ពីរថ្ងៃជាប់គ្នា ខេត្តតាកែវមានអ្នកស្លាប់ដោយជំងឺកូវីដ៣នាក់
Connect with us
Helistar Cambodia - Helicopter Charter Services

ព័ត៌មានជាតិ

ពីរថ្ងៃជាប់គ្នា ខេត្តតាកែវមានអ្នកស្លាប់ដោយជំងឺកូវីដ៣នាក់

បានផុស

នៅ

រដ្ឋបាលខេត្តតាកែវនៅថ្ងៃទី២ ខែកក្ដដា ឆ្នាំ២០២១ បានប្រកាសករណីស្លាប់លើបុរស​ស្ត្រីជនជាតិខ្មែរ​៣​នាក់​​​ដោយសារជំងឺកូវីដ-១៩ ក្នុងរយៈពេលពីរថ្ងៃជាប់គ្នា​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តបញ្ជាក់ថា យោងតាមរបាយការណ៍របស់មន្ទីរសុខាភិបាលខេត្ត មានករណីស្លាប់ជនជាតិខ្មែរ៣​នាក់ គឺទី១ ឈ្មោះ អាន អែម ភេទប្រុស អាយុ៧០ឆ្នាំ មានអាសយដ្ឋាន ភូមិត្រពាំងស្នោ ឃុំអង្គកែវ​ ស្រុក​ទ្រាំង ។ ជនរងគ្រោះបានមកសម្រាកព្យាបាលនៅមន្ទីរពេទ្យបង្អែកគិរីវង់ កាលពីថ្ងៃទី១ ខែកក្ដដា ឆ្នាំ​២០២១ វេលាម៉ោង១១និង០០នាទីព្រឹក ក្នុងស្ថានភាពក្ដៅខ្លួន ក្អក ហត់ ចុកទ្រូង ។ ដោយស្ថានភាពជំងឺ​មានការវិវត្តន៍កាន់​តែធ្ងន់ធ្ងរឡើង អ្នកជំងឺបានស្លាប់នៅវេលាម៉ោង២១និង១០នាទី ថ្ងៃទី១ ខែកក្ដដា ។

ជនរងគ្រោះទី២ មានឈ្មោះ ម៉ូវ សន ភេទស្រី អាយុ៦៥ឆ្នាំ នៅភូមិព្រៃតាម៉ៅ ឃុំគិរីចុងកោះ ស្រុកគិរីវង់ ។ជនរងគ្រោះបានមកសម្រាកព្យាបាលជំងឺនៅមន្ទីរពេទ្យបង្អែកគិរីវង់ កាលពីថ្ងៃទី៣០ ខែមិថុនា វេលាម៉ោង​១២និង៣០នាទីថ្ងៃត្រង់ ក្នុងស្ថានភាពក្ដៅខ្លួន ក្អក ហត់ ដង្ហក់ ចុកទ្រូង។ ដោយស្ថានភាពធ្ងន់ធ្ងរ​អ្នកជំងឺ​បាន​ស្លាប់នៅវេលាម៉ោង៩និង១០នាទីព្រឹក ថ្ងៃទី២ ខែកក្ដដា។

ជនរងគ្រោះទី៣មានឈ្មោះ ព្រំ ផាត ភេទស្រី អាយុ៦២ឆ្នាំ រស់នៅភូមិឈូក ឃុំរវៀង ស្រុកសំរោង។ ជនរងគ្រោះបានមកសម្រាកព្យាបាលនៅមន្ទីរពេទ្យបង្អែកបាទី កាលពីថ្ងៃទី១ ខែកក្ដដា វេលាម៉ោង​១២និង​៣០នាទីរសៀល ក្នុងស្ថានភាពក្អក ក្ដៅខ្លួន ដង្ហក់ ចុកទ្រូង។ ដោយស្ថានភាពជំងឺធ្ងន់ធ្ងរ អ្នកជំងឺបានស្លាប់​នៅ​វេលាម៉ោង៥និង៣០នាទីព្រឹក ថ្ងៃទី២ ខែកក្ដដា។

តាមការសន្និដ្ឋានរបស់ក្រុមគ្រូពេទ្យ ជនរងគ្រោះទាំង៣នាក់ បានស្លាប់បាត់បង់ជីវិតដោយ​សារជំងឺរលាក​សួត​ធ្ងន់ធ្ងរ និងមានវិជ្ជមានកូវីដ-១៩៕

អត្ថបទ ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥០ វិនាទី មុន

គ្រួសារអតីតយុទ្ធពលី មានដីពុំមានផ្ទះ បានទទួលខ្នងផ្ទះថ្មីទី១៩៩ អំណោយរបស់សម្ដេចតេជោ ហ៊ុន សែន

ព័ត៌មានជាតិ៤ នាទី មុន

រដ្ឋបាលជលផល ផាត់សណ្តាយ បង្ក្រាបបទល្មើសនេសាទក្នុងផ្ទៃបឹងទន្លេសាបខុសច្បាប់

ព័ត៌មានអន្ដរជាតិ២១ នាទី មុន

ម៉ាឡេស៊ី រកឃើញថា វ៉ាក់សាំង Sinovac មានប្រសិទ្ធភាពខ្ពស់ប្រឆាំងការឈឺធ្ងន់

ព័ត៌មានជាតិ២១ នាទី មុន

គម្រោងហិរញ្ញប្បទានឥតសំណងសម្រាប់ការពារទឹកជំនន់ និងការកែលម្អប្រព័ន្ធប្រឡាយ-លូ ភ្នំពេញ ជំហានទី៤ បានបញ្ចប់

ព័ត៌មានជាតិ២១ នាទី មុន

មន្ទីរកសិកម្មខេត្តកំពង់ឆ្នាំងចុះចាក់វ៉ាក់សាំងការពារជំងឺដុំពក​លើស្បែកសត្វគោ ក្របី ចំនួន​៣០០​ក្បាល

Sokha Hotels

ព័ត៌មានពេញនិយម

Helistar Cambodia - Helicopter Charter Services