ព័ត៌មានជាតិ
មន្ត្រីនគរបាលចេញចូលអគ្គស្នងការនគរបាលជាតិ តម្រូវឱ្យធ្វើតេស្តរហ័សមួយសប្តាហ៍ម្តង
មន្ត្រីនគរបាលដែលមានភារកិច្ចចេញ-ចូលបំពេញការងារក្នុងបរិវេណអគ្គស្នងការដ្ឋាននគរបាលជាតិ តម្រូវឱ្យយកសំណាកធ្វើតេស្តរហ័ស(Rapid Test) រកជំងឺកូវីដ១៩ មួយសប្តាហ៍ម្តង។
ការអនុវត្តរៀងរាល់មួយសប្តាហ៍ម្តងនេះ ធ្វើឡើងតាមអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងការចង្អុលដឹកនាំផ្ទាល់ពីនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លើការយកចិត្តទុកដាក់ចំពោះសុខុមាលភាពរបស់មន្ត្រីនគរបាលជាតិ ដូចជាការចូលរួមក្នុងយុទ្ធនាការប្រយុទ្ធប្រឆាំង និងកាត់ផ្តាច់ការឆ្លងរាលដាលកូវីដ-១៩នៅក្នុងសហគមន៍ ។
លោកឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ ដែលបានចុះត្រួតពិនិត្យនៅកន្លែងបញ្ជរយកសំណាកធ្វើតេស្តនៅព្រឹកថ្ងៃទី៧ ខែកក្កដានេះ បានក្រើនរំលឹក និងជំរុញស្មារតីចំពោះកងកម្លាំងនគរបាលជាតិដែលមានភារកិច្ចបំពេញការងារប្រចាំថ្ងៃ តាមការចាត់តាំងរបស់អង្គភាព ត្រូវចូលរួមគោរព និងអនុវត្តការយកសំណាកធ្វើតេស្តរហ័សនេះតាមគោលការណ៍ណែនាំរបស់ថ្នាក់ដឹកនាំអគ្គស្នងដ្ឋានការនគរបាលជាតិ និងសូមកុំមានការព្រួយបារម្ភ ភ័យខ្លាចចំពោះការយកសំណាកធ្វើតេស្តនេះ។
លោកឧត្តមសេនីយ៍ឯក ឆាយ គឹមខឿន បានមានប្រសាសន៍ថា«បើចៃដន្យមន្ត្រីណាម្នាក់វិជ្ជមានកូវីដ-១៩ អង្គភាពអាចពិនិត្យលទ្ធភាពជួយអន្តរាគមន៍ដោះស្រាយ បញ្ជូនទៅសង្គ្រោះ និងពិនិត្យព្យាបាលបានទាន់ពេលវេលា ព្រមទាំងមានវិធានការបង្ការ ទប់ស្កាត់ការឆ្លងរាលដាលពីមន្ត្រីម្នាក់ទៅមន្ត្រីម្នាក់ទៀតនៅកន្លែងធ្វើការបានទាន់ពេលវេលាផងដែរ»។
លោកឧត្តមសេនីយ៍ឯក ឆាយ គឹមខឿន បានមានប្រសាសន៍បន្តថាចំពោះមន្ត្រីនគរបាលដែលពិនិត្យឃើញវិជ្ជមានមេរោគកូវីដ-១៩ តាមរយៈការយកសំណាក់ធ្វើតេស្តរហ័សនេះ ត្រូវបានបញ្ជូនសំណាកទៅធ្វើនៅម៉ាស៊ីនPCR តេស្តបន្តទៀតដើម្បីផ្ទៀងផ្ទាត់លទ្ធផល និងបញ្ជូនទៅសម្រាកព្យាបាលនៅទីកន្លែងដែលបានកំណត់។
ជាមួយគ្នានេះលោកឧត្តមសេនីយ៍ឯក ឆាយ គឹមខឿន បានរំលឹកដល់មន្ត្រីនគរបាលទាំងអស់ដែលមានភារកិច្ចមកបំពេញការងារនៅតាមអង្គភាពសូមម្ចាស់ការខ្ពស់ក្នុងការអនុវត្តវិធានការណែនាំនានារបស់ក្រសួងសុខាភិបាល និងចូលរួមអនុវត្តឲ្យបានម៉ឺងម៉ាត់តាមខ្លឹមសារណែនាំរបស់ប្រមុខរាជរដ្ឋាភិបាល គឺ៣ការពារ និង ៣កុំដើម្បីចូលរួមទប់ស្កាត់ជំងឺកូវីដ១៩៕
អត្ថបទ ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ