ព័ត៌មានជាតិ
ក្រសួងតម្រូវឱ្យអ្នកដំណើរទាំងអស់ត្រូវធ្វើចត្តាឡីស័កនៅតាមព្រំដែន មិនអនុញ្ញាតឱ្យចូលភូមិឃុំទេ
ភ្នំពេញ៖ខណៈពេលដែលជំងឺបំលែងខ្លួនថ្មីប្រភេទDeltaកំពុងមានការឆ្លងរាលដាល់នៅប្រទេសកម្ពុជានោះ រដ្ឋមន្ត្រីក្រសួងសុខាភិបាលបានធ្វើការណែនាំដល់អភិបាលរាជធានីខេត្តទាំងអស់ត្រូវឱ្យអ្នកដំណើរទាំងអស់ធ្វើចត្តាឡីស័កនៅមណ្ឌលនៅមាត់ច្រកព្រំដែនតែម្តងដោយមិនអនុញ្ញាតឱ្យធ្វើការដឹកជញ្ជូនដើម្បីយកទៅធ្វើចត្តាឡីស័ក នៅតាមភូមិឃុំទៀតទេ។
លោកសាស្ត្រាចារ្យម៉មប៊ុនហេងរដ្ឋមន្ត្រីក្រសួងសុខាភិបាលនិងជាប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ‑១៩បានមានប្រសាសន៍ថា « ផ្អែកតាមសភាពការណ៍នៃការរីករាលដាលជំងឺកូវីដ‑១៩បំលែងថ្មីប្រភេទDeltaមានវត្តមាននៅកម្ពុជាតាមរយៈការនាំចូលពីតាមបណ្ដាច្រកព្រំដែននានានិងដើម្បីបង្កើតទប់ស្កាត់ការឆ្លងរាលដាលជំងឺកូវីដ‑១៩បំលែងខ្លួនថ្មីនេះចូលក្នុងសហគមន៍គណៈកម្មការអន្តរក្រសួងប្រយុទ្ធនឹងជំងឺកូវីដ‑១៩ សូមធ្វើការណែនាំដល់អភិបាលរាជធានីខេត្តត្រូវអនុវត្តវិធានការចត្តាឡីស័កនៅមណ្ឌលធ្វើចត្តាឡីស័កនៅមាត់ច្រកព្រំដែនចំពោះអ្នកដំណើរទាំងអស់ដែលធ្វើដំណើរឆ្លងចូលមកក្នុងប្រទេសកម្ពុជាដោយមិនធ្វើការដឹកជញ្ជូនដើម្បីយកទៅធ្វើចត្តាឡីស័កនៅតាមភូមិឃុំទៀតទេ»។
លោក រដ្ឋមន្ត្រី បានណែនាំទៀតថាគណៈកម្មការប្រយុទ្ធនឹងជំងឺកូវីដ‑១៩ថ្នាក់រាជធានីខេត្ត(គ រ ខ )ត្រូវសហការជាមួយអនុគណៈកម្មការគ្រប់គ្រងច្រកចេញចូលនិងការធ្វើចត្តាឡីស័កដើម្បីកំណត់ទីតាំងមណ្ឌលចត្តាឡីស័កដែលនៅជិតបំផុតសម្រាប់ការធ្វើចត្តាឡីស័ក។
លោករដ្ឋន្ត្រីបាន បន្តទៀតថា នេះទន្ទឹមគ្នានេះអាជ្ញាធរមានសមត្ថកិច្ចទាំងអស់ត្រូវបង្កើនការយកចិត្តទុកដាក់បន្ថែមទៀតក្នុងការពង្រឹងវិធានការចត្តាឡីស័កនៅតាមមណ្ឌលឲ្យបានម៉ឹងម៉ាត់ស្របតាមគោលការណ៍ណែនាំផ្នែកសុខាភិបាលនិង បង្កើនការពិនិត្យការគ្រប់គ្រងច្រកជាពិសេសច្រករបៀងចៀសវាងការហូរចូលព្រំដែនចូលមកក្នុងប្រទេសកម្ពុជាដោយខុសច្បាប់ដែលបង្កហានិភ័យក្នុងការចម្លងមេរោគបំលែងខ្លួនថ្មីចូលក្នុងសហគមន៍។
លើសពីនេះទៀត លោក រដ្ឋមន្ត្រីបានណែនាំដល់( គរ ខ) ត្រូវចាត់វិធានការពង្រឹងការគ្រប់គ្រងប្រជាពលរដ្ឋធ្វើចំណាកស្រុកដែលវិលត្រឡប់មកភូមិឃុំវិញនឹងត្រូវអនុវត្តវិធានការចត្តាលឡីស័កនៅមណ្ឌលចត្តាឡីស័កឲ្យបានម៉ឹងម៉ាត់ក្នុងករណីដែលរកឃើញថាប្រជាពលរដ្ឋទាំងនោះពុំបានឆ្លងការធ្វើចត្តាឡីស័កនៅតាមព្រំដែន។
លោក រដ្ឋមន្ត្រីបានបញ្ជាក់ថាត្រូវពង្រឹងអនុវត្តវិធានការទាំងផ្នែករដ្ឋបាលទាំងផ្នែកសុខាភិបាលសំដៅបង្ការគ្រប់គ្រងនិងកាត់ផ្ដាច់នូវខ្សែរយៈចម្លងនៃមេរោគជំងឺកូវីដ‑១៩ប្រភេទបំលែងថ្មីនេះនៅតាមមូលដ្ឋានដែលត្រូវបានរកឃើញអ្នកដែលបានឆ្លងជំងឺនេះ។
ប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ ១៩បានបន្ថែមទៀតថា « អាស្រ័យហេតុនេះអភិបាលនៃគណៈអភិបាលរាជធានីខេត្តនិងជាប្រធាន(គ រ ខ) ចាត់ចែងអនុវត្តតាមការណែនាំខាងលើឱ្យមានប្រសិទ្ធភាពចាប់ពីថ្ងៃទី២៦ខែមិថុនាឆ្នាំ២០២១នេះតទៅ»៕
សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល