ព័ត៌មានជាតិ

រកឃើញអ្នកឆ្លងវិជ្ជមានកូវីដ-១៩ចំនួន ១៧នាក់ និងជាសះស្បើយចំនួន ២នាក់ នៅខេត្តស្ទឹងត្រែង

បានផុស

៣ years មុន

នៅ

ថ្ងៃចន្ទ ៥ កក្កដា ២០២១

ដោយ

រដ្ឋបាលខេត្តស្ទឹងត្រែង បានប្រកាសត្រឹមម៉ោង ៥:០០នាទីរសៀល ថ្ងៃទី០៤ ខែកក្កដា ឆ្នាំ ២០២១នេះ បានរកឃើញអ្នកឆ្លងមេរោគកូវីដ-១៩ ចំនួន ១៧នាក់ និងមានអ្នកជាសះស្បើយចំនួន ២ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីប្រកាសបានបញ្ជាក់ថា អ្នកវិជ្ជមានកូវីដ-១៩ ទាំង១៧នាក់ ត្រូវបានយកសំណាកវិភាគនៅទីតាំងចំនួន២កន្លែង ទី១-មណ្ឌលចត្តាឡីស័កក្រុង រកឃើញអ្នកវិជ្ជមានកូវីដ-១៩ ចំនួន៩នាក់ ទី២-ភោជនីយដ្ឋានកាឡាក់ស៊ី ភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង រកឃើញចំនួន ៨ នាក់ ជាបុគ្គលិកនារីបម្រើការហាងខារ៉ាអូខេ។

គួររំលឹកផងដែរថា កាលពីថ្ងៃ២៤ ខែមិថុនា ឆ្នាំ២០២១ ភោជនីយដ្ឋាន”កាឡាក់ស៊ី” ត្រូវបានក្រុមគ្រូពេទ្យជំនាញ ចុះមកយកសំណាកវិភាគតេស្តរហ័ស រកឃើញបុគ្គលិកនារីបម្រើការងារក្នុងភោជនីយដ្ឋាននេះ ចំនួន ៣០នាក់។ ចំណែកនារី និងបុរស ប៉ះពាល់ផ្ទាល់និងប្រយោល ដែលធ្វើតេស្តមិនទាន់ឃើញ ត្រូវបានធ្វើចត្តាឡីស័ក រហូតមកដល់ថ្ងៃទី៤ កក្កដានេះ បានរកឃើញនារី៦នាក់និងបុរស២នាក់បន្ថែមទៀត ក្នុងហាង “កាឡាក់ស៊ី” និង ៩នាក់ទៀត បានឆ្លងរីករាលដាលធ្វើតេស្តរកឃើញនៅមណ្ឌលចត្តាឡីស័កក្រុង។

ពាក់ព័ន្ធករណីករណីខាងលើរដ្ឋបាលខេត្ត សូមជម្រាបជូនសាធារណៈជន និងប្រជាពលរដ្ឋទាំងអស់ ឲ្យបានជ្រាបថា អ្នកដែលពាក់ព័ន្ធផ្ទាល់និងប្រយោលត្រូវធ្វើចត្តាឡីស័កយកសំណាកវិភាគតេស្តរហ័សរកមេរោគកូវីដ-១៩ ដើម្បីទប់ស្កាត់ការរីករាលដាលបន្តទៀត។ ខេត្តស្ទឹងត្រែងគិតត្រឹមម៉ោង ៥:០០ រសៀលថ្ងៃទី០៤ ខែកក្កដា ឆ្នាំ២០២១នេះ មានអ្នកឆ្លងកូវីដ-១៩ សរុប៣២១នាក់ ស្រី ១៥១ នាក់ អ្នកជាសះស្បើយ ២៣នាក់ស្រី ៩នាក់ ស្លាប់គ្មាន និងអ្នកកំពុងសម្រាកព្យាបាល ២៩៨ នាក់ ស្រី ១៤២នាក់៕

អត្ថបទ៖ ងិនលីម

សូមចុចអាន៖

Related Topics:កូវីដ-១៩