ព័ត៌មានជាតិ
រដ្ឋបាលខេត្តស្ទឹងត្រែង នៅតែបន្តផ្សព្វផ្សាយឲ្យពលរដ្ឋការពារខ្លួនពីជំងឺកូវីដ១៩ បើទោះបីទីតាំងមួយចំនួនបានបិទខ្ទប់
រដ្ឋបាលខេត្តស្ទឹងត្រែង បានបន្តផ្សព្វផ្សាយ និងអំពាវនាវឲ្យបងប្អូនប្រជាពលរដ្ឋ បន្តអនុវត្តវិធានសុខាភិបាល ៣ការពារ-៣កុំបន្តទៀត ដើម្បីកាត់បន្ថយការចម្លងមេរោគកូវីដ-១៩ ឲ្យមានប្រសិទ្ធភាព។
ការអនុវត្តប៉ុន្មានថ្ងៃចុងក្រោយនេះ ត្រូវបានគេមើលឃើញថា បានកាត់បន្ថយអត្រាឆ្លង ក្នុងមួយថ្ងៃត្រឹមតែជាង ១០ នាក់តែប៉ុណ្ណោះ។ បើគិតត្រឹមម៉ោង ៥:០០នាទី រសៀលថ្ងៃទី ០៣ ខែកក្កដានេះ ត្រូវបានរដ្ឋបាលខេត្តប្រកាស រកឃើញអ្នកឆ្លងកូវីដ-១៩ ចំនួន១៥នាក់។ ករណី ផ្ទុះជំងឺកូវីដ-១៩ នៅក្នុងខេត្តស្ទឹងត្រែង ត្រូវបានអាជ្ញាធរបិទខ្ទប់ទីតាំងអាជីវកម្មជាច្រើនកន្លែង។ដោយឡែកទីតាំងដែលមិនបានបិទខ្ទប់ អាជីវករលក់ដូរ ក្នុងក្រុងស្ទឹងត្រែងភាគច្រើននៅតាមផ្ទះ ក៏បានបិទទ្វារផ្ទះផ្អាកការលក់ដូរ តែផ្ទះដែលលក់ ពួកគាត់បានចងខ្សែ មិនឲ្យអ្នកទិញចូលទេ បើទិញត្រូវរក្សាគម្លាតសុវត្ថិភាព និងបាញ់អាល់កុល ទាំងយករបស់របរ និងលុយផងដែរ។
ក្នុងរយៈពេលផ្ទុះជំងឺកូវីដ-១៩ ខ្លាំងចាប់ពីថ្ងៃ២៤ ខែមិថុនា រហូតមកដល់ថ្ងៃទី០៤ ខែកក្កដា ឆ្នាំ ២០២១នេះ ត្រូវបានគេពិនិត្យឃើញថា ការធ្វើចរាចរណ៍តាមដងផ្លូវ ក៏ដូចជានៅតាមកន្លែងលក់ដូរ និងតាមហាងលក់ទំនិញក្នុងក្រុងស្ទឹងត្រែង ហាក់បីដូចជាមានសភាពស្ងប់ស្ងាត់ ដោយសារមានការភ័យខ្លាច ពីការរីករាលដាលនៃជំងឺកូវីដ-១៩។
ខេត្តស្ទឹងត្រែងគិតត្រឹមម៉ោង ៥:០០រសៀលថ្ងៃទី០៣ ខែកក្កដា ឆ្នាំ២០២១នេះ មានអ្នកឆ្លងកូវីដ-១៩ សរុប៣០៤នាក់ ស្រី១៤១នាក់ អ្នកជាសះស្បើយ ២១នាក់ ស្រី៩នាក់ ស្លាប់គ្មាន និងអ្នកកំពុងសម្រាកព្យាបាល ២៨៣ នាក់ ស្រី១៣២នាក់៕
អត្ថបទ៖ ងិនលីម
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»