ព័ត៌មានជាតិ
ប្រទេសកម្ពុជា មានអ្នកស្លាប់ដោយសារជំងឺកូវីដ កើនឡើងជិត ៧០០ នាក់ហើយ
រហូតមកដល់ ថ្ងៃទី ០៣ ខែកក្កដា ឆ្នាំ ២០២១ នេះ កម្ពុជា មានអ្នកស្លាប់ដោយសារជំងឺកូវីដ-១៩ នៅព្រឹត្តិការណ៍សហគមន៍ ២០ កុម្ភៈ បានកើនឡើងដល់ជិត ៧០០ នាក់ហើយ ក្នុងចំណោមអ្នកជំងឺសរុបជាង ៥ ម៉ឺន ៣ ពាន់នាក់ នៅទូទាំងប្រទេស។
ជាក់ស្ដែងគ្រាន់តែរយៈពេល ៣ ថ្ងៃចុងក្រោយនេះ ចាប់ពីថ្ងៃទី ០១ ដល់ ថ្ងៃទី ០៣ កក្កដានេះ មានអ្នកស្លាប់រហូតដល់ទៅ ៩៤ នាក់ ក្នុងនោះ ថ្ងៃទី ០១ កក្កដា មានស្លាប់ ២៦ នាក់ ថ្ងៃទី ០២ មានស្លាប់៣២ នាក់ និង ថ្ងៃទី ០៣ កក្កដានេះ មានស្លាប់ ៣៦ នាក់។
ប្រទេសកម្ពុជា បានឆ្លងជំងឺកូវីដ-១៩ ជាលើកដំបូង ថ្ងៃទី ២៧ ខែមករា ឆ្នាំ ២០២០ ទៅលើបុរសជនជាតិចិន ១ នាក់ នៅខេត្តព្រះសីហនុ។ ប៉ុន្តែមិនមានអ្នកស្លាប់ ហើយក៏មិនមានឆ្លងជំងឺនេះច្រើនដែរ។
បន្ទាប់មកទៀត កម្ពុជា បានឆ្លងក្នុងសហគមន៍ចំនួន ៣ លើក ក្នុងនោះ ទី ១.ព្រឹត្តិការណ៍សហគមន៍ ៣ វិច្ឆិកា ឆ្នាំ ២០២០ ,ទី ២.ព្រឹត្តិការណ៍សហគមន៍ ២៨ វិច្ឆិកា ឆ្នាំ ២០២០ និង ទី ៣.ព្រឹត្តិការណ៍សហគមន៍ ២០ កុម្ភៈ ទើបមានអ្នកស្លាប់ជាបន្តបន្ទាប់ ហើយដែលរហូតមកដល់ពេលនេះនៅមិនទាន់បានបិទបញ្ចប់នៅឡើយទេ។
យោងតាម ក្រសួងសុខាភិបាល បានឲ្យដឹងថា ថ្ងៃនេះ ក្រសួង រកឃើញអ្នកឆ្លងថ្មីចំនួន ៩៤៨ នាក់ទៀត ក្នុងនោះករណីឆ្លងសហគមន៍ ៩០៤ នាក់ អ្នកដំណើរមកពីបរទេស ៤៤ នាក់ ជាសះស្បើយ ៦១៥ នាក់ និង ស្លាប់ ៣៦ នាក់។
យ៉ាងណាក៏ដោយ ប្រទេសកម្ពុជា មិនចង់ឃើញជំងឺកូវីដ-១៩ វាយលុកលើសពីបន្ទាត់ក្រហមនោះទេព្រោះវានឹងឆ្លងចូលសហគមន៍ទ្រង់ទ្រាយធំ ប៉ះពាល់សេដ្ឋកិច្ចធ្ងន់ធ្ងរ និង ធ្វើឲ្យមនុស្សស្លាប់កាន់តែច្រើន។
លោកស្រី ឱ វណ្ណឌីន រដ្ឋលេខាធិការ និង អ្នកនាំពាក្យក្រសួងសុខាភិបាល បានលើកឡើងថាបច្ចុប្បន្ននេះ ជំងឺកូវីដ-១៩ នៅ កម្ពុជា ឈានដល់បន្ទាត់ក្រហមហើយ បើកាលណាលើសពីបន្ទាត់ក្រហមនោះ មន្ទីរពេទ្យកន្លែងព្យាបាល លើសពីសមត្ថភាពរបស់យើង ដោយសារអ្នកជំងឺច្រើន អត់មានកន្លែងដាក់ ស្លាប់ក៏ច្រើន បងប្អូនក៏ពិបាករកទទួលទាន ហើយត្រូវបិទតំបន់មួយចំនួនម្តងទៀត។
លោកស្រី បានបញ្ជាក់ថា ដើម្បីទប់យ៉ាងណាកុំឲ្យ វីរុស ឆ្លងតទៅទៀត ប៉ះពាល់ដល់សេដ្ឋកិច្ចគ្រួសារ ប៉ះពាល់សេដ្ឋកិច្ចជាតិ ប៉ះពាល់សុខភាព ពលរដ្ឋ ត្រូវរួមគ្នាខិតខំទប់ស្កាត់ទាំងអស់គ្នា ពិសេសអនុវត្តវិធានការ ៣ ការពារ ដូចជា ពាក់ម៉ាស ឧស្សាហ៍អនាម័យ លាងដៃ និង រក្សាគម្លាតសុវត្ថិភាពសង្គម បុគ្គល និង ៣ កុំ រួមមាន កុំទៅទីកន្លែងដែលមានមនុស្សកកកុញច្រើន កុំទៅកន្លែងដែលបិទជិតមិនមានខ្យល់ចេញចូល និង កុំប៉ះពាល់គ្នា ឬ ចាប់ដៃគ្នាឡើយ។
គួរបញ្ជាក់ថា គិតត្រឹមព្រឹកថ្ងៃទី ០៣ ខែកក្កដា ឆ្នាំ ២០២១ កម្ពុជា មានអ្នកឆ្លងជំងឺកូវីដ-១៩ សរុប ៥៣២៩៨ នាក់ អ្នកជាសះស្បើយ ៤៦១២៣ នាក់ និង អ្នកស្លាប់ ៦៩៦ នាក់៕
អត្ថបទ ៖ សំអឿន
សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ក្រសួងការងារនាំយកប្រាក់ឈ្នួល និងប្រាក់បំណាច់ជូនកម្មកររោងចក្រ Y&W ដែលកំពុងសម្រាលកូនដល់មន្ទីរពេទ្យ
ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ
ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)