ព័ត៌មានជាតិ
ភោជនីយដ្ឋានតូចធំបិទបន្តបន្ទាប់ ផលត្រីអ្នកនេសាទសល់ពេញបែរ ព្រោះគ្មានទីផ្សារ
(ខេត្តកំពត)៖ មួយខែចុងក្រោយនេះត្រីក្នុងបែ និងស្រះរបស់ពលរដ្ឋនៅខេត្តកំពតនៅសល់ច្រើន ដោយសារគ្មានទីផ្សារ ខណៈភោជនីយដ្ឋានតូចធំបានបិទបណ្តោះអាសន្ន ដោយសារបញ្ហាការរាតត្បាតកូវីដ១៩។
នៅក្នុងដំណើរចុះត្រួតពិនិត្យការចិញ្ចឹមត្រីក្នុងបែតាមដៃព្រែក និងមាត់សមុទ្រ ក្នុងភូមិសាស្ត្រ ឃុំព្រែកត្នោត ស្រុកទឹកឈូ ខេត្តកំពត កាលពីពេលថ្មីៗនេះ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត លោក ចាន់ រិទ្ធិ បានប្រាប់ឱ្យដឹងថា នៅក្នុងអំឡុងពេលដែលប្រទេសកម្ពុជាទទួលរងឥទ្ធិពលជំងឺកូវីដ-១៩ មន្ទីរកសិកម្ម រុក្ខាប្រមាញ់ និងនេសាទ បានបង្កើនការងារចុះជំរុញលើកទឹកចិត្តប្រជាពលរដ្ឋឱ្យអនុវត្តវិធានការអនាម័យ ការការពារខ្លួនកុំឱ្យឆ្លងជំងឺកូវីដ-១៩ ពិសេសបានជំរុញពលរដ្ឋឱ្យបន្តការយកចិត្តទុកដាក់បង្កបង្កើនផល ការងារដាំដុះ បន្លែបង្ការ ដំណាំហូបផ្លែផ្សេងៗ ពិសេសការចិញ្ចឹមសត្វគោ ក្របី ជ្រូក មាន់ទា និងចិញ្ចឹមត្រីជាដើម ដើម្បីបំពេញតម្រូវការទីផ្សារក្នុងស្រុក។
លោកប្រធានមន្ទីរកសិកម្មបានបញ្ជាក់ថា ទិន្នផលកសិកម្ម ស្បៀងអាហារត្រីសាច់ នៅក្នុងខេត្តកំពតមិនមានការធ្លាក់ចុះទេ ប៉ុន្តែទិន្នផលមួយចំនួនគ្មានទីផ្សារ ឬតម្លៃធ្លាក់ចុះ ដូចជាស្រូវ ស្វាយ និងផលនេសាទជាដើម។
នាយខណ្ឌរដ្ឋបាលជលផលខេត្តកំពត លោក ស សុរិន បានប្រាប់កម្ពុជាថ្មីឱ្យដឹងដែរថា នៅក្នុងអំឡុងពេល ប្រយុទ្ធប្រឆាំងនឹងជំងឺកូវីដ-១៩នេះ ប្រជានេសាទនៅតែបន្តការងារនេសាទ ហើយទិន្នផលក៏បានច្រើនដូចសព្វមួយដង។ ចំណែកពលរដ្ឋដែលចិញ្ចឹមត្រីតាមបែរ និងស្រះ ក៏ទទួលបានទិន្នផលល្អដែរ ប៉ុន្តែអ្វីជាបញ្ហាគឺតម្លៃ និងទីផ្សារលក់ផលនេសាទ។
លោកបន្តថា ភោជនីយដ្ឋានធំៗមួយចំនួននៅខេត្តកំពត បានផ្អាកដំណើរការបណ្តោះអាសន្ន ដោយសារកូវីដ១៩។ យ៉ាងណាមន្រ្តីគ្រប់ផ្នែកក៏នៅតែបន្តជំរុញដល់ពលរដ្ឋ និងប្រជានេសាទសូមកុំបោះបង់ការងារចិញ្ចឹមត្រី និងផ្អាករបរនេសាទរបស់ខ្លួនឱ្យសោះ នៅពេលជំងឺកូវីដថយចុះ ទីផ្សារកសិផល ពិសេសត្រីសាច់ នឹងមានទីផ្សារផ្សារល្អឡើងវិញ៕
អត្ថបទ៖ សេង ណារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»