ព័ត៌មានជាតិ

មូលនិធិកាតាផ្តល់ថវិកាជាង១៣លានដុល្លារគាំទ្រដល់កុមារកម្ពុជានៅក្រៅសាលានិងងាយបោះបង់ការសិក្សា

បានផុស

៣ years មុន

នៅ

ថ្ងៃសុក្រ ២០ វិច្ឆិកា ២០២០

ដោយ

ភ្នំពេញ ៖ មូលនិធិសម្រាប់ការអភិវឌ្ឍបានផ្ដល់ថវិកាចំនួន១៣,៨ ២៣,៣៨៣ ដុល្លារអាមេរិក សម្រាប់រួមចំណែកក្នុងការពង្រឹងវិស័យអប់រំនៅប្រទេសកម្ពុជា ដោយផ្តល់ការយកចិត្តទុកដាក់លើកុមារងាយរងគ្រោះលើការសិក្សានៅកម្រិតបឋមសិក្សានៅទូទាំងប្រទេស។

ជាក់ស្តែងក្រសួងអប់រំ យុវជន និងកីឡា និងមូលនិធិកាតាសម្រាប់ការអភិវឌ្ឍបានចុះអនុស្សារណៈយោគយល់ លើគម្រោងអភិវឌ្ឍដើម្បីគាំទ្រដល់កុមារដែលនៅក្រៅសាលា ឬងាយបោះបង់ចោលការសិក្សានៅកម្រិតបឋមសិក្សានៅដំណាក់កាលទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុស្សរណៈនេះ ត្រូវបានធ្វើឡើងនៅក្នុងកិច្ចប្រជុំមួយតាមវីដេអូ Conferenceក្រោមអធិបតីភាពដ៏ខ្ពង់ខ្ពស់ លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោកអគ្គនាយក Khalifa Bin Jassim AL-Kuwari នៃប្រទេសកាតា។

លោកបណ្ឌិតសភាចារ្យ ហង់ជួនណារ៉ុនមានប្រសាសន៍ថា កិច្ចព្រមព្រៀងអនុស្សរណៈនៃការយោគយល់នេះ ជាការឆ្លុះបញ្ចាំងកិច្ចសហប្រតិបត្តិការរវាងក្រសួងអប់រំ យុវជន និងកីឡា និងមូលនិធិកាតាសម្រាប់ការអភិវឌ្ឍ។

លោករដ្ឋមន្ត្រីបានសម្ដែងនូវការថ្លែងអំណរគុណ ចំពោះប្រទេសកាតា ដែលបានផ្តល់មូលនិធិចូលរួមចំណែកជួយកុមារកម្ពុជានៅកម្រិតបឋមសិក្សា ដែលមូលនិធិកាតាសម្រាប់ការអភិវឌ្ឍន៍នឹងជួយកុមារងាយបោះបង់ការសិក្សា ធានាឲ្យបាននូវការអប់រំប្រកបដោយសមធម៌ គ្រប់ជ្រុងជ្រោយ ហើយលើកកម្ពស់ឱកាសការសិក្សារៀនសូត្រពេញមួយជីវិតសម្រាប់មនុស្សគ្រប់រូប៕
ដោយ ៖ សំអឿន