អ្នកឆ្លងវីរុសកូវីដបំប្លែងខ្លួនថ្មីនឹងត្រូវព្យាបាលដាច់ដោយឡែក ហើយធ្វើចត្តាឡីស័ក ២១ថ្ងៃ

«ចាប់ពីថ្ងៃនេះទៅអ្នកឆ្លងវីរុសកូវីដ-១៩ បំប្លែងខ្លួនថ្មី ឬ Delta នឹងត្រូវដាក់ឱ្យព្យាបាលដាច់ដោយឡែកខុសពីអ្នកឆ្លងវីរុសកូវីដធម្មតា និងធ្វើចត្តាឡីស័កចំនួន ២១ថ្ងៃ»។ នេះជាការលើកឡើង របស់សម្តេចអគ្គមហាសេនាបតីតេជោ ហ៊ុន សែន ក្នុងការដឹកនាំកិច្ចប្រជុំ និងថ្លែងសារពិសេស ដោះស្រាយបញ្ហាជំងឺកូវីដ-១៩ ដែលកំពុងរីករាលដាលនៅក្នុងប្រទេសកម្ពុជា តាមប្រព័ន្ធវីដេអូ ថ្ងៃទី១ ខែកក្កដា ឆ្នាំ២០២១។

ការបញ្ជាក់របស់ប្រមុខរាជរដ្ឋាភិបាលលើចំណុចនេះ ជាការចង្អុលបង្ហាញនូវវិធានការមួយ ក្នុងចំណោមវិធានការទាំង​៥ នៃយុទ្ធសាស្ត្រទី១ ដែលសម្ដេចតេជោបានដឹកនាំកិច្ចប្រជុំ ជាមួយក្រុមការងារទប់ស្កាត់ការីករាលដាលជំងឺកូវីដ១៩ នៅភូមិគ្រឹះសម្ដេច ពីក្រុងតាខ្មៅ ខេត្តកណ្ដាល។