ព័ត៌មានជាតិ
ការបញ្ជាទិញវ៉ាក់សាំង នឹងបញ្ចប់នៅខែសីហា ខណៈការចាក់ នឹងអាចរួចរាល់នៅខែ១០ ឬ១១ ខាងមុខ
លោក វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ បានថ្លែងប្រាប់អ្នកសារព័ត៌មាននៅឯព្រលានយន្តហោះអន្តរជាតិភ្នំពេញ ខណៈអញ្ជើញទទួលវ៉ាក់សាំង នាព្រឹកថ្ងៃទី២៦ ខែមិថុនា ឆ្នាំ២០២១នេះថា កម្ពុជាគ្រោងទិញវ៉ាក់សាំងចំនួន២០លានដូសរហូតដល់ដាច់ឆ្នាំ២០២១នេះ តែតាមផែនការថ្មី នឹងទិញចប់នៅខែសីហាខាងមុខ។
ឆ្លើយតប សំណួរអ្នកសារព័ត៌មានថា តើការកំណត់ពេលវេលា នៃការចាក់វ៉ាក់ សាំង យើងត្រូវការដល់ពេលណា ? លោក វង្សី វិស្សុត បានអះអាងថា ” បើវ៉ាក់សាំងមកដល់ទាន់ពេលវេលា ខ្ញុំគិតថា អំឡុងខែ១០ ឬ១១ ចប់អស់ហើយ ប៉ុន្តែយើងមានតម្រូវការផ្សេងទៀត”។
បើតាមលោក វង្សី វិស្សុត លោកថា នេះជាព័ត៌មានល្អ ដែលកម្ពុជាត្រូវការវ៉ាក់សាំង ដើម្បីចាក់ជូនប្រជាពលរដ្ឋឲ្យបានឆាប់ និងបានលឿន ហើយស្របទៅតាមផែនការមេដែលកម្ពុជាកំពុងប្រយុទ្ធប្រឆាំងជំងឺកូវីដ១៩ ដើម្បីផ្ដល់ឱកាសឲ្យរាជរដ្ឋាភិបាល បើកសេដ្ឋកិច្ចឡើងវិញ ប្រជាជាជនមានការងារធ្វើជាប្រក្រតីឡើងវិញ ហើយនេះ គឺជាកត្តាសំខាន់ និងចាំបាច់បំផុត។
លោក វង្សី វិស្សុត អះអាងថា ពេលនេះយើងមានសមត្ថភាពចាក់ខ្ពស់ហើយ មានវ៉ាក់សាំងមកដល់ច្រើនហើយ គឺត្រូវតែខំចាក់ឲ្យបានលឿន ឲ្យបានឆាប់ ដើម្បីទប់ស្កាត់ការឆ្លងរីករាលដាល នៃជំងឺកូវីដ១៩ ពីព្រោះវ៉ាក់សាំងនេះ គឺជាកត្តាមួយសំខាន់ណាស់សម្រាប់ទប់ស្កាត់ជំងឺកូវីដ១៩ ហើយប្រទេសណាក៏ខិតខំដែរ ប្រទេសណាដែលចាក់បានច្រើន ការឆ្លង ការស្លាប់បានថយចុះយ៉ាងលឿន។
លោក វង្សី វិស្សុត បញ្ជាក់ដែរថា មកដល់ពេលនេះ ការចាក់វ៉ាកសាំងបានពង្រីកទៅដល់ខេត្តចំនួន៥ហើយ នឹងបន្តពង្រីកបន្ថែមទៀត នៅពេលវ៉ាក់សាំងមកដល់កាន់តែច្រើន។ លោកថា នៅពេលវ៉ាក់សាំងមកកាន់តែច្រើន យើងត្រូវបង្កើនការចាក់ មិនអាចធ្វើតាមផែនការចាស់ទេ៕
អត្ថបទ ៖ កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)