ព័ត៌មានជាតិ
លោក ហ៊ុនម៉ានិត ប្រជុំជាមួយអាជ្ញាធរខេត្តឧត្តរមានជ័យដើម្បីគ្រប់គ្រងពលករឆ្លងដែនឱ្យមានប្រសិទ្ធភាពខ្ពស់
លោក ហ៊ុន ម៉ានិត អគ្គនាយកស្រាវជ្រាវចារកិច្ចក្រសួងការពារជាតិ និងជាប្រធានអនុគណៈកម្មការគ្រប់គ្រងច្រកទ្វារចេញ-ចូលប្រទេស និងការធ្វើចត្តាឡីស័ក បានជួបពិភាក្សាការងារជាមួយលោក ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ ដើម្បីគ្រប់គ្រងពលករឆ្លងដែនមកពីប្រទេសថៃចូលតាមច្រកទ្វារព្រំដែនអន្តរជាតិអូរស្មាច់ឱ្យមានប្រសិទ្ធភាពខ្ពស់សំដៅកាត់បន្ថយការឆ្លងរាលដាលជំងឺកូវីដ‑១៩ចូលក្នុងសហគមន៍។
នៅក្នុងជំនួបពិភាក្សាការងារ កាលពីរសៀលថ្ងៃទី២៦ ខែមិថុនា ឆ្នាំ២០២១ លោក ហ៊ុន ម៉ានិត បានមានប្រសាសន៍ថា កិច្ចប្រជុំនេះប្រព្រឹត្តិទៅក្នុងគោលបំណងពិនិត្យលើស្ថានភាពជាក់ស្តែង នៃការគ្រប់គ្រងពលករដែលធ្វើចំណាកស្រុកពីប្រទេសថៃចូលមកប្រទេសកម្ពុជា តាមច្រកទ្វារព្រំដែនអន្តរជាតិអូរស្មាច់ និងតម្រូវការចាំបាច់បន្ថែម សំដៅធ្វើយ៉ាងណាទប់ស្កាត់ឱ្យខាងតែបាននូវការចម្លងជំងឺកូវីដ-១៩ ចូលក្នុងសហគមន៍។
នៅក្នុងឱកាសនោះ លោក ហ៊ុន ម៉ានិត បានកោតសរសើរចំពោះការខិតខំប្រឹងប្រែងរបស់រដ្ឋបាលខេត្តក្នុងការរៀបចំគ្រប់គ្រងពលករ និងការទប់ស្កាត់ការរីករាលដាលនៃជំងឺកូវីដ-១៩ ចូលក្នុងសហគមន៍។
លោក ហ៊ុនម៉ានិត បានលើកជាអនុសាសន៍មួយចំនួនជូនរដ្ឋបាលខេត្ត ដើម្បីយកមករៀបចំជាគោលការណ៍អនុវត្តចំពោះមុខ ក្នុងនោះផ្តោតសំខាន់លើវិធានការត្រៀមទទួលពលករខ្មែរដែលបានចូលមកកាន់តែច្រើនឡើង ជាពិសេសក្នុងការអនុវត្តគោលការណ៍ថ្មីដែលតម្រូវឱ្យធ្វើតេស្តរហ័សលើគ្រប់ពលករដែលបានឆ្លងដែនចូលមក និងការធ្វើចត្តាឡីស័កនៅនឹងកន្លែង។
ជាមួយគ្នានេះដែរ លោក ហ៊ុន ម៉ានិត ក៏បានស្នើឱ្យរដ្ឋបាលខេត្ត រៀបចំផែនការសកម្មភាព និងរៀបចំទីតាំងមណ្ឌលចត្តាឡីស័ក ក៏ដូចជាលើកសំណើពាក់ព័ន្ធនឹងតម្រូវការសម្ភារបរិក្ខារបច្ចេកទេសដាក់ជូនគណៈកម្មការ និងអនុគណៈកម្មការថ្នាក់ជាតិដើម្បីជាយន្តការគាំទ្រដល់រដ្ឋបាលខេត្ត។
ថ្មីៗនេះលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ បានធ្វើការណែនាំដល់អភិបាលរាជធានីខេត្តទាំងអស់ត្រូវឱ្យអ្នកដំណើរទាំងអស់ធ្វើចត្តាឡីស័កនៅមណ្ឌលនៅមាត់ច្រកព្រំដែនតែម្តងដោយមិនអនុញ្ញាតឱ្យធ្វើការដឹកជញ្ជូនដើម្បីយកទៅធ្វើចត្តាឡីស័កនៅតាមភូមិឃុំទៀតទេ ខណៈពេលដែលជំងឺបំលែងខ្លួនថ្មីប្រភេទ Delta កំពុងមានការឆ្លងរាលដាលនៅប្រទេសកម្ពុជានោះ។
លោករដ្ឋន្ត្រីបានបន្តទៀតថា ទន្ទឹមគ្នានេះអាជ្ញាធរមានសមត្ថកិច្ចទាំងអស់ត្រូវបង្កើនការយកចិត្តទុកដាក់បន្ថែមទៀតក្នុងការពង្រឹងវិធានការចត្តាឡីស័កនៅតាមមណ្ឌលឱ្យបានម៉ឹងម៉ាត់ស្របតាមគោលការណ៍ណែនាំផ្នែកសុខាភិបាល និងបង្កើនការពិនិត្យការគ្រប់គ្រងច្រកជាពិសេសច្រករបៀងចៀសវាងការហូរចូលព្រំដែនចូលមកក្នុងប្រទេសកម្ពុជាដោយខុសច្បាប់ដែលបង្កហានិភ័យក្នុងការចម្លងមេរោគបំលែងខ្លួនថ្មីចូលក្នុងសហគមន៍។
លើសពីនេះទៀត លោករដ្ឋមន្ត្រីបានណែនាំត្រូវចាត់វិធានការពង្រឹងការគ្រប់គ្រងប្រជាពលរដ្ឋធ្វើចំណាកស្រុកដែលវិលត្រឡប់មកភូមិឃុំវិញនឹងត្រូវអនុវត្តវិធានការចត្តាលឡីស័កនៅមណ្ឌលចត្តាឡីស័កឱ្យបានម៉ឹងម៉ាត់ក្នុងករណីដែលរកឃើញថាប្រជាពលរដ្ឋទាំងនោះពុំបានឆ្លងការធ្វើចត្តាឡីស័កនៅតាមព្រំដែន៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង