Connect with us

ព័ត៌មានជាតិ

សម្ដេចតេជោ ហ៊ុន សែន គាំទ្រចំពោះការរៀបចំ កិច្ចប្រជុំកំពូលដែលលើកឡើងអំពីប្រធានបទ «សន្តិភាព» នៅក្នុងតំបន់អាស៊ីប៉ាស៊ីហ្វិក

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសគាំទ្រចំពោះការរៀបចំ កិច្ចប្រជុំកំពូលដែលលើក​ឡើង​អំពីប្រធានបទ «សន្តិភាព» នៅក្នុងតំបន់អាស៊ីប៉ាស៊ីហ្វិក ដែលគ្រោងធ្វើនៅចុងឆ្នាំ២០២១នេះ​ ហើយសម្ដេច​ក៏​យល់ព្រម ធ្វើជាសហប្រធានកិត្តិយស នៅក្នុងកិច្ចប្រជុំកំពូលនេះផងដែរ។ ការប្រកាស​គាំទ្រនេះ គ្រាដែល​សម្ដេច​តេជោ ហ៊ុន សែន នាយករដ្ឋ​មន្ត្រីនៃកម្ពុជា នាព្រឹកថ្ងៃទី៨ ខែកក្កដា ឆ្នាំ២០២១ បាន​អញ្ជើញ​ចូលរួមកិច្ចប្រជុំមួយ ដែលរៀបចំ​ឡើង​ដោយ​តំណាងអង្គការសហព័ន្ធសន្តិភាពសកល (UPF) តាមរយៈប្រព័ន្ធវីដេអូ Conference។

លោកបណ្ឌិត កៅ គឹម​ហួន រដ្ឋមន្ត្រីប្រតិភូអមនាយករដ្ឋមន្ត្រី បានថ្លែងប្រាប់អ្នកសារព័ត៌មាន បន្ទាប់ពីបានចូលរួម​កិច្ចប្រជុំ ជាមួយសម្ដេចតេជោនាយករដ្ឋមន្ត្រី នាព្រឹកនេះថា កន្លងមកអង្គការUPF បានរៀបចំកិច្ចប្រជុំជាច្រើន​លើក​មកហើយ ដូចជាឆ្នាំ២០១៨នៅប្រទេសនេប៉ាល់, ឆ្នាំ២០១៩នៅប្រទេសកម្ពុជា, និងឆ្នាំ២០២០នៅប្រទេសកូរ៉េ​ខាងត្បូង ហើយចំពោះកិច្ចប្រជុំនៅថ្ងៃនេះ គឺពាក់ព័ន្ធនឹងការងារបន្ទាន់មួយចំនួន ដែលត្រូវធ្វើបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំនៅថ្ងៃនេះ តំណាងអង្គការUPF បានពិគ្រោះយោបល់​ជាមួយសម្ដេចតេជោ ហ៊ុន សែន នាយករដ្ឋ​មន្ត្រី​នៃកម្ពុជា ក្នុងការរៀបចំសកម្មភាពការងារមួយចំនួន ដែលគ្រោងរៀបចំធ្វើនៅក្នុងឆ្នាំ២០២១នេះ និងនៅពេល​ខាងមុខទៀត។ លោកបណ្ឌិត កៅ គឹមហួន បានឲ្យដឹងបន្តថា តំណាងអង្គការUPF បានជម្រាបជូនសម្ដេចតេជោ​នាយករដ្ឋមន្ត្រី អំពីការរៀបចំកិច្ចប្រជុំកំពូលមួ​យ នៅខែវិច្ឆិកា ឆ្នាំ២០២១ នៅប្រទេសកូរ៉េខាងត្បូង។ កិច្ចប្រជុំនេះ នឹងលើកយកប្រធានបទសំខាន់ គឺពាក់ព័ន្ធនឹង «សន្តិភាព» នៅក្នុងតំបន់អាស៊ីប៉ាស៊ីហ្វិក។ ជាមួយគ្នានេះតំណាងអង្គការUPS ក៏បានគោរពអញ្ជើញសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ធ្វើជាសហប្រធានកិត្តិយស នៅក្នុងកិច្ចប្រជុំកំពូល ពាក់ព័ន្ធនឹង «សន្តិភាព»នេះផងដែរ។ ក្នុងនោះ តំណាងអង្គ​ការUPF ក៏បានលើកឡើងអំពីពានរង្វាន់សន្តិភាពស៊ុនហាក់ និងចំណុចផ្សេងៗមួយចំនួនទៀត។

ជាការឆ្លើយតបសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍នៅក្នុងកិច្ចប្រជុំនេះថា សម្ដេចតេជោគាំទ្រ ចំពោះការរៀបចំផែនការសកម្មភាពនេះ ហើយបានផ្ដល់នូវយោបល់មួយចំនួន ជាពិសេសទាំងគំនិតផ្ដួចផ្ដើម។ ពាក់ព័ន្ធនឹងការរៀបចំកិច្ចប្រជុំកំពូល ដែលលើកឡើងអំពីប្រធានបទ «សន្តិភាព» នៅក្នុងតំបន់អាស៊ីប៉ាស៊ីហ្វិក នៅចុងឆ្នាំ២០២១នេះ សម្ដេចតេជោនាយករដ្ឋមន្ត្រី បានប្រកាសគាំទ្រ ហើយក៏ទទួលយកអញ្ជើញសម្ដេចធ្វើជាសហប្រធានកិត្តិយស នៃកិច្ចប្រជុំកំពូលស្ដីពី «សន្តិភាព»នេះដែរ។

សម្ដេចតេជោ ហ៊ុន សែន បានលើកឡើងក្នុងកិច្ចប្រជុំជាមួយតំណាងអង្គការUPF ថា ការលើកឡើងប្រធានបទ «សន្តិភាព»នេះ គឺជាប្រធានបទដ៏សំខាន់សម្រាប់បណ្ដាប្រទេសមួយចំនួន នៅអាស៊ីប៉ាស៊ីហ្វិក ក៏ដូចជាពិភពលោក​ទាំង​មូលផងដែរ។ ជាមួយគ្នានេះសម្ដេចតេជោ ហ៊ុន សែន ក៏បានទទួលយកធ្វើជាបេក្ខភាព សម្រាប់ពានរង្វាន់​សន្តិ​ភាព​ស៊ុនហាក់ ដែលបានលើកឡើងដោយតំណាងអង្គការUPFខាងលើនេះដែរ។

បន្ថែមពីលើនេះសម្ដេចតេជោ ហ៊ុន សែន ក៏បានមានប្រសាសន៍ដែរថា ក្រុមការងាររបស់រាជរដ្ឋាភិបាលកម្ពុជា ដែល​សម្ដេចចាត់តាំងលោកស្រី ឃួន សុដារី និងលោក សួស យ៉ារ៉ា នឹងបន្តធ្វើការងារផ្ទាល់ជាមួយអង្គការUPF៕ (ដោយ)៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន

ព័ត៌មានអន្ដរជាតិ១៣ នាទី មុន

លោក សេដ្ឋា មិនជួបលោក ថាក់ស៊ីន នៅទីស្នាក់ការបក្ស តែទៅទស្សនា​បាល់ទាត់រវាង ថៃ និងកូរ៉េខាងត្បូង

សន្តិសុខសង្គម១៧ នាទី មុន

នគរបាលខណ្ឌទួលគោកឃាត់ខ្លួនសិស្សសាលាជាង១០០នាក់

សេចក្ដីជូនដំណឹង២១ នាទី មុន

សេចក្ដីជូនដំណឹងស្ដីពីការអញ្ជើញចូលរួមពិគ្រោះថ្លៃការផ្គត់ផ្គង់ប្រេងឥន្ធនៈ និងប្រេងរំអិល សម្រាប់ឆ្នាំ ២០២៤ ជូនមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ខេត្តព្រះសីហនុ

ព័ត៌មានជាតិ៣៦ នាទី មុន

មន្ត្រីជាន់ខ្ពស់ការងារ ណែនាំពលករខ្មែរធ្វើការនៅថៃ កុំធ្វើដំណើរតាម​ច្រករបៀង ចៀសវាងប៉ះពាល់ដល់សុខសុវត្ថិភាព

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២០ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម