ព័ត៌មានជាតិ
អាជ្ញាធរខេត្តក្រចេះ បិទភោជនីយដ្ឋានមួយកន្លែង ក្រោយរកឃើញបុគ្គលិក២៨នាក់ឆ្លងនូវកូវីដ-១៩
លោក វ៉ា ថន អភិបាលខេត្តក្រចេះបានចុះត្រួតពិនិត្យ និងបិទទីតាំងភោជនីយដ្ឋានដាយមិនរីវើផាប់ជាបណ្ដោះអាសន្ន ក្រោយរកឃើញថា មានបុគ្គលិកប្រុស ស្រីនៅទីនោះបានឆ្លងនូវកូវីដ-១៩។
លោកអភិបាលខេត្តបានឱ្យដឹងថា ភោជនីយដ្ឋាននេះ ឋិតនៅកណ្ដាលក្រុងក្រចេះ ក្បែរនឹងមន្ទីរពេទ្យបង្អែកខេត្ត ក្រោយពីក្រុមគ្រូពេទ្យ បានយកសំណាកហើយធ្វើតេស្តរហ័សទៅលើបុគ្គលិក ធ្វើការនៅក្នុងភោជនីយដ្ឋានមួយនេះ ជាលទ្ធផលរកឃើញអ្នកផ្ទុកនូវជំងឺកូវីដ-១៩ ចំនួន២៨ ស្រី២០នាក់ក្នុងចំណោមបុគ្គលិកសរុប ដែលពាក់ព័ន្ធបានធ្វើតេស្ក ចំនួន៣៥នាក់ក្រោយពីរកឃើញថា មានអ្នកមកហូបចុក នៅទីនេះ ហើយមានមានផ្ទុកនូវវីរុសកូវីដ-១៩ ហើយបានចម្លងទៅដល់បុគ្គលិកដែលធ្វើការនៅក្នុងរមណីយដ្ឋានមួយនេះ។
លោកអភិបាលខេត្តក្រចេះ បានធ្វើណែនាំដល់ម្ចាស់ហាង និងបុគ្គលិក ដទៃទៀតដែលបានធ្វើតេស្តរហ័សរកវិរុសកូវីដ-១៩ ហើយតែអវិជ្ជមាន គឺត្រូវធ្វើចត្តាឡីស័ក១៤ថ្ងៃនៅទីនេះតែម្តង ដោយមិនត្រូវអនុញ្ញាតឲ្យចេញទៅខាងក្រៅជាដាច់ខាត ដើម្បីរក្សាសុវត្ថិភាព។
លោកអភិបាលខេត្ត បានបញ្ជាក់ថា «ជាគោលការណ៍បន្ត យើងស្រាវជ្រាវស្វែងរកតាមដានអ្នកដែលពាក់ព័ន្ធដោយផ្ទាល់និងប្រយោលជាមួយអ្នកផ្ទុកជំងឺកូវីដ-១៩ ដែលបានមកហូបចុក នៅក្នុងរមណីយដ្ឋានដាយមិនរីវើផាប់ខាងលើនេះកាលពីអំឡុងល្ងាចថ្ងៃទី២៥ ខែមិថុនា ឆ្នាំ២០២១។ ជាមួយគ្នានោះដែរ អាជ្ញាធរមានសមត្ថកិច្ចយើងបានធ្វើការបិទផ្លូវជួរមាត់ទន្លេ នៅជុំវិញបរិវេណភោជនីយដ្ឋានខាងលើនេះ និងបានណែនាំដល់ម្ចាស់តូប ហាង លក់អាហារហូបចុកមួយចំនួនទៀត នៅក្បែរទីតាំង រមណីដ្ឋានដែលផ្ទុះជំងឺនេះ ត្រូវមានស្មារតីប្រុងប្រយ័ត្នឲ្យបានខ្ពស់ជានិច្ច»។
គួរបញ្ជាក់ថា គិតមកដល់ថ្ងៃទី២៦ ខែមិថុនា ឆ្នាំ២០២១ខេត្តក្រចេះ រកឃើញអ្នកផ្ទុកនូវវីរុសកូវីដ-១៩ ចំនួន៥៥ករណី ជាសះស្បើយចំនួន១៥នាក់ ស្លាប់១នាក់ បច្ចុប្បន្ននៅសល់ ចំនួន៣៩នាក់ កំពុងសម្រាកព្យាបាលនៅក្នុង មន្ទីរពេទ្យបង្អែកខេត្តក្រចេះ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង