ព័ត៌មានជាតិ
ប្រភពមួយទម្លាយ ការផ្ទុះឆ្លងកូវីដនៅផ្សារបឹងកេងកង
បើតាមប្រភពមួយបានឲ្យដឹងថា មូលហេតុនៃការឆ្លងរីករាលដាលជំងឺកូវីដ-១៩ នៅក្នុងផ្សារបឹងកេងកងនេះ មុនដំបូងគឺមានបងប្អូនអាជីវករ ក្នុងផ្សារខាងលើបានមានទំនាក់ទំនងជាមួយនឹងមន្ត្រីរាជការ ធ្វើការនៅក្នុងក្រសួងមួយ ទើបឆ្លងចូលមកក្នុងផ្សារបឹងកេងកងចំនួន៦តូប និងបង្កឱ្យមានការផ្ទុះឆ្លងរីករាលដាលរហូតដល់ប្រមាណ១០០ នាក់នៅរសៀលថ្ងៃទី ២៨មិថុនានេះ។
នៅព្រឹកមិញនេះ ខណៈដែលអាជីវករជាច្រើនកំពុងបើកតូបលក់ដូរក្នងផ្សារជាធម្មតា អាជ្ញាធរបានចុះបិទផ្សារភ្លាមៗ និងបរិវេណជុំវិញ ក្រោយមានសេចក្តីរាយការណ៍ការផ្ទុះឆ្លងលើអាជីវករជាច្រើននាក់ ហើយក្រុមការងារនៃគណៈកម្មការផ្សារបានសហការជាមួយក្រុមគ្រូពេទ្យ ដើម្បីធ្វើការត្រួតពិនិត្យយកសំណាកបងប្អូនអាជីវករ និងប្រជាពលរដ្ឋនៅជុំវិញផ្សារបឹងកេងកង។
លោក ឯក និមល ប្រធានគណៈកម្មការផ្សារបឹងកេងកងបានឲ្យដឹងនៅរសៀលថ្ងៃទី២៨ មិថុនានេះ ក្រុមការងារនៃគណៈកម្មការផ្សារពេលនេះ កំពុងសហការជាមួយគ្រូពេទ្យ ដើម្បីធ្វើការត្រួតពិនិត្យយកសំណាកបងប្អូនអាជីវករផ្សារបឹងកេងកង និងប្រជាពលរដ្ឋនៅជុំវិញផ្សារទាំងអស់ដើម្បីស្វែងរកជម្ងឺកូវីដ-១៩ ។ ជាលទ្ធផលមកដល់រសៀលថ្ងៃទី២៨ មិថុនានេះគឺមានបងប្អូនអាជីវករប្រមាណ១០០នាក់ហើយ ដែលក្រុមគ្រូពេទ្យបញ្ជាក់ថា មានវិជ្ជមានកូវីដ-១៩ ។
ទោះបីជាយ៉ាងណាក្តីលោកបញ្ជាក់ថា ក្នុងចំនួននេះគឺមិនប្រាកដថា ជាអាជីវករនៅក្នុងផ្សារបឹងកេងកងទាំងអស់នោះទេ ដោយសារតែបងប្អូនប្រជាពលរដ្ឋមួយចំនួន ពេលគាត់ទទួលដំណឹងថា មានការពិនិត្យយកសំណាក់ក៏មកធ្វើតេស្តជាមួយនឹងក្រុមការងារដែរ។
បើតាមមន្ត្រីរដ្ឋបាលរាជធានីភ្នំពេញបញ្ជាក់ឲ្យដឹងនៅរសៀលនេះថា រដ្ឋបាលរាជធានីភ្នំពេញគ្រោងបិទផ្សារបឹងកេងកង ចាប់ពីថ្ងៃនេះតទៅ ហើយលិខិតជូនដំណឹងស្ដីពីការបិទខ្ទប់ផ្សារបឹងកេងកងនេះ នឹងចេញនៅពេលល្ងាចនេះ ឬក៏នៅវេលាយប់នេះតែម្តង។
រដ្ឋបាលខណ្ឌបឹងកេងកង បានជូនដំណឹងឲ្យប្រជាពលរដ្ឋដែលធ្លាប់ចេញ-ចូលផ្សារបឹងកេងកង ចាប់ពីថ្ងៃទី២១ ខែមិថុនា ដល់ថ្ងៃទី២៦ ខែមិថុនា ឆ្នាំ២០២១ ត្រូវទៅយកសំណាកជាបន្ទាន់ដើម្បីរកជំងឺកូវីដ-១៩។
រដ្ឋបាលខណ្ឌបឹងកេងកងបានបញ្ជាក់ថា ប៉ុន្មានថ្ងៃចុងក្រោយនេះ មានអាជីវករផ្សារបឹងកេងកង បានឆ្លងជំងឺកូវីដ-១៩ ដែលស្ថានភាពនេះ បានឆ្លងរីករាលដាលយ៉ាងឆាប់រហ័សគួរឲ្យព្រួយបារម្ភ និងចាំបាច់ត្រូវមានវិធានការសុខាភិបាល ដើម្បីទប់ស្កាត់ជាបន្ទាន់។ ក្នុងសេចក្ដីជូនដំណឹងដដែលនេះ បានបន្ថែមទៀតថា អ្នកដែលធ្លាប់ចេញចូលផ្សារចាប់ពីថ្ងៃទី២១ ដល់ថ្ងៃទី២៦ ខែមិថុនា ឆ្នាំ២០២១ សូមទៅយកសំណាករកឃើញជំងឺកូវីដ-១៩ នៅបរិវេណវិទ្យាល័យ ជា ស៉ីម បឹងកេងកង នៅថ្ងៃទី២៨ ខែមិថុនា ឆ្នាំ២០២១ជាបន្ទាន់ ព្រមទាំងអនុវត្តវិធានស្របតាមការណែនាំរបស់ក្រសួងសុខាភិបាលឲ្យបានត្រឹមត្រូវបំផុត។
គួរបញ្ជាក់បន្ថែមថា បរិវេណផ្សារបឹងកេងកងត្រូវបានបិទខ្ទប់ តាំងព្រឹកថ្ងៃទី២៨ ខែមិថុនា ឆ្នាំ២០២១ មកម៉្លេះ ក្រោយរកឃើញអាជីវករ ឆ្លងកូវីដ១៩ភ្លាមៗ ប៉ុន្តែការបិទខ្ទប់ជាលាយលក្ខអក្សរ រដ្ឋបាលរាជធានីនឹងចេញនៅពេលល្ងាចនេះ ឬក៏នៅវេលាយប់នេះតែម្តង៕
អត្ថបទ៖ ស្រីរ័ត្ន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល