ព័ត៌មានជាតិ
គិតត្រឹមដើមខែកក្កដានេះ ព្រះសង្ឃចំនួន៨៨អង្គ នៅខេត្តត្បូងឃ្មុំ រកឃើញវិជ្ជមានកូវីដ-១៩
(ត្បូងឃ្មុំ)៖ ព្រះសង្ឃចំនួន៨៨អង្គ ដែលគង់នៅវត្តមួយចំនួន ក្នុងខេត្តត្បូងឃ្មុំ ត្រូវបានរកវិជ្ជមានកូវីដ-១៩ ចាប់តាំងពីចុងខែមិថុនា ដល់ដើមខែកក្កដា ឆ្នាំ២០២១នេះ។ នេះបើតាមលោក ហាក់ ហ៊ុន ប្រធានមន្ទីរធម្មការ និងសាសនាខេត្តត្បូងឃ្មុំ ដែលបានថ្លែងប្រាប់អ្នកសារព័ត៌មានកម្ពុជាថ្មី នាព្រឹកថ្ងៃទី៦ ខែកក្កដា ឆ្នាំ២០២១នេះ។
លោក ហាក់ ហ៊ុន បានឲ្យដឹងថា ចាប់តាំងពីថ្ងៃទី២៤ ខែមិថុនា ដល់ថ្ងៃទី៤ ខែកក្កដា ឆ្នាំ២០២១ គឺមានព្រះសង្ឃចំនួន៨៨អង្គ គង់នៅតាមបណ្ដាវត្តមួយចំនួន ដូចជា៖ នៅវត្តទួលទ្រាត្បូង និងវត្តទួលទ្រាជើងជាដើម ស្ថិតនៅភូមិ ទួលទ្រាត្បូង ឃុំជប់ ស្រុកត្បូងឃ្មុំ ខេត្តត្បូងឃ្មុំ មានករណីឆ្លងលើព្រះសង្ឃច្រើនជាងគេ ។
ប្រធានមន្ទីរធម្មការ និងសាសនាខេត្តត្បូងឃ្មុំ លោក ហាក់ ហ៊ុន បានឲ្យដឹងបន្តថា បន្ទាប់ពីមានករណីឆ្លងលើសង្ឃ នៅវត្តទួលទ្រាត្បូងភ្លាមៗ អាជ្ញាធរខេត្ត មន្ទីរសុខាភិបាលខេត្ត និងរូបលោកផ្ទាល់ បានចុះទៅដល់ទីតាំងវត្ត ហើយមានវិធានការបិទខ្ទប់ នៅទីតាំងវត្តទួលទ្រាត្បូងនេះ ដោយដាក់នគរបាលការពារទីនោះផងដែរ។
អ្នកសារព័ត៌មានកម្ពុជាថ្មី បានទាក់ទងតាមទូរស័ព្ទ ទៅលោកវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ ដើម្បីបញ្ជាក់បន្ថែមជុំវិញករណីឆ្លងកូវីដ-១៩ ទៅលើព្រះសង្ឃនៅខេត្តត្បូងឃ្មុំនេះ តែទូរស័ព្ទចូលលើកទី១ លោកថាកំពុងជាប់ប្រជុំ និងទូរស័ព្ទចូលលើកទី២ លោកបានចុចជាប់រវល់៕ (ដោយ)៖ ឃួន សុភ័ក្រ
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ២ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម១ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សន្តិសុខសង្គម៥ ម៉ោង ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៧ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?
-
ព័ត៌មានអន្ដរជាតិ៥ ថ្ងៃ ago
យប់មិញ អ៉ីរ៉ង់សងសឹកអ៉ីស្រាអែលដោយមីស៊ីល-យន្តហោះគ្មានមនុស្សជាង២០០គ្រាប់