ព័ត៌មានជាតិ
សម្ដេចតេជោ ហ៊ុន សែន ប្រាប់ឯកអគ្គរដ្ឋទូតវៀត ណាម៣ចំណុច
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៣ ខែកក្កដា ឆ្នាំ២០២១ នេះ បានអនុញ្ញាតឱ្យលោក វូ ក្វាង មិញ (Vu Quang Minh) ឯកអគ្គរដ្ឋទូត នៃសាធារណរដ្ឋសង្គមនិយមវៀតណាម ប្រចាំនៅព្រះរាជាណាចក្រកម្ពុជា ចូលជួបសម្តែងការគួសម និងជម្រាបលា ក្នុងឱកាសដែលលោកឯកអគ្គរដ្ឋទូតបានបញ្ចប់អាណត្តិបេសកកម្មការទូតប្រកបដោយជោគជ័យនៅកម្ពុជា។
លោក អ៊ាង សុផល្លែត ជំនួយការផ្ទាល់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានថ្លែងប្រាប់អ្នកសារព័ត៌មានក្រោយជំនួបពិភាក្សានោះថា នៅក្នុងជំនួបនោះ លោក វូ ក្វាង មិញ (Vu Quang Minh) បានជម្រាបសម្ដេចតេជោថា លោកមានកិត្តិយសណាស់ ដែលបានមកបំពេញបេសកកម្មកាទូតនៅព្រះរាជាណាចក្រកម្ពុជាហើយក្នុងរយៈពេល៣ ឆ្នាំ៧ខែកន្លងមកនេះ លោកមើលឃើញថា ទំនាក់ទំនងរវាងប្រទេសទាំងពីរ (កម្ពុជា និងវៀតណាម) មានការរីកចម្រើន និងរឹងមាំ ហើយវិស័យវិនិយោគ និងពាណិជ្ជកម្ម ក៏មានការរីកចម្រើន កើនឡើងផងដែរ។
បើតាមលោក Vu Quang Minh នេះគឺជាជោគជ័យរបស់អ្នកការទូត ហើយលោកបានយកឱកាសនោះ ថ្លែងអំណរគុណចំពោះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក៏ដូចជាថ្នាក់ដឹកនាំគ្រប់ជាន់ថ្នាក់របស់កម្ពុជា ដែលបានចូលរួមចំណែកសហការ ធ្វើឲ្យបេសកម្មការទូតរបស់លោកទទួលបានជោគជ័យ។
ជាការឆ្លើយតបសម្ដេចតេជោ ហ៊ុន សែន បានយល់ស្របចំពោះអ្វី ដែលបានលើកឡើងដោយលោកឯកអគ្គរដ្ឋទូតវៀតណាម ហើយសម្តេចបានថ្លែងអំណរគុណចំពោះលោកឯកអគ្គរដ្ឋទូតដែលបានខិតខំប្រឹងប្រែងអស់កម្លាំងកាយចិត្ត ដើម្បីបំពេញបេសកម្មកាទូតនៅប្រទេសកម្ពុជាធ្វើឱ្យទំនាក់ទំនងប្រទេសទាំងពីរមានការរីកចម្រើន និងរឹងមាំ។
ជាមួយគ្នានោះសម្ដេចតេជោ ហ៊ុន សែន ក៏បានជម្រាបជូនលោក វូ ក្វាង មិញ (Vu Quang Minh) ដែរថា ក្នុងកាលៈទេសៈនេះ អ្វីដែលគប្បីត្រូវធ្វើគឺ ទី១, នាំគ្នាគ្រប់គ្រង ប្រយុទ្ធប្រឆាំងជំងឺកូវីដ១៩ តាមរយៈវិធានសុខាភិបាល តែធ្វើយ៉ាងណាកុំរារាំងពាណិជ្ជកម្មធម្មតា ទី២, បន្តកិច្ចសហប្រតិបត្តិការ សេដ្ឋកិច្ច ពាណិជ្ជកម្ម និងវិនិយោគ និងទី៣, ពិនិត្យមើលវិស័យដទៃទៀត ដែលប្រទេសទាំងពីរអាចជំរុញ និងធ្វើការរួមគ្នាបាន៕
អត្ថបទ ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ