន្តស្រាវជ្រាវស្វែងរកម្ចាស់អ្នកដាំដំណាំកញ្ឆាដើម្បីយកមកផ្តន្ទាទោសតាមច្បាប់។

សូមរំលឹកថា ដំណាំកញ្ឆាខុសច្បាប់នៅក្នុងភូមិសាស្ដ្រស្រុកគិរីវង់ ត្រូវបានកម្លាំងនគរបាលស្រុកចុះបង្ក្រាបជាបន្តបន្ទាប់ និងកាប់បំផ្លាញអស់ជាច្រើនកន្លែងផងដែរ តែម្ចាស់ដំណាំកញ្ឆទាំងនេះ នៅមិនទាន់ឃាតខ្លួនបានឡើយ រហូតប្រជាពលរដ្ឋបានដាក់ការសង្ស័យថា ទំនងជាអាជ្ញាធរអនុវត្តវិធានការខុសគោលដៅ៕

អត្ថបទ ៖ សុខុម