ព័ត៌មានជាតិ
អ្នកនាំពាក្យក្រសួងការបរទេស៖ ស៊ុយអែតបិទស្ថានទូតដោយសារតែបញ្ហាផ្ទាល់ខ្លួន តែកិច្ចសហប្រតិបត្តិការផ្សេងៗនៅតែបន្ត
លោក កុយ គួង រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជាបានបញ្ជាក់ថា រដ្ឋាភិបាលស៊ុយអែត សម្រេចបិទស្ថានទូតដោយសារតែបញ្ហាផ្ទាល់ខ្លួន តែកិច្ចសហប្រតិបត្តិការផ្សេងៗនៅតែបន្តដដែល តាមរយៈស្ថានឯកអគ្គរដ្ឋទូត ដែលមាននិវេសនដ្ឋាននៅប្រទេសថៃ។
ការបញ្ជាក់របស់លោក កុយ គួង បានធ្វើឡើងក្រោយពីជំនួបរវាងលោកឧបនាយករដ្ឋមន្ត្រី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកម្ពុជា ដែលបានអនុញ្ញាតិឲ្យលោក Bjorn Haggmark ឯកអគ្គរាជទូតស៊ុយអែតប្រចាំព្រះរាជាណាចក្រកម្ពុជាចប់អាណត្តិ ចូលជួបសម្តែងការគួរសម និងជម្រាបលា កាលពីព្រឹកថ្ងៃទី០៥ ខែកក្កដា ឆ្នាំ២០២១។
បើតាមលោក កុយ គួង បើទោះបីជាប្រទេសស៊ុយអែតបានសម្រេចបិទស្ថានទូតកម្មនៅកម្ពុជា នាចុងឆ្នាំនេះ (ខែធ្នូ) ក៏ដោយ ប៉ុន្តែទំនាក់ទំនង និងកិច្ចសហប្រតិបត្តិការលើវិស័យនានានៅតែបន្តជាធម្មតា។ ជាមួយគ្នានោះ លោកឧបនាយករដ្ឋមន្ត្រី ប្រាក់ សុខុន ក៏បានប្រកាសស្វាគមន៍ចំពោះឯកអគ្គរដ្ឋទូតថ្មីរបស់ប្រទេសស៊ុយអែត ដែលនឹងមកបំពេញការងារជំនួសលោក Bjorn Haggmark ដែលមាននិវេសនដ្ឋាននៅទីក្រុងបាងកកនោះផងដែរ។ ក្នុងនោះ រដ្ឋាភិបាលស៊ុយអែត នឹងបង្កើតឲ្យមានការិយាល័យសហប្រតិបត្តិការ និងកុងស៊ុលកិត្តិយស នៅប្រទេសកម្ពុជា នាពេលខាងមុខ។
លោក កុយ គួង បញ្ជាក់យ៉ាងនេះថា “ខ្ញុំសូមបញ្ជាក់ថា ជារួមទោះបីជាស៊ុយអែត មានការបិទស្ថានទូតដោយសារតែបញ្ហាផ្ទាល់ខ្លួនរបស់ស៊ុយអែត និងគោលនយោបាយរបស់ស៊ុយអែត ក្នុងការកែសម្រួលលើបញ្ហាប្រឈមរបស់ស៊ុយអែត ប៉ុន្តែស៊ុយអែតបានបញ្ជាក់ហើយថា កិច្ចសហប្រតិបត្តិការផ្សេងៗនៅតែបន្តមានដដែល ហើយឯកអគ្គរដ្ឋទូតស៊ុយអែត ដែលមាននិវេសនដ្ឋាននៅប្រទេសថៃ មានភារកិច្ចគ្រប់ដណ្តប់មកដល់ប្រទេសកម្ពុជាយើង ប្រទេសឡាវ និងមីយ៉ាន់ម៉ាផងដែរ”។
សូមបញ្ជាក់ថា កម្ពុជា និងស៊ុយអែត មានទំនាក់ទំនងការទូត កាលពីពីឆ្នាំ១៩៦១ ហើយស៊ុយអែត បានជួយកម្ពុជាលើវិស័យមួយចំនួនដូចជាវិស័យកសិកម្ម វិស័យអប់រំ វិស័យហិរញ្ញវត្ថុសាធារណៈ ការអភិវឌ្ឍ និងប្រជាធិបតេយ្យថ្នាក់មូលដ្ឋានដើម។ នៅឆ្នាំ២០១៤ ដល់ឆ្នាំ២០១៩ នៅក្នុងក្របខ័ណ្ឌយុទ្ធសាស្ត្រ ស៊ុយអែតបានផ្ដល់ថវិកាចំនួន១២៥លានដុល្លារ លើវិស័យអាទិភាព៣សំខាន់ គឺទី១, អភិបាលកិច្ច សមភាពយេនឌ័រ ទី២, វិស័យអប់រំ ទីផ្សារការងារ និងទី៣, បញ្ហាបរិស្ថាន បម្រែបម្រួលអាកាសធាតុ។ ជារៀងរាល់ឆ្នាំ កម្ពុជាទទួលបានភ្ញៀវទេសចរណ៍ពីប្រទេសស៊ុយអែតចំនួន១៥០០០នាក់ ប៉ុន្តែបានធ្លាក់ចុះ ខណៈមានការរីករាលដាលនៃជំងឺកូវីដ១៩៕
អត្ថបទ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន