សម្ដេចតេជោ ហ៊ុន​ សែន ៖ កម្ពុជាយល់ឃើញថា អ្នកវិនិ យោគត្រូវការសន្តិភាព ស្ថិរភាព ដែលជាអាទិភាពនៃការ​សម្រេចចិត្តយកកម្ពុជា ជាទិសដៅវិនិយោគ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ក្នុងកិច្ចប្រជុំពេញអង្គគណៈរដ្ឋមន្ត្រី នាព្រឹកថ្ងៃទី៩ ខែកក្កដានេះថា ប្រទេសកម្ពុជាយល់ឃើញថា អ្នកវិនិយោគត្រូវការសន្តិភាព ស្ថិរភាព ដែលជាអាទិភាពនៃការសម្រេចចិត្ត យកកម្ពុជាជាទិសដៅវិនិយោគ។ នេះបើតាមការឲ្យដឹងពីលោក ផៃ ស៊ីផាន រដ្ឋមន្ត្រីប្រតិភូមអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល ដែលបានបង្ហោះ​នៅ​លើ​គណនីហ្វេសប៊ុករបស់លោក នៅមុននេះបន្តិច។

លោក ផៃ ស៊ីផាន បានសរសេរថា «កិច្ចប្រជុំពេញគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានមានប្រសាសន៍ថា ហេតុផលនៃ សំណើច្បាប់នេះ គឺជាមូលដ្ឋានគតិយុត្តិសម្រាប់ទាក់ទាញ និងផ្តល់វិសាលភាព ដល់វិនិយោគិនងាយស្រួល ក្នុងកិច្ចវិនិយោគមកកម្ពុជា។ ហើយកម្ពុជាយល់ឃើញថា អ្នកវិនិយោគត្រូវការសន្តិភាព ស្ថិរភាព ដែលជាអាទិភាពនៃការសម្រេចចិត្តយកកម្ពុជាជាទិសដៅវិនិយោគ ទោះជាស្ថានភាពអន្តរជាតិ​ប្រឈមក្នុងវិស័យនយោបាយ​ ពាណិជ្ជកម្មយ៉ាងណាក៏ដោយ»៕ (ដោយ)៖ ឃួន សុភ័ក្រ