ព័ត៌មានជាតិ

ខ្យល់កន្ត្រាក់បណ្តាលឱ្យមនុស្សស្លាប់និងរបួសជាង៦០នាក់ និងប៉ះពាល់ផ្ទះសម្បែងជាង៥ពាន់ខ្នងក្នុងឆមាសទី១នេះ

បានផុស

៣ years មុន

នៅ

ថ្ងៃសុក្រ ៩ កក្កដា ២០២១

ដោយ

នៅក្នុងឆមាសទី១ ឆ្នាំ២០២១នេះ គ្រោះធម្មជាតិដោយបាតុភូតខ្យល់កន្ត្រាក់បានកើតឡើងជិត១៤០លើកបណ្តាលឱ្យមនុស្សស្លាប់និងរបួសជាង៦០នាក់ និងខូចខាតផ្ទះសម្បែងជាង៥ពាន់ខ្នង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយបានឱ្យដឹងថា ៦ខែឆ្នាំ២០២១នេះបាតុភូតខ្យល់កន្ត្រាក់បានកើតឡើងចំនួន១៣៨លើក បណ្តាលឱ្យរលំផ្ទះចំនួន៦០០ខ្នង របើកដំបូលផ្ទះ៤៥៦៥ខ្នង របើកសាលារៀន៣១ខ្នង ប៉ះពាល់តូបផ្សារ១០០តូប ប៉ះពាល់អគាររដ្ឋបាល១៧កន្លែង ស្លាប់មនុស្ស៥នាក់និងរបួស៥៦នាក់។

យោងតាមរបាយការណ៍ដដែលបានបន្តទៀតថា តួលេខនេះបើប្រៀបធៀបទៅនឹងរយៈពេល៦ខែដូចគ្នាឆ្នាំ២០២០កន្លងទៅឃើញថា មានការថយចុះខណៈ៦ខែឆ្នាំមុនមានបាតុភូតខ្យល់កន្ត្រាក់កើតឡើងចំនួន១៥៥លើកបណ្តាលឱ្យរលំផ្ទះចំនួន៧១១ខ្នង របើកដំបូលផ្ទះចំនួន៤៥០៥ខ្នង របើកដំបូលសាលារៀន២៤ខ្នង ប៉ះពាល់អគាររដ្ឋបាលចំនួន២៤ខ្នង ស្លាប់មនុស្ស៤នាក់និងរបួស៤៣នាក់៕

អត្ថបទ ៖ សំអឿន

Related Topics:ខ្យល់កន្ត្រាក់