ខេត្ត​ក្រចេះ​ក្រៅ​ពី​បាន​ស្ពាន​កាត់​ទន្លេ ​គ្រោង​ស្ថាបនា​ផ្លូវជាតិ​ថ្មី​មួយ​ខ្សែ​ទៀត​​ ជិះ​ទៅ​មក​​កំពង់ធំ​សៀមរាប​ កាន់តែលឿន
Connect with us
Helistar Cambodia - Helicopter Charter Services

ព័ត៌មានជាតិ

ខេត្ត​ក្រចេះ​ក្រៅ​ពី​បាន​ស្ពាន​កាត់​ទន្លេ ​គ្រោង​ស្ថាបនា​ផ្លូវជាតិ​ថ្មី​មួយ​ខ្សែ​ទៀត​​ ជិះ​ទៅ​មក​​កំពង់ធំ​សៀមរាប​ កាន់តែលឿន

បានផុស

នៅ

តាម​ការ​ឲ្យ​ដឹង​​ពី​​ប្រធាន​មន្ទីរ​សាធារណការ​ខេត្ត​ក្រចេះ​បាន​ប្រាប់​កម្ពុជា​ថ្មី​ថា ក្រៅ​ពី​គម្រោង​ស្ថាបនា​ស្ពាន​ឆ្លង​កាត់​ទន្លេ​មេគង្គ​​ ក្រុម​បច្ចេកទេស​កំពុង​ចុះ​សិក្សា​ក្នុង​ការ​ស្ថាបនា​ផ្លូវ​ជាតិ​មួយ​ខ្សែ​ទៀត​ប្រវែង​ជាង ១០០ គីឡូម៉ែត្រ​​ពី​ខេត្ត​ក្រចេះ​ទៅ​ខេត្ត​កំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាំង ប៊ុនថេង ប្រធាន​មន្ទីរ​សាធារណការ​និង​ដឹក​ជញ្ជូន​ខេត្ត​ក្រចេះ​បាន​ឲ្យ​ដឹង​ថា ផ្លូវ​ជាតិ​ថ្មី​មួយ​ខ្សែ​នេះ​គឺ​​ផ្លូវ ៦០បេ។ បច្ចុប្បន្ន​​ក្រុម​វិស្វករ​ចិន​កំពុង​ចុះ​សិក្សា ដែល​គ្រោង​ធ្វើ​ចាប់​ពី​ស្ពាន​ទន្លេ​មេគង្គ​ថ្មី​ខេត្ត​ក្រចេះ​ ទៅ​ដល់​កំពង់ថ្ម​ក្នុង​ខេត្ត​កំពង់ធំ។

ផ្លូវស្រុកព្រែកប្រសព្វខេត្តក្រចេះ (រូបឯកសារ)

បើ​តាម​លោក​ប្រធាន​មន្ទីរសាធារណការ​ខេត្ត​ក្រចេះ តាម​ការ​សិក្សា​ផ្លូវ​ជាតិ​ថ្មី​មួយ​ខ្សែ​នេះ​ សាងសង់​កាត់តាម​​ស្រុក​ព្រែក​ប្រសព្វ​រហូត​ដល់​កំពង់ថ្ម​ខេត្ត​កំពង់ធំ មាន​ប្រវែង​ជាង ១៣០ គីឡូម៉ែត្រ។

លោក​មើល​ឃើញ​គម្រោង​ស្ថាបនា​ផ្លូវ​ជាតិ​ថ្មី​នេះ រួម​ទាំង​ស្ពាន​ឆ្លង​ទន្លេមេគង្គ​ខេត្ត​ក្រចេះ​ នឹង​រួម​ចំណែក​ជួយ​ដល់​ការ​អភិវឌ្ឍ​ខេត្ត​ក្រចេះ សម្រួល​ការ​ដឹក​ជញ្ជូននិងការ​​ធ្វើ​ដំណើរ​​របស់​ភ្ញៀវ​ទេសចរ​ពី​តំបន់​ភាគ​កណ្ដាល​មក​តំបន់​ភាគ​ឦសាន ដែល​នឹង​រុញ​កំណើន​ការអភិវឌ្ឍន៍​ និង​លើក​ស្ទួយ​ជីវភាព​ពលរដ្ឋ​តាម​មូលដ្ឋាន។

គួរ​បញ្ជាក់​ថា ស្ពានឆ្លងទន្លេមេគង្គខេត្តក្រចេះ​​គ្រោង​បើកការដ្ឋាន​សាងសង់​នៅក្នុងឆ្នាំ​២០២១ ក្រោយ​ការសិក្សាបានបញ្ចប់។ នេះ​បើ​យោង​តាម ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក្នុងឱកាស​បើក​សម្ពោធ​​មជ្ឈមណ្ឌល​បណ្ដុះបណ្ដាល​បើកបរ​យានយន្តធុនធ្ងន់ កាលពីថ្ងៃទី ៤ កុម្ភៈនេះ។

ស្ពានឆ្លង​កាត់​ទន្លេ​មេគង្គ​ទីមួយ​របស់​ខេត្ត​ក្រចេះ មានប្រវែង ១ ៧៦១ ម៉ែត្រ សាងសង់ឡើងក្រោមថវិកាកម្ចីសម្បទានពី​សាធារណរដ្ឋ​ប្រជាមានិតចិន ប្រើប្រាស់រយៈពេលចន្លោះពី ២ ទៅ ៣ ឆ្នាំ ក្នុងការសាងសង់។

លោក សាំង ប៊ុនថេង បាន​បញ្ជាក់​ថា ទីកន្លែង​សាងសង់​ស្ពាន​ឆ្លង​កាត់​ទន្លេ​មេគង្គ​ខេត្ត​ក្រចេះ កំណត់ទីតាំង​​រួច​ហើយ នៅ​តែ​រង់ចាំ​ថ្ងៃ​​បើក​ការដ្ឋាន​តែ​ប៉ុណ្ណោះ៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៤ នាទី មុន

ចៅ​ហ្វាយ​ស្រុក​បន្ទាយ​ស្រី​បញ្ជាក់​ពី​កា​រភាន់​ច្រឡំថា​ អ្នក ឧកញ៉ា ឡេង ណាវ៉ាត្រាទិញ​ដី​មិន​ស្រប​ច្បាប់​

ព័ត៌មានជាតិ២ ម៉ោង មុន

ចៅ​អធិការ​វត្ត​មួយ​ក្នុង​ស្រុក​បាទី​​ឆ្លងកូវីដ១៩ ​គ្រូពេទ្យ​ចុះ​​តេស្ត​ព្រះសង្ឃ​​តា​ជី​យាយ​ជី​​ ៥១​ អង្គ/នាក់​​​​​

ព័ត៌មានជាតិ២ ម៉ោង មុន

កងរាជអាវុធហត្ថ ស្ទាក់ចាប់រថយន្តសាំយ៉ុង២គ្រឿង ដឹកធ្យូង និងឈើគ្រញូង

ជីវិតកម្សាន្ដ៣ ម៉ោង មុន

ទោះបីបាត់បង់ជីវិត តែតារាកំប្លែង ៥ដួងនេះបានបន្សល់ទុកកេរ្តិ៍ឈ្មោះល្បីរន្ធឺសម្រាប់អ្នកគាំទ្រ

ព័ត៌មានជាតិ៣ ម៉ោង មុន

ឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប ចុះពិនិត្យបទល្មើសតាមព្រំដែន និងស្ថានភាពទឹកជំនន់

Sokha Hotels

ព័ត៌មានពេញនិយម

Helistar Cambodia - Helicopter Charter Services