ព័ត៌មានជាតិ
ផ្ទះឈើតូចៗ៦ខ្នង ត្រូវជនបែកថ្នាំ ដុតកើតជាអណ្តាតភ្លើងឆាបឆេះបំផ្លាញអស់ហ្មត់គ្មានសល់
ភ្នំពេញ ៖ ផ្ទះឈើតូចៗដែលសង់ឡើងពីឈើប្រក់ស័ង្កសី ចំនួន៦ខ្នង ត្រូវអគ្គីភ័យឆាបឆេះបំផ្លាញអស់ហ្មត់គ្មានសល់ បង្កឲ្យមានការភ្ញាក់ផ្អើលជាខ្លាំង កាលពីវេលាម៉ោង១៧ និង១៥នាទីល្ងាចថ្ងៃទី៣០ ខែមិថុនា ឆ្នាំ២០២១ នៅចំណុចសំណង់មិនរៀបរយ តំបន់អាងស្តុកទឹកបឹងត្របែក ស្ថិតក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ផ្ទះទាំង៥ខ្នងខាងលើ ជាទីជម្រករបស់បងប្អូនអ្នកប្រកបរបរជាអ្នកលក់លៀសហាល។ ហើយអ្នកដទៃទៀត ដែលរស់នៅតំបន់នោះ ក៏ជាអ្នកលក់លៀសហាលដូចគ្នាដែរ ។
តាមប្រភពព័ត៌មានឲ្យដឹងថា មានជនបែកថ្នាំម្នាក់ ដែលរូបគេតែងឧស្សាហ៍អុកឡុក និងឈ្លោះប្រកែកគ្នាជាខ្លាំងជាមួយអ្នករស់នៅតំបន់នោះ។ នៅមុនកើតហេតុ ជនរូបនោះ បានឈ្លោះប្រកែកពាក្យសម្តីជាមួយបុរសម្នាក់ រហូតទាយកាំបិតដេញកាប់គ្នាទៀតផង។ លុះមិនបានប៉ុន្មាន ជនរូបនោះ បានយកដែកកេសដុតផ្ទះអ្នកនៅតំបន់នោះ បង្កឲ្យមានជាអណ្តាតភ្លើងឆាបឆេះឡើង និងរាលដាលតៗគ្នាខ្លាំងឡើងតែម្តងទៅ។ បន្ទាប់ពីដុតផ្ទះរបស់អ្នកតំបន់នោះ អោយឆាបឆេះហើយនោះ ជនបង្កបានរត់គេចចូលទៅក្នុងព្រៃបឹងបាត់ស្រមោល។
ភ្លាមៗ បន្ទាប់ពីកើតហេតុ កម្លាំងអាជ្ញាធរមូលដ្ឋាន រួមជាមួយសមត្ថកិច្ចជំនាញ និងក្រុមរថយន្តពន្លត់អគ្គីភ័យជាច្រើនគ្រឿងបានចុះអន្តរាគមន៍ ដល់ទីតាំងខាងលើ ដើម្បីបាញ់ទឹកទប់ស្កាត់ការឆាបឆេះរាលដាល។ ក្រោយការខិតខំអន្តរាគមន៍ប្រមាណកន្លះម៉ោងរួចមក អណ្តាតភ្លើងបានរលត់សូន្យសុងទៅវិញ ដោយបានបំផ្លាញ ផ្ទះអស់៦ខ្នង។
ក្នុងហេតុការណ៍នេះ ពុំមានបណ្តាលឲ្យមនុស្សណាម្នាក់រងរបួសឡើយ ដោយក្នុងនោះ សមត្ថកិច្ចជំនាញ ប្រើប្រាស់រថយន្តពន្លត់អគ្គីភ័យអស់ ៣គ្រឿង ក្នុងការគ្រប់គ្រងស្ថានការណ៍ឲ្យបានមួយរយភាគរយ។ ដោយឡែក ចំពោះជនបង្ក សមត្ថកិច្ចកំពុងធ្វើការស្រាវជ្រាវក្នុងការតាមចាប់ខ្លួនយកមកផ្តន្ទាទោសទៅតាមផ្លូវច្បាប់៕
ដោយ ៖ សុខា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?