ព័ត៌មានជាតិ
អ្នកដាំទុរេនខេត្តកំពត សប្បាយប្រមូលផល ខណៈហាងឆេងផ្លែទុរេនមានតម្លៃខ្ពស់គួរសម
ខេត្តកំពត៖ ជាទូទៅពលរដ្ឋក្នុងខេត្តកំពតមួយចំនួននៅតែនិយមចូលចិត្តប្រកបការងារដាំទុរេន ព្រោះតែដាំណាំមួយប្រភេទនេះទទួលភោគផលបានគួរសម ឯតម្លៃក៏មានហាងឆេងខ្ពស់មិនធម្មតា។
យ៉ាងណាមិញតាមការលើកឡើងពីមជ្ឈដ្ឋានគ្រប់ស្រទាប់ទូទាំងប្រទេស តែងតែនិយមចូលចិត្តថែមទាំងឱ្យតម្លៃ និងទទួលស្គាល់នូវរសជាតិផ្អែមឆ្ងាញ់ដាច់គេ នៃទុរេនខេត្តកំពត ហើយភាពល្បីល្បាញនេះ ក៏បានធ្វើឱ្យវិសាលភាព នៃទុរេន កំពត (ទិសនិរតី) ក្លាយជាអត្តសញ្ញាណសម្រាប់ខេត្តកំពតផងដែរ។
បើក្រលេកមកមើលចម្ការទុរេនរបស់អ្នកស្រី សន រឹម ស្ថិតក្នុងឃុំម៉ាក់ប្រាង្គ ស្រុកទឹកឈូ ខេត្តកំពត ដែលក្នុងចម្ការនោះ អ្នកស្រីបានដាំទុរេនចំនួនជាង៣០០ដើម បើមើលឃើញហើយពិតជាចង់គយគន់ ព្រោះទុរេនរបស់គាត់លូតលាស់ល្អណាស់។
បានជួបជាមួយអ្នកយកព័ត៌មាននៅថ្ងៃទី២៨ ខែមិថុនា ឆ្នាំ២០២១នេះ អ្នកស្រីបានឱ្យដឹងថា ក្នុងឆ្នាំនេះថ្វីដ្បិតទុរេនមានតម្លៃខ្ពស់គ្រាន់បើ ប៉ុន្តែទិន្នផលដែលទទួលបានភោគផល គឺចាញ់ឆ្នាំមុនបន្តិចបន្តួច តែគ្មានបញ្ហាស្មុគស្មាញឡើយ ព្រោះគាត់លក់បានប្រាក់យកទៅទូទាត់តម្លៃការងាររបស់កម្មករ គឺនៅតែចំណេញលុយរាប់ម៉ឺនដុល្លារ។
ម្ចាស់ចម្ការទុរេន វ័យ៤៧ឆ្នាំរូបនេះ បានបញ្ជាក់ផងដែរថា តម្លៃហាងឆេងទុរេនឆ្នាំនេះ គាត់លក់ចេញទៅឱ្យឈ្មួញកណ្តាលក្នុង១គីឡូក្រាម តម្លៃ ២១,០០០រៀល ហើយឆ្នាំនេះក្នុងទុរេនជាង៣០០ដើម គាត់ប្រមូលផលលក់ចេញទទួលបានប្រាក់ចំណេញប្រមាណជាង២ម៉ឺនដុល្លារ។ ដោយឡែកក្រៅពីប្រមូលផលទុរេន អ្នកស្រីក៏ដាំដើមសាវម៉ាវខ្មែរ សម្រាប់លក់យកកម្រៃបន្ទាប់បន្សំផងដែរ។
ចំពោះបងប្អូនអាជីវករដែលទិញទុរេនយកទៅលក់បន្ត អ្នកស្រីនិយាយថា លក់យកចំណេញខ្លះៗដោយក្នុង១គីឡូក្រាម តម្លៃ ២៧,០០០រៀល ឬ ២៨,០០០រៀល ទៅតាមតំបន់ ជួនកាលកន្លែងខ្លះអាចលក់ក្នុងតម្លៃថោកជាងនេះក៏មានដែរ៕
អត្ថបទ៖ សេង ណារិទ្ធ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល