ព័ត៌មានជាតិ

ក្រុមហ៊ុនស្ថាប័ននានា សម្រុកទិញឧបករណ៍តេស្តរហ័សរកកូវីដ គិតត្រឹមល្ងាចម្សិលមិញ ជាង ៤ ម៉ឺនដើម

បានផុស

៣ years មុន

នៅ

ថ្ងៃចន្ទ ៥ កក្កដា ២០២១

ដោយ

ក្រសួងប្រៃសណីយ៍ និងទូរគមនាគមន៍បានបញ្ជាក់ថា គិតត្រឹមល្ងាចថ្ងៃអាទិត្យទី៤ ខែកក្កដា ឆ្នាំ២០២១នេះ ក្រសួងបានលក់ឧបករណ៍តេស្តរហ័សអង់ទីហ្សែនកូវីដ-១៩ បានចំនួន ៤៦ ៦៧៥ ជូន ២១០ ក្រុមហ៊ុន-ស្ថាប័ន។

ក្នុងចំណោមសំណើទិញទាំង ៧៤៥ គិតជាបរិមាណបញ្ជាទិញឧបករណ៍សរុបមាន ២៦២ ៧៧៥ ក្រសួងបានផ្ដល់អាទិភាព ដល់ទីតាំងដែលមានបុគ្គលិកច្រើន និងកំពុងប្រឈមហានិភ័យ ឬមានការពាក់ព័ន្ធនឹងជំងឺកូវីដ-១៩។

ក្រសួងនឹងធ្វើការដោះស្រាយសំណើទិញផ្សេងទៀតស្របតាមអាទិភាពខាងលើ ជាបន្តបន្ទាប់ទៅតាមបរិមាណស្តុករបស់ឧបករណ៍ដែលនៅសល់និងនាំចូលបន្ថែម៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងប្រៃសណីយ៍ និង ទូរគមនាគមន៍ បានប្រកាសនាំឧបករណ៍តេស្តរហ័សអង់ទីហ្សែនកូវីដ-១៩ ពីប្រទេសកូរ៉េ ដែលដាក់លក់ក្នុងតម្លៃដើម ៣,៧ ក្នុងមួយឧបករណ៍ សម្រាប់ក្រសួងស្ថាប័ន ក្រុមហ៊ុន ឬ គ្រឹះស្ថានឯកជនដែលមានបុគ្គលិកច្រើននិងស្ថិតនៅតំបន់ដែលមានហានិភ័យ គឺមមិនសម្រាប់សាធារណជនទូទៅនោះទេ។

ក្នុងការបញ្ជាទិញឧបករណ៍តេស្តរហ័សអង់ទីហ្សែនកូវីដ-១៩ ក្រសួងស្ថាប័ន គឺត្រូវមានលិខិតស្នើសុំបញ្ជាទិញ ដោយកំណត់ចំនួនឲ្យបានជាក់លាក់ សមាមាត្រ និង ចំនួនមន្ត្រីក្រោមឱវាទរបស់ខ្លួន ហើយហាមដាច់ខាតមិនឲ្យចែកចាយ ឬ លក់បន្តនោះទេ៕

អត្ថបទ៖ ប៊ុណ្ណារ៉ា