ព័ត៌មានជាតិ
ខេត្តស្ទឹងត្រែងប្រកាសរកឃើញអ្នកឆ្លងកូវីដ១៩ចំនួន ៦១នាក់បន្ថែម
ខេត្តស្ទឹងត្រែង:គិតត្រឹមល្ងាចថ្ងៃទី ២៥ ខែមិថុនាឆ្នាំ ២០២១នេះ រដ្ឋបាលខេត្តស្ទឹងត្រែងបានប្រកាស រកឃើញអ្នកឆ្លងកូវីដ១៩ចំនួន៦១នាក់បន្ថែមទៀត ភាគច្រើនជាបុគ្គលិកនារីៗបម្រើការងារក្នុងខារ៉ាអូខេ និងបុរសៗដែលបានចូលច្រៀង។
នេះជាលើកដំបូងហើយ ដែលខេត្តស្ទឹងត្រែងផ្ទុះកូវីត១៩ ខ្លាំងចេញពីហាងខារ៉ាអូខេចំនួន ៤ កន្លែង ដែលបានកែឈ្មោះមកដាក់ជាអាហារដ្ឋាន ភោជនីយដ្ឋាន លួចលាក់បើកឱ្យភ្ញៀវចូលច្រៀងផ្ទុយពីវិធានការសុខាភិបាល តែរយៈពេល ២ ថ្ងៃសោះក្រុមគ្រូពេទ្យរកឃើញអ្នកឆ្លងកូវីដ១៩ រហូតដល់ ៩១នាក់ ថ្ងៃ ២៤រកឃើញ៣០នាក់ នឹងថ្ងៃទី ២៥រកឃើញ៦១នាក់។
ហាងខារ៉ាអូខេដែលបានកែមកដាក់ជាអាហារដ្ឋានភោជនីយដ្ឋាននោះមាន១-ឈ្មោះភោជនីយដ្ឋាន “កាឡាក់ស៊ី” ស្ថិតក្នុងភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង។ ២-អាហាររដ្ឋាន”វិមានមាស”ស្ថិតក្នុងភូមិរាជានុកូលសង្កាត់ ក្រុងស្ទឹងត្រែង។ ៣-អាហារដ្ឋាន”ស្រីម៉ៅ” ស្ថិតក្នុងភូមិកណ្ដាល សង្កាត់ ក្រុងស្ទឹងត្រែង។ ៤-អាហារដ្ឋាន”សួនរីករាយ”ស្ថិតក្នុងភូមិព្រែកសង្កាត់ក្រុងស្ទឹងត្រែង។
ក្នុងស្ថានភាពជំងឺកូវីដ១៩ រីករាលដាលយ៉ាងឆាប់រហ័សឆ្លងចូលសហគមន៍ នៅថ្ងៃទី ២៥ ខែមិថុនាឆ្នាំ ២០២១នេះ រដ្ឋបាលខេត្តស្ទឹងត្រែង បានចេញសេចក្តីប្រកាសបន្ទាន់មួយជូនដល់សាធារណៈជន ក៏ដូចប្រជាពលរដ្ឋខេត្តស្ទឹងត្រែង អ្នកដែលពាក់ព័ន្ធចេញចូលអាហារដ្ឋាន
ភោជនីយដ្ឋាន៤កន្លែងខាងលើត្រូវយកសំណាកវិភាគធ្វើតេស្តរកមេរោគកូវីត១៩ ជៀសវាងបង្កើនការរីករាលដាលកាន់តែច្រើនចូលសហគមន៍បន្ថែមទៀត។
រដ្ឋបាលខេត្តស្ទឹងត្រែង:បានអំពាវនាវដល់ប្រជាពលរដ្ឋទាំងអស់ ចូលរួមអនុវត្តវិធានការ ៣ការពារ-៣កុំ ឲ្យបានខ្ជាប់ខ្ជួនគ្រប់ៗគ្នាជាពិសេស គឺការពាក់ម៉ាស និងលាងសំអាតដៃនិងអាកុល ឬសាប៊ូជាប់ជាប្រចាំ និងរក្សាគម្លាតសុវត្ថិភាព។
សូមបញ្ជាក់ថា:អាហារដ្ឋានភោជនីយដ្ឋាន៤ កន្លែងខាងលើត្រូវបានរដ្ឋបាលខេត្តប្រកាសបិទខ្ទប់ជាបណ្ដោះអាសន្នរងចាំចេញសេចក្តីសម្រេចជាថ្មី។ បច្ចុប្បន្នថ្ងៃទី ២៥ មិថុនានេះមានអ្នកឆ្លងកូវីត១៩ ចំនួន៦១នាក់បន្ថែមទៀត សរុប១២០ នាក់ ជាសះស្បើយ១៣នាក់ ស្រី៦នាក់ និងកំពុងសម្រាកព្យាបាល ១០៧នាក់ ស្រី ៦១ នាក់៕
ងិនលីម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង