ព័ត៌មានជាតិ
ពលរដ្ឋស្នើអគ្គមេបញ្ជាការកងទ័ពជួយរកយុត្តិធម៌ ដោយសំអាងថា មានទាហានជើងទឹក រំលោភយកដី
ប្រជាពលរដ្ឋរស់នៅសង្កាត់បឹងកេងកងទី១ រាជធានីភ្នំពេញ បានស្នើសុំនាយឧត្តមសេនីយ៍ វង្ស ពិសេន អគ្គមេបញ្ជាការកងទ័ព ជួយរកយុត្តិធម៌ ដោយសំអាងថា ត្រូវបានលោកវរនាវីឯក អឿ សារឿន នាយទាហាននៅមូលដ្ឋានរាម ខេត្តព្រះសីហនុ បានរំលោភកាន់កាប់ដីរបស់គាត់ចំនួនជាង៤ហិតតា មានទីតាំងស្ថិតនៅ ភូមិអុង ឃុំរាម ស្រុកព្រៃនប់ ខេត្តព្រះសីហនុ ដែលបានទិញ និងទទួលស្គាល់ដោយអាជ្ញាធរត្រឹមត្រូវ ប៉ុន្តែលោកវរនាវីឯក អឿ សារឿន បានអះអាងថា លោកមិនបានយកដីពលរដ្ឋទេ។
តាមពាក្យបណ្តឹងរបស់ឈ្មោះ ហេង សុភារី ដែលបានដាក់ជូននាយឧត្តម សេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ ចុះថ្ងៃទី២២ ខែមិថុនា ឆ្នាំ២០២១ បានលើកឡើងថា ដីរបស់លោកស្រី បានទិញពីឈ្មោះ ឈឹម សារិន, ជិន គឹមហៃ, កែវ សម្បត្តិ, ស្វាយ ឡា, ដុំ ផូ, សៅ សុខុម, នីន សុកគឿន និងដួង សុខា កាលពីថ្ងៃទី២៥ ខែមេសា ឆ្នាំ២០០៨ ដែលមានជាង៤ហិតតា ហើយបានផ្ទេរសិទ្ធិកាន់កាប់ ដោយមានការទទួលស្គាល់ ត្រឹមត្រូវពីអាជ្ញាធរមូលដ្ឋាន នៅថ្ងៃទី៣០ ខែមេសា ឆ្នាំ២០០៨ រហូតមក។ ទើបតែក្នុងអំឡុង ឆ្នាំ២០១៩ លោកវរនាវីឯក អឿ សារឿន បានចាប់ផ្ដើមរំលោភយកបន្តិចម្ដងៗរហូតឈានដល់បានធ្វើការដកចេញនូវបង្គោលរបង រួចធ្វើរបងថ្មថ្មីព័ទ្ធយកដីរបស់គាត់ និងកាន់កាប់ដោយខុសច្បាប់។
ពាក្យបណ្ដឹងដដែល រៀបរាប់ទៀតថា “ការកាន់កាប់ដីរបស់នាងខ្ញុំ ដោយរំលោភបំពានបែបនេះ ធ្វើឱ្យរូបនាងខ្ញុំមិនអាច ទទួលយកបានឡើយ និងមិនមានភាពយុត្តធម៌ទាល់តែសោះចំពោះរូបខ្ញុំ ដោយបុគ្គល អឿ សារឿន គាត់តែងតែប្រើពាក្យពេចន៍មិនសមរម្យ ប្រមាថមាក់ងាយ គំរាមកំហែងថា នឹងចាប់រូបនាងខ្ញុំដាក់គុកទៀតផង។ ពាក់ព័ន្ធនឹងករណីខាងលើនេះ នាងខ្ញុំសូមស្នើដល់ ឯកឧត្តម នាយឧត្តមសេនីយ៍ អគ្គមេបញ្ជាការ មេត្តាជួយស្វែង រកដំណោះស្រាយ និងផ្តល់ភាពយុត្តិធម៌ដល់នាងខ្ញុំ ដោយសេចក្ដីអនុគ្រោះ”។
ទាក់ទងបញ្ហា ចោទប្រកាន់ខាងលើ អ្នកយកព័ត៌មានយើងមិនមិនទាន់អាចស្វែងរកការបញ្ជាក់ពីលោកវរនាវីឯក អឿ សារឿន បាននៅឡើយទេ ដោយសារគ្មានប្រភពអាចទំនាក់ទំនងបាន ប៉ុន្តែបើយោងតាមការផ្សាយរបស់ Pheng Vannak News នាពេលកន្លងមក លោកវរនាវីឯក អឿ សារឿន បានលើកឡើងថា លោកមិនបានយកដីពលរដ្ឋទេ តែដីនោះ គឺខាងបរិស្ថាន បានប្រគល់មកឱ្យអង្គភាពកងទ័ព៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង