ព័ត៌មានជាតិ
វ៉ាក់សាំងស៊ីណូវ៉ាក់ ១លានដូសទៀត នឹងដឹកមកដល់កម្ពុជានៅព្រឹកនេះ
ភ្នំពេញ៖ វ៉ាក់សាំងការពារជំងឺកូវីដ១៩ របស់ក្រុមហ៊ុនស៊ីណូវ៉ាក់ ដែលរដ្ឋាភិបាលបានបញ្ជាទិញចំនួន ១លានដូសទៀតពីរដ្ឋាភិបាលចិន នឹងដឹកមកដល់ប្រទេសកម្ពុជានៅវេលាម៉ោងប្រមាណ ១០ព្រឹកថ្ងៃទី២៨ ខែមិថុនា ឆ្នាំ២០២១នេះ ដែលធ្វើឱ្យកម្ពុជាទទួលបានវ៉ាក់សាំងសរុបជាង១១លានដូសហើយ សម្រាប់ចាក់ជួនដល់ពលរដ្ឋមានអាយុចាប់ពី១៨ឆ្នាំឡើងទៅ។
ថ្លែងប្រាប់អ្នកសារព័ត៌មាននៅព្រលានយន្តហោះអន្តរជាតិភ្នំពេញនាព្រឹកថ្ងៃទី ២៦ខែ មិថុនា ក្នុងឱកាសអញ្ចើញទទួលវ៉ាក់សាំងស៊ីណូវ៉ាក់ ១ លានដូស ឯកឧត្តម វង្ស៊ី វិសុទ្ធ រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុបានមានប្រសាសន៍ថា តាមការគ្រោងទុកវ៉ាក់សាំងចំនួន២០ លានដូស នឹងត្រូវបានដឹកមកដល់កម្ពុជាគ្រប់ចំនួននៅត្រឹមខែសីហាខាងមុខនេះ ហើយក្នុងអំឡុងពេលខែតុលាឬខែវិច្ឆិកាអាចចាក់វ៉ាក់សាំងជូនប្រជាពលរដ្ឋបានចំនួន ១០លាននាក់។
មកដល់ពេលនេះ កម្ពុជាទទួលបានវ៉ាក់សាំងចំនួន ១១ ០២៤ ០០០ដូស ក្នុងនោះវ៉ាក់សាំងកូវីលសែលរបស់អាស្ត្រាហ្សេណេកាចំនួន ៣២៤០០០ដូស វ៉ាក់សាំង ស៊ីណូហ្វាមចំនួន៣លាន២សែនដូសក្នុងនោះ២លាន២សែនដូសជាជំនួយរបស់ចិននិង១លានដូសទិញពីចិន។ វ៉ាក់សាំងប្រភេទស៊ីណូវ៉ាក់ចំនួន៧លាន៥សែនដូស ដែលកម្ពុជាបញ្ជាទិញពីចិន រួមទាំង១លានដូសដែលមកដល់ព្រឹកនេះផង។
ចំណែក៩លានដូសទៀត នឹងមកដល់ជាបន្តបន្ទាប់គឺនៅខែកក្កដានឹងមកដល់៥លានដូសនិងខែសីហាមកដល់៤លានដូសទៀត ។
ឯកឧត្តម វង្ស៊ី វិសុទ្ធ បានបញ្ជាក់ថា ក្នុងចំណោម២០លានដូសនោះរាជរដ្ឋាភិបាលបានញ្ជាទិញវ៉ាក់សាំងចំនួន១៧លាន៤សែន៧ម៉ឺន៦ពាន់ដូសពីរដ្ឋាភិបាលចិន ដោយចំណាយថវិកាប្រមាណ ១៧០ លានដុល្លារអាមេរិក។
គួរបញ្ជាក់ថា គិតត្រឹមថ្ងៃទី២៧ខែមិថុនាឆ្នាំ២០២១នេះ កម្ពុជាបានចាក់វ៉ាក់សាំងកូវីដ១៩ដល់ពលរដ្ឋបានចំនួន៣៩៥៥០៣៣នាក់ស្មើនឹង៣៩.៥៥ភាគរយ នៃប្រជាពលរដ្ឋគោលដៅ១០លាននាក់៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល