​រាជរដ្ឋាភិបាល នឹង​បង្កើន​ចំណូល​ចរន្ត​ថវិកា​រដ្ឋ ​​ – Kampuchea Thmey Daily
Connect with us

ព័ត៌មានជាតិ

​រាជរដ្ឋាភិបាល នឹង​បង្កើន​ចំណូល​ចរន្ត​ថវិកា​រដ្ឋ ​​

Published

on

​កិច្ចប្រជុំពេញអង្គគណៈរដ្ឋមន្រ្ដី នាព្រឹកថ្ងៃទី២៣ខែតុលា២០២០ក្រោមអធិបតីភាព​ដ៏ខ្ពង់ខ្ពស់​សម្ដេច​អគ្គ​មហា​សេនាបតីតេជោ ហ៊ុនសែន នាយករដ្ឋមន្ត្រី​នៃព្រះ​រាជាណាចក្រកម្ពុជា បានពិភាក្សាស្ដីពី “សេចក្ដី​ព្រាង​ច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២១” ​ដើម្បីបង្កើនចំណូលចរន្ត ថវិការដ្ឋឱ្យបាន​ស្មើ​នឹង១៨,០% នៃ ផ.ស.ស ។

​ក្របខណ្ឌថវិកាឆ្នាំ២០២១ មានគោលដៅបង្កើនចំណូលចរន្តថវិការដ្ឋឱ្យបានស្មើនឹង ១៨,០% នៃ ផ.ស.ស.​ដែលមានការថយចុះចំនួន៥,៦៣ពិន្ទុភាគរយ នៃផ.ស.ស. ធៀបនឹងច្បាប់ថវិកាឆ្នាំ២០២០​ពោល​គឺនឹងសម្រេចបានទាបជាងគោលដៅនៃការប្រមូលចំណូលចរន្តថវិការដ្ឋ ដែលត្រូវបានកំណត់ឱ្យកើន​ជា​មធ្យម ០,៣ ពិន្ទុភាគរយ នៃផ.ស.ស. ក្នុងមួយឆ្នាំ នៅក្នុងយុទ្ធសាស្ត្រកៀរគរចំណូលឆ្នាំ២០១៩-២០២៣  គឺដោយសារកត្តាសត្យានុម័ត នៃការផ្ទុះឡើងនូវជំងឺកូវីដ-១៩ ។

ចំណាយបន្ទុកបុគ្គលិក នេះត្រូវបានគ្រោងដោយរក្សាកម្រិតប្រាក់បៀវត្សអប្បបរមា​និងប្រាក់បៀវត្សមន្ត្រី​រាជការស៊ីវិល និងកម្លាំងប្រដាប់អាវុធឆ្នាំ ២០២១ ស្មើនឹងកម្រិតឆ្នាំ២០២០ ដើម្បីសន្សំថវិកា សម្រាប់ទប់​ទល់ការរាតត្បាតនៃជំងឺកូវីដ-១៩ ដែលបានបង្កនូវផលប៉ះពាល់ដល់សេដ្ឋកិច្ចសុខភាព និង​ជីវភាពរស់​នៅ​របស់ប្រជាពលរដ្ឋ ជាពិសេសកម្មករនិយោជិតនៃ ឧស្សាហកម្មកាត់ដេរ និងវាយនភណ្ឌ កម្មករក្រៅប្រព័ន្ធ ក៏​ដូចជាប្រជាជនក្រីក្រ និងជនងាយរងគ្រោះ។

​ទន្ទឹមនេះ សម្រាប់ឆ្នាំ២០២១នេះ​ រាជរដ្ឋាភិបាល​បានគ្រោងថវិកាចំនួន៤០ប៊ីលានរៀល ដោយ​ឡែក​ផ្សេង​ទៀត សម្រាប់ផ្តល់លទ្ធភាពដល់ក្រសួងស្ថាប័នអាចជ្រើសរើស​មន្ត្រីមានសមត្ថភាពនិង​ជំនាញខ្ពស់​ចូល​បម្រើការងាររដ្ឋ។
​ដូចឆ្នាំមុនដែរ រាជរដ្ឋាភិបាល ក៏បានគ្រោងថវិកាចំនួន៥០ប៊ីលានរៀល ​សម្រាប់មូលនិធិថែទាំសុខភាពមន្ត្រី​សាធារណៈ  អតីតមន្ត្រីរាជការ និងអតីតយុទ្ធជន និងបានបន្តគ្រោងថវិកាចំនួន ៦ ប៊ីលានរៀលសម្រាប់​របប​សន្តិសុខសង្គម ផ្នែកហានិភ័យការងារ សម្រាប់មន្ត្រីសាធារណៈ  ដើម្បីលើកកម្ពស់សុខភាពមន្ត្រី​រាជ​ការស៊ី​វិល​​នៅក្នុងកញ្ចប់ថវិការ បស់ក្រសួងសុខាភិបាល។

ចំពោះ​ប្រាក់សោធន​និវត្តន៍ ក៏ត្រូវបានគ្រោងថវិកាចំនួន៣០ប៊ីលានរៀល សម្រាប់ការកាត់​បន្ថយ​គម្លាត​របប​សោធន​របស់និវត្តជន រវាងអ្នកចូលនិវត្តន៍ចាស់ និងអ្នកចូលនិវត្តន៍ថ្មី ជូនដល់និវត្ត​ជន​ដែលជាអតីត​មន្ត្រី​រាជ​ការ​ស៊ីវិល និង​កងកម្លាំង​ប្រដាប់អាវុធ​ ផងដែរ ។ ការគ្រោងថយចុះនេះ សម្រេចបានជារួមដោយសារគ្រប់​ក្រ​សួង​ស្ថាប័នទាំងអស់ ជាទូទៅគោរពបាននូវពិតានចំណាយគោល​ដែលរាជរដ្ឋាភិបាលបានផ្តល់​ជូន​សម្រាប់​ចំណាយ​មិនមែនបន្ទុកបុគ្គលិកក្នុងកម្រិតថវិកាវិចារណកម្មចំណាយឆ្នាំ២០២០ក្នុង ក្របខណ្ឌនៃ​ការ​ធ្លាក់ចុះនៃចំណូល និងក្នុងគោលដៅសន្សំធនធានសម្រាប់បន្តអន្តរាគមន៍ទប់ទល់នឹង​ផលប៉ះពាល់​ពី​វិបត្តិជំងកូវីដ-១៩។

ចំណាយនេះមួយភាគធំគឺមានមុខសញ្ញាចំណាយច្បាស់លាស់រួចហើយតែតម្រូវឱ្យកត់ត្រក្នុងខ្ទង់ចំណាយមិនទាន់បែងចែកនេះសិនដោយសារការតម្រូវខាងទិដ្ឋភាពបច្ចេ កទេសដែលកំណត់ដោយច្បាប់​ស្តីពីប្រព័ន្ធ​ហិរញ្ញវត្ថុសាធារណៈ និងនីតិវិធីហិរញ្ញវត្ថុជាធរមានលើកលែងតែចំណាយត្រៀមបម្រុងសម្រាប់ គ្រោះ​មហន្ត​រាយ​ធម្មជាតិ និង មុខចំណាយដូចរៀបរាប់ក្នុងមុខសញ្ញាផ្សេងៗទៀត។

ក៏ប៉ុន្តែចំណាយមានមុខសញ្ញាច្បាស់លាស់នេះ នឹងត្រូវធ្វើការផ្ទេរភ្លាមទៅតាមមុខសញ្ញា​ចំណាយ​ដែល​បាន​គ្រោងទុក តាមនីតិវិធីហិរញ្ញវត្ថុ ក្រោយពេលដែលច្បាប់ហិរញ្ញវត្ថុ ប្រចាំឆ្នាំ ចូលជាធរមាន ៕

អត្ថបទ ៖ ណារី
 
 
 
 

ចុច Like Facebook កម្ពុជាថ្មី

ព័ត៌មានជាតិ8 seconds ago

សាលារៀន​ដែល​ប្រើ​ជា​មណ្ឌល​ច​ត្តា​ឡី​ស័ក​បានប្រគល់​ឲ្យ​សាលា​បើក​ដំណើរការ​ចូលរៀន​ឡើងវិញ​ជា​បណ្តើរៗ​ហើយ

ព័ត៌មានជាតិ5 mins ago

សមាជិក ACD ទទួលស្គាល់​បញ្ហា​ប្រឈម ដែល​បណ្តាលមកពី​ជំងឺ​កូ​វីដ​-១៩ និង​ឯកភាព​ដោះស្រាយ​តាមរយៈ​អភិក្រម​ពហុ​វិស័យ

កីឡា1 hour ago

តេ​ក្វាន់​ដូ​WT បើក​វគ្គ​បណ្តុះបណ្តាល​គ្រូ បង្វឹក​កម្រិត​មូលដ្ឋាន និង​គ្រូបង្វឹក​ថ្នាក់ជាតិ

ព័ត៌មានជាតិ1 hour ago

ក្រសួងយុត្តិធម៌ ​បង្កើត​គណៈកម្មការ​រៀប​ចំ​ដំណើរការ​តុលាការ​ពាណិជ្ជកម្ម​ជា​លើកដំបូង​

ព័ត៌មានជាតិ1 hour ago

​វី​ង និង Ria រួមគ្នា​ជំរុញ​ការផ្ទេរ​ប្រាក់​ឆ្លង​ប្រទេស ឥឡូវនេះ​អតិថិជន Ria អាច​ផ្ញើ​ប្រា​ក់មក​ប្រទេស​កម្ពុជា​តាមរយៈ​វី​ង​បាន​ហើយ

ព័ត៌មានពេញនិយម