ព័ត៌មានជាតិ
ក្រសួងផែនការរកឃើញពលរដ្ឋមានបញ្ហាជីវភាពក្នុងតំបន់បិទខ្ទប់ដំណាក់កាលទី២ជិត៦ម៉ឺនគ្រួសារបន្ថែមទៀត
ភ្នំពេញ ៖ ក្រសួងផែនការបានរកឃើញប្រជាពលរដ្ឋដែលជួបបញ្ហាជីវភាពរស់នៅរាជធានីភ្នំពេញ ខេត្តកណ្តាលនិងខេត្តព្រះសីហនុក្នុងតំបន់បិទខ្ទប់ដំណាក់កាលទី២ប្រមាណជិត៦ម៉ឺនគ្រួសារស្មើនឹងជិត២០ម៉ឺននាក់បន្ថែមទៀតដើម្បីទទួលបានប្រាក់ឧបត្ថម្ភពីរាជរដ្ឋាភិបាល។
នៅក្នុងដំណាក់កាលទី១ក្រសួងបានកំណត់គ្រួសារគោលដៅក្នុងតំបន់បិទខ្ទប់ និង គ្រួសារដែលមានអ្នកជំងឺកូវីដ ១៩ នៅទូទាំងប្រទេសចាប់ពីថ្ងៃទី១៥ ខែឧសភា ឆ្នាំ២០២១ ដល់ថ្ងៃទី៣០ ខែឧសភា ឆ្នាំ២០២១ ដោយមានគ្រួសារគោលដៅទាំងនោះ បានសម្ភាសន៍ជាប់ចំនួនសរុប ៦១,៦៧៨គ្រួសារ ដែលស្មើនឹងប្រជាជនចំនួន ២០៦,៩៩៨ នាក់ក្នុងចំណោមអ្នកដាក់ពាក្យ ជាង៦ម៉ឺន៤ពាន់គ្រួសារកំពុងបើកប្រាក់ឧបត្ថម្ភពីរាជរដ្ឋាភិបាល ចាប់ពីថ្ងៃទី១០ ខែមិថុនា ឆ្នាំ២០២១តទៅ។
លោកស្រី ដា អ្នកនាំពាក្យក្រសួងផែនការ បានមានប្រសាសន៍នៅល្ងាចថ្ងៃទី០៥កក្កដានេះថា« ជាលទ្ធផលក្រសួងផែនការ បានរកឃើញអ្នកសម្ភាសន៍ជាប់ដើម្បីទទួលប្រាក់ឧបត្ថម្ភជាសាច់ប្រាក់ក្រោយពេលបិទខ្ទប់នេះ ទាំង៣តំបន់ និងអ្នកជំងឺបានឆ្លង នឹងស្លាប់ បន្ថែមលើជុំទី១កំពុងបើកប្រាក់ មានចំនួនសរុបជាង ៥ម៉ឺន៩ពាន់គ្រួសារ ស្មើនឹងប្រជាជនសរុបចំនួន ប្រមាណជាង ១៩ម៉ឺននាក់»។
លោក បានបន្តថា ដូច្នេះទាំង២ដំណាក់កាលនេះ ក្រសួងបានរកឃើញអ្នកដែលរងគ្រោះក្រោយការបិទខ្ទប់ និងឆ្លងជំងឺកូវីដ១៩ និងស្លាប់ដោយសារជំងឺនេះ មានចំនួនសរុបទាំង២លើក មានប្រមាណ១២ម៉ឺនគ្រួសារ ស្មើនឹងប្រជាជនសរុបប្រមាណ៤០ម៉ឺននាក់។
លោក បានបន្តទៀតថា «ជាទស្សនៈខ្ញុំផ្ទាល់ខ្លួនទេ គឺអ្នកដែលសម្ភាសន៍ជាប់ដំណាក់កាលទី២នឹងអាចបើកប្រាក់ឧបត្ថម្ភជាបន្តបន្ទាប់ពីដំណាក់កាលទី១នេះរួច»។
តែយ៉ាងណាក៏ដោយ លោក ស្រីដា សូមរង់ចាំសេចក្តីសម្រេច និងប្រកាសព័ត៌មានរបស់ក្រសួងសេដ្ឋកិច្ចនិងហិរញ្ញវត្ថុជាផ្លូវការ។
លោក ស្រីដា បានបន្ថែមថា ក្នុងការសម្ភាសន៍ពលរដ្ឋមានបញ្ហាជីវភាពក្នុងកំឡុងពេលបិទខ្ទប់ដំណាក់កាលទី២នេះក្រសួងបានចាប់ផ្តើមពីថ្ងៃទី១៨ខែមិថុនា ដោយប្រើប្រាស់អ្នកសម្ភាសន៍ប្រមាណ១២០០នាក់ដោយសារលើកទី២នេះមានអ្នកពាក្យស្នើសុំច្រើនជាងលើកទី១។
នៅពេលសួរថាតើនឹងមានសម្ភាសន៍ដំណាក់កាលទី៣ឬទី៤ទៀតឬក៏បិទបញ្ចប់ត្រឹមដំណាក់ទី២នេះ លោក ស្រីដា បានបញ្ជាក់ថា «មិនទៀងទេបើរាជរដ្ឋាភិបាលពិនិត្យឃើញថា សភាពការណ៍លំបាកនៅបន្ត គឺអាចបន្តជួយទៀត គ្រាន់តែយើងធ្វើជាដំណាក់កាលៗ ដូចជាជួយប្រជាពលរដ្ឋក្រីក្រនិងងាយរងគ្រោះអញ្ជឹង គឺរាជរដ្ឋាភិបាលបន្តបើកប្រាក់ឧបត្ថម្ភជូន៣ខែទៀត»៕
ដោយ ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ